agriculture news in marathi, agitation against electricity company | Agrowon

वीज कंपनीविरुद्ध बुलडाणा जिल्ह्यात जनक्षोभ
टीम अॅग्रोवन
गुरुवार, 28 डिसेंबर 2017

बुलडाणा : एकीकडे रब्बी हंगाम जोरावर आलेला असताना वीज कंपनीकडून थकीत देयक वसुलीसाठी विद्युत पुरवठा खंडित केला जात आहे. याविरुद्ध बुलडाणा जिल्ह्यात ठिकठिकाणी जनक्षोभ उसळत आहे. मलकापूर, नांदुरा तालुक्यातील आंदोलनानंतर आता चिखली तालुक्यात आंदोलनांचे लोण पोचले. मंगळवारी (ता.२६) रात्री चिखली तालुक्यातील केळवद येथील वीज उपकेंद्रात संतप्त शेतकऱ्यांनी काँग्रेसचे जिल्हाध्यक्ष आमदार राहुल बोंद्रे यांच्या नेतृत्वात कार्यालयात जाळपोळ केली. या आंदोलनानंतर वीज अधिकाऱ्यांनी तातडीने वीजपुरवठा सुरळीत केला.

बुलडाणा : एकीकडे रब्बी हंगाम जोरावर आलेला असताना वीज कंपनीकडून थकीत देयक वसुलीसाठी विद्युत पुरवठा खंडित केला जात आहे. याविरुद्ध बुलडाणा जिल्ह्यात ठिकठिकाणी जनक्षोभ उसळत आहे. मलकापूर, नांदुरा तालुक्यातील आंदोलनानंतर आता चिखली तालुक्यात आंदोलनांचे लोण पोचले. मंगळवारी (ता.२६) रात्री चिखली तालुक्यातील केळवद येथील वीज उपकेंद्रात संतप्त शेतकऱ्यांनी काँग्रेसचे जिल्हाध्यक्ष आमदार राहुल बोंद्रे यांच्या नेतृत्वात कार्यालयात जाळपोळ केली. या आंदोलनानंतर वीज अधिकाऱ्यांनी तातडीने वीजपुरवठा सुरळीत केला.

वीज वितरण कंपनीने कोणतीही पूर्वसूचना न देता शेतकऱ्यांचा वीजपुरवठा खंडित केला होता. यामुळे केळवद कार्यालयाअंतर्गत असलेल्या केळवद, शिरपूर, किन्होळा, वाडी ब्रह्मपुरी, गिरोला, हातणी या गावांतील शेतकऱ्यांचा वीजपुरवठा पाच दिवसांपासून ठप्प झाला होता. या गावांमधील गहू, हरभरा, मका, कांदा व भाजीपाल्याची पिके धोक्यात आली होती. महावितरणने अचानकपणे सरसकट कृषिपंपांचा वीजपुरवठा खंडित केल्याने पेच बनला होता. त्यामुळे शेतकऱ्यांनी बोंद्रे यांच्यासह केळवद येथील कार्यालय गाठले; परंतु तेथे कोणताही अधिकारी, कर्मचारी नव्हता. थोड्या वेळाने बुलडाणा येथून कार्यकारी अभियंता श्री. रामटेके तेथे पोचले. त्यांच्याकडूनही शेतकऱ्यांना दिलासा न मिळाल्याने शेतकऱ्यांनी संतापाच्या भरात केळवद येथील कार्यालयास आग लावली. शेतकऱ्यांचा वीजपुरवठा सुरळीत होत नाही तोपयपर्यंत अधिकारी कर्मचाऱ्याला येथून हलू देणार नसल्याचा आक्रमक पवित्रा घेण्यात आल्याने खंडित वीजपुरवठा सुरळीत करण्यात आला.

नांदुऱ्यात काँग्रेस-राष्ट्रवादीचे आंदोलन
वीजप्रश्नावर नांदुरा येथे काँग्रेस व राष्ट्रवादी काँग्रेसच्या पदाधिकाऱ्यांनी आंदोलन केले. काँग्रेस नेत्यांनी वीज कार्यालयास तालाठोको आंदोलन केले; तर राष्ट्रवादीच्या नेत्यांनी हल्लाबोल आंदोलन होते.

