पीकविमा परताव्यासाठी आंदोलन तीव्र करणार : खासदार जाधव

पीकविमा परताव्यासाठी आंदोलन तीव्र करणार : खासदार जाधव

परभणी  ः पीकविमा नुकसानभरपाई मंजूर करावी, ही शेतकऱ्यांची न्याय्य मागणी आहे. त्यामुळे परतावा मंजूर करण्यासाठी आंदोलन आणखीन तीव्र केले जाणार असून, अनेक राजकीय पक्षांनी शेतकरी आंदोलनास पाठिंबा दिला आहे, असे खासदार संजय जाधव यांनी सांगितले.

रविवारी आयोजित पत्रकार परिषदेत ते बोलत होते. विमा परताव्याबाबत अद्याप कोणताही तोडगा न निघाल्यामुळे शेतकऱ्यांनी जिल्हाधिकारी कार्यालयासमोर सुरू केलेले उपोषण रविवारी (ता.१) सहाव्या दिवशीही सुरूच होते. जिल्ह्यातील सर्व शेतकऱ्यांना संपूर्ण जोखीमसह विमा परतावा मंजूर करण्यासाठी शुक्रवारी (ता.२९) शिष्टमंडळाने केंद्रीय कृषिमंत्री राधामोहन सिंह यांची भेट घेतली.

याप्रकरणी राज्य सरकारला सोमवार (ता.२) पर्यंत निर्देश प्राप्त होतील. परंतु विमा परतावा मंजूर करण्यासाठी बुधवारी (ता.४) जिल्हाधिकारी कार्यालयामध्ये ठिय्या, गुरुवारी (ता.५) जिल्हाबंद, शुक्रवारी (ता.६) रास्ता रोको आंदोलन करण्यात येणार आहे, असे जाधव यांनी सांगितले.

या वेळी माजी कृषी राज्यमंत्री सुरेश वरपूडकर, माजी आमदार बाबाजानी दुर्राणी, जिल्हा बॅंकेचे अध्यक्ष पंडितराव चोखट, राजन क्षीरसागर, विलास बाबर, श्रीनिवास जोगदंड उपस्थित होते. येत्या विधिमंडळ अधिवेशनात आमदार विजय भांबेळ, डॉ.मधुसूदन केंद्रे, डॉ. राहुल पाटील हा प्रश्न लावून धरणार आहेत, असे सांगण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com