agriculture news in marathi, after heavy criticism the controversial survey stopped by district administration | Agrowon

अॅग्रोवन इफेक्ट : चौफेर टीकेनंतर ‘ती’ पद्धत बंद !
टीम अॅग्रोवन
शुक्रवार, 23 फेब्रुवारी 2018

उस्मानाबाद : उस्मानाबाद जिल्ह्यात गारपीट आणि अवकाळी पावसामुळे नुकसान झालेल्या शेतकऱ्यांच्या शेतात पंचनामे करताना शेतकऱ्यांच्या हातात एखाद्या गुन्हेगारासारखी पाटी देऊन ओळख पटवली जात होती. पण ॲग्रोवनने पहिल्यांदा हा प्रकार समोर आणला. त्यामुळे शेतकऱ्यांप्रती प्रशासनाला सुचलेल्या या दुर्बुद्धीनंतर सगळीकडेच संताप व्यक्त होत होता. सोशल मीडियानेही या प्रकारावर सरकारला चांगलेच झोडले. चौफेर टीकेनंतर अखेरीस प्रशासनाला ही पद्धत बंद करावी लागली. 

उस्मानाबाद : उस्मानाबाद जिल्ह्यात गारपीट आणि अवकाळी पावसामुळे नुकसान झालेल्या शेतकऱ्यांच्या शेतात पंचनामे करताना शेतकऱ्यांच्या हातात एखाद्या गुन्हेगारासारखी पाटी देऊन ओळख पटवली जात होती. पण ॲग्रोवनने पहिल्यांदा हा प्रकार समोर आणला. त्यामुळे शेतकऱ्यांप्रती प्रशासनाला सुचलेल्या या दुर्बुद्धीनंतर सगळीकडेच संताप व्यक्त होत होता. सोशल मीडियानेही या प्रकारावर सरकारला चांगलेच झोडले. चौफेर टीकेनंतर अखेरीस प्रशासनाला ही पद्धत बंद करावी लागली. 

काही दिवसांपूर्वी राज्यात विदर्भासह मराठवाड्यात गारपीट व अवकाळी पावसाने शेतकऱ्यांच्या हाता-तोंडाचा घास पळवला. त्यानंतर कृषिमंत्री पांडुरंग फुंडकर, परिवहनमंत्री दिवाकर रावते आदी मंत्री, काही वरिष्ठ अधिकारी नुकसानीच्या पाहणीसाठी थेट शेतात उतरले. तातडीने पंचनामे करून, नुकसानभरपाईसाठी पुढाकार घेत मदतीची प्रक्रिया सुरू झाली; पण सुलतानी प्रशासनाने यासाठी कहरच केला. या नुकसानीच्या पंचनाम्यासाठी शेतकऱ्यांची ओळख पटवण्यासाठी चक्क शेतकऱ्यांच्या हातात पाटी देऊन नुकसानग्रस्त शेतात उभे राहण्याची ‘शिक्षा’ त्यांना दिली.

उस्मानाबाद जिल्ह्यातील उमरगा तालुक्‍यातील चिंचोली भुयार येथील एका महिला शेतकऱ्याचे याच पद्धतीचे छायाचित्र ‘ॲग्रोवन’मध्ये १९ फेब्रुवारीच्या अंकात प्रसिद्ध झाले, तेव्हा सगळीकडेच संतापाची लाट उसळली. विशेष म्हणजे उस्मानाबादसह बीड, लातूर आणि विदर्भाताली काही भागांतही याच पद्धतीने पंचनामे सुरू असल्याचे सांगण्यात आले. सोशल मीडियातही या प्रकाराचे तीव्र पडसाद उमटले. स्वतः विरोधी पक्षनेते धनंजय मुंडे, राधाकृष्ण विखे पाटील यांनीही त्याबाबत आक्षेप घेत सरकारचा निषेध नोंदवला. वास्तविक, शासनानेच शेतकऱ्यांची ओळख पटवण्यसाठी विशिष्ठ पद्धतीची टॅगिंग पद्धत अमलात आणली आहे. त्यामुळे सहजपणे शेतकऱ्यांची ओळख व अन्य माहिती उपलब्ध होऊ शकते; पण अतिहुशारीच्या नादात नको ती दुर्बुद्धी सुचलेल्या प्रशासनाला उशिरा का होईना जाग आली आणि आता ही पद्धत बंद करावी लागली आहे.

शासनाची अशी कोणती सूचना नव्हती, अनावधानाने झालेला हा प्रकार होता. शेतकऱ्यांना त्यांच्या शेतात उभे राहून फोटो घेण्याच्या कल्पनेतून पुढे आलेली ही एक कल्पना होती. त्यामध्ये कोणाच्याही भावना दुखावण्याचा हेतू नव्हता; पण आता प्रकार बंद केला आहे. जवळपास २१ हजार हेक्‍टरवरील पिकांचे नुकसान झाले होते. त्यापैकी बहुतांश पंचनामे पूर्ण झाले आहेत. 
- अरविंद बोळंगे, तहसीलदार, उमरगा

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...