मुदतीत शेततळे न खोदणाऱ्या शेतकऱ्यांचे अर्ज रद्द नाहीत
मनोज कापडे
शुक्रवार, 29 सप्टेंबर 2017

विविध कारणांमुळे हजारो शेतकऱ्यांनी अनुदानाचे मंजुरीपत्र असूनही तळे खोदता आलेले नाही. तळे खोदाईसाठी अनुदानाच्या तुलनेत शेतकऱ्याला मोठी गुंतवणूक करावी लागते, त्यामुळे बऱ्याच वेळा कामे रखडतात. मात्र, कामे सुरू करण्यासाठी पात्र अनुदानाच्या किमान २० टक्के रक्कम आगाऊ मिळण्याचीदेखील सुविधा आहे. 

पुणे : राज्यात मागेल त्याला शेततळे योजनेतून पूर्वसंमतीपत्र मिळवूनही ९० दिवसांत शेततळे न खोदलेल्या शेतकऱ्यांचे अर्ज अजूनही रद्द करण्यात आलेले नाहीत. शेतकऱ्यांसाठी ही बाब दिलासादायक असून, ऑक्टोबरपासून राज्यात तळे खोदाईला वेग येण्याची शक्यता आहे, अशी माहिती सूत्रांनी दिली.  

राज्य शासनाच्या नियमानुसार ऑनलाइन शेततळ्यासाठी अर्ज दाखल केल्यानंतर पूर्वसंमती मिळालेल्या शेतकऱ्यांना तीन महिन्यांत तळे खोदाई करणे बंधनकारक असते. मात्र, विविध कारणांमुळे हजारो शेतकऱ्यांनी अनुदानाचे मंजुरीपत्र असूनही तळे खोदता आलेले नाही. तळे खोदाईसाठी अनुदानाच्या तुलनेत शेतकऱ्याला मोठी गुंतवणूक करावी लागते, त्यामुळे बऱ्याच वेळा कामे रखडतात. मात्र, कामे सुरू करण्यासाठी पात्र अनुदानाच्या किमान २० टक्के रक्कम आगाऊ मिळण्याचीदेखील सुविधा आहे. 

‘‘यातील काही शेतकरी खरिपाच्या काढणीनंतर खोदाई सुरू करतील असा अंदाज आहे. मात्र, खोदाई शक्य नसलेल्या शेतकऱ्यांकडून तसे एक इच्छापत्र घेतले जाईल. त्यामुळे दुसऱ्या शेतकऱ्याचा अर्ज मंजूर करणे सुलभ होईल,’’ असे सूत्रांचे म्हणणे आहे.
 
मागेल त्याला शेततळे योजनेसाठी राज्य शासनाकडून ५० हजार रुपये कमाल अनुदान मिळते. त्यासाठी निधीची कमतरता पडू दिलेली नाही. ५० पैशांपेक्षा कमी पैसेवारी असलेल्या गावातील शेतकऱ्यांनाच याआधी शेततळे मंजूर केले जात होते. मात्र, आता ही अट रद्द करण्यात आली असून, कोकणात किमान २० गुंठे आणि इतर भागांत किमान ६० गुंठे जमीन असलेले शेतकरी या योजनेसाठी अनुदान मिळवू शकतात. 

‘‘आतापर्यंत आम्ही ४७ हजार शेतकऱ्यांच्या बॅंक खात्यात १०२ कोटी रुपयांचे अनुदान जमा केले आहे. आतापर्यंत दोन लाख ८७ हजार शेतकऱ्यांनी या योजनेसाठी अर्ज केले होते. प्रांताधिकारी अधिकाऱ्यांच्या अध्यक्षतेखालील तालुकास्तरीय समितीने त्यापैकी एक लाख ५१ हजार शेतकऱ्यांचे अर्ज मंजूर केले आहेत,’’ अशी माहिती राज्याचे मृदसंधारण संचालक डॉ. के. पी. मोते यांनी दिली.  

‘‘ऑनलाइन अर्ज केल्यानंतर पूर्वसंमती मिळालेल्या शेतकऱ्यांनी तळ्याची कामे लवकरात लवकर पूर्ण करावीत. त्यामुळे अनुदान मिळण्यात अडचणी येणार नाहीत,’’ असेही मृदसंधारण विभागाचे म्हणणे आहे.

इतर अॅग्रो विशेष
कर्जमाफी योजनेस प्रारंभ...राज्य सरकारची...मुंबई : कर्जमाफी देण्यासाठी जाहीर करण्यात आलेल्या...
वाढत्या लोकसंख्येसाठी व्हर्टिकल फार्म...भारतासारख्या उच्च लोकसंख्या असलेल्या देशांसाठी...
निशिगंध लागवड तंत्रज्ञान निशिगंधाची फुले अत्यंत सुवासिक व आकर्षक असतात....
बरसीम पीक लागवड बरसीम हे मेथीघासाप्रमाणे बहुगुणी वैरणीचे पीक आहे...
‘जीवनसंगिनी’ची प्रकाशवाटनैसर्गिक आपत्तींचा कहर आणि अनिश्चित बाजार अशा...
बीजी ३ च्या विनापरवाना विक्रीवर...मुंबई : तणनाशक सहनशील (हर्बिसाईड टाॅलरंट)...
रब्बी पिकांचे पाणी व्यवस्थापन महत्त्वाचेरब्बी हंगामामध्ये घेतल्या जाणाऱ्या पिकांसाठी...
राज्यात कापूस खरेदी २५ पासूननागपूर : राज्यात बुधवार (ता. २५) पासून पणन...
नेताओं की दिवाली, किसानों का दिवालादोन दिवसांपूर्वी मला अमरावती जिल्ह्यातील शेतकरी...
ऊसावरील कीडींचे एकात्मिक व्यवस्थापन तपशील : पूर्व मशागत     कीड...
वऱ्हाडातील प्रकल्पांची ‘तहान’ कायमअकोला  ः दिवाळीचे पर्व सुरू झाले; मात्र या...
शेतशिवारांत लवकरच 'ड्रायव्हर' विना...पुणे : सर्जा-राजाच्या परंपरेने चालणाऱ्या भारतीय...
कतृर्त्वाचे उजळले दीप घरची शेतकरी कुटुंबाची पार्श्वभूमी. शिक्षण पूर्ण...
‘महाबीज’ करणार २७ जिल्ह्यांत बीजोत्पादनअकोला ः राष्ट्रीय कृषी विस्तार व तंत्रज्ञान...
एक चमचा तेलामुळे शोषली जातील हिरव्या...एक चमचा तेलाचा हिरव्या भाजीसोबत केलेला उपयोग,...
भाजीपाला प्रक्रियेतून उद्योगांना मिळेल...भाजीपाल्यापासून जास्तीत जास्त प्रक्रियायुक्त...
कोल्हापूर जिल्ह्यात सततच्या पावसाने...कोल्हापूर : सततच्या पावसामुळे पिकात पाणी साचून...
मका चारा पीक लगवड तंत्रज्ञान जनावरांच्या आहारात अत्यंत सकस, रूचकर चारा म्हणून...
मुहूर्तालाच खोडाकर्जमाफी शेतकऱ्यांच्या पदरात टाकण्यासाठीचा...
शेतकऱ्यांना प्रक्रिया उद्योग,...पुणे ः ‘‘स्टार्चचे प्रमाण निम्म्यापेक्षा कमी...