उपकेंद्राच्या जाळपोळप्रकरणी गुन्हे दाखल
दोन दिवसआधी मलकापूर तालुक्यातील जांबुळधाबा उपकेंद्रावर कार्यालयाची जाळपोळ केल्याबाबत ग्रामीण पोलिस ठाण्यात गुन्हा दाखल करण्यात आला. पोलिसांनी आंदोलक अ‍ॅड. हरीश रावळ यांच्यासह राजू पाटील, गजानन ठोसर, बंडू चौधरी, विजय पाटीलसह ७ ते ८ जणांविरुद्ध गुन्हे दाखल केले आहेत. या ठिकाणी शेतकऱ्यांचा वीजपुरवठा तोडल्याने आंदोलन होऊन तोडफोड करण्यात आली होती.

इतर अॅग्रो विशेष
बॅंकेच्या चकरा अन् कागदपत्रांच्या...धुळे ः मागील दोन - तीन महिन्यांपासून पीककर्जासाठी...
‘ई-नाम’मधील १४५ बाजार समित्यांसाठी हवेत...पुणे ः शेतकऱ्यांना त्यांचा शेतीमाल देशातंर्गत...
सुमारे साठ एकरांवर ‘ड्रीप अॅटोमेशन’पाणी व खतांचा काटेकोर वापर करण्याबाबत अनेक शेतकरी...
भारताकडून अमेरिकेच्या हरभरा, तुरीच्या...नवी दिल्ली ः अमेरिकेने भारतातून आयात होणाऱ्या...
राज्यात अनेक ठिकाणी जोरदार पावसाची हजेरीपुणे ः राज्यातील अनेक भागांत शुक्रवारी (ता. २२)...
माॅन्सून पुढे सरकण्यास अनुकूल स्थितीपुणे : माॅन्सूनला राज्यातून पुढे सरकण्यास अनुकूल...
राज्यात आजपासून प्लॅस्टिकबंदी...मुंबई : राज्य सरकारच्या प्लॅस्टिकबंदीच्या...
धान्याला कीड लागताच सेन्सर देणार माहितीकऱ्हाड, जि. सातारा : साठवणूक केलेल्या ठिकाणी अथवा...
साखर निर्यातीचा कोटा ८० लाख टन करण्याची...कोल्हापूर : साखर निर्यातीची कोटा ८० लाख टन करावा...
सुकाणू समितीच्या कार्यकारिणीची जवळगाव...अंबाजोगाई, जि. बीड : शेतकरी संघटना व सुकाणू...
शेती म्हणजे तोटा हे सूत्र कधी बदलणार? शेती कायम तोट्यात कंटूर मार्करचे संशोधक व शेती...
‘ई-नाम’ची व्याप्ती सर्वांच्या...स्पर्धाक्षम, पारदर्शक व्यवहारातून शेतीमालास अधिक...
कांदा बाजारात दरवाढीचे संकेतनाशिक : राजस्थान व मध्य प्रदेशमध्ये...
उपराष्ट्रपती आज बारामतीतबारामती ः उपराष्ट्रपती वेंकय्या नायडू शुक्रवारी (...
शेतकऱ्यांच्या उत्पन्नवाढीसाठी बहुस्तरीय...पुणे ः शेती क्षेत्राच्या विकासासाठी सिंचन,...
कापूस बाजारात भारताला संधीन्यूयाॅर्क ः चालू कापूस हंगामात पिकाला फटका...
मॉन्सून सक्रिय होण्यास प्रारंभ पुणे  ः अरबी समुद्र आणि हिंदी महासागर...
थकली नजर अन्‌ पाय...औरंगाबाद : घोषणा झाली, पण काय व्हतंय कुणास ठाऊक,...
हास्य योगाद्वारे सरकारचा निषेधनागपूर : सरकारच्या शेतकरी विरोधी धोरणांचा अभिनव...
माळरानावर साकारले फायदेशीर शेतीचे स्वप्नमनात जिद्द आणि कष्ट करण्याची तयारी असेल, तर...