agriculture news in marathi, agitation of farmers for milk rate,pune, maharashtra | Agrowon

अभिनव पद्धतीने सणसरला आंदोलन
टीम अॅग्रोवन
शुक्रवार, 20 जुलै 2018

भवानीनगर, जि. पुणे   ः सणसर येथील कुरवली चौकात गुरुवारी (ता.१९)  बिरबलाच्या गोष्टीतल्या खिचडीसारखेच खूप उंच मडक्यात ठेवलेल्या दुधाला साय आणायची कृती सुरू होती. मात्र, खूप वेळ जळण जाळूनदेखील दूध अखेर शिजलेच नाही, त्यामुळे सरकारी धोरणाचा निषेध करीत हजारो लिटर दूध आंदोलकांनी रस्त्यावर ओतून दिले.

भवानीनगर, जि. पुणे   ः सणसर येथील कुरवली चौकात गुरुवारी (ता.१९)  बिरबलाच्या गोष्टीतल्या खिचडीसारखेच खूप उंच मडक्यात ठेवलेल्या दुधाला साय आणायची कृती सुरू होती. मात्र, खूप वेळ जळण जाळूनदेखील दूध अखेर शिजलेच नाही, त्यामुळे सरकारी धोरणाचा निषेध करीत हजारो लिटर दूध आंदोलकांनी रस्त्यावर ओतून दिले.

सणसर येथे रघुनाथदादा पाटीलप्रणीत शेतकरी संघटनेचे जिल्हाध्यक्ष पांडुरंग रायते व शिवसेनेच्या युवासेनेचे तालुकाध्यक्ष सोमनाथ गुप्ते यांच्या नेतृत्वाखाली दूध दरप्रश्नी अभिनव आंदोलन करण्यात आले. या आंदोलनाची चर्चा तालुक्यात चांगलीच रंगली. येथील कुरवली चौकात गुरुवारी सकाळी तीन बांबू बांधून त्याला दुधाने भरलेले मडके बांधण्यात आले. जवळपास दहा ते चौदा फूट उंचावर बांधलेल्या या मडक्यातले दूध सरकारी अध्यादेशांच्या प्रती पेटवून, त्याचा जाळ करून तापवायचे होते. मात्र, या दोन्हीमध्ये खूप मोठे अंतर असल्याने अपेक्षेप्रमाणे दूध काही तापले नाही, परिणामी संतापलेल्या दूध उत्पादक व कार्यकर्त्यांनी रस्त्यावर हजारो लिटर दूध ओतून दिले.

या आंदोलनात शेतकरी संघटनेचे विद्यार्थी आघाडीचे पश्चिम महाराष्ट्र उपाध्यक्ष नवनाथ बनसोडे, हनुमंत वीर, संजय सोनवणे, राजेंद्र जामदार, विष्णुपंत कदम,  शिवसेनेचे राहुल जगताप, विजय गायकवाड, अजय सोनवणे, राष्ट्रवादीचे पार्थ निंबाळकर, काँग्रेसचे आबासाहेब निंबाळकर आदी सहभागी होते.

‘सरकार आणि विरोधक हे मावसभाऊ’
या वेळी पांडुरंग रायते म्हणाले, की २०१७ मध्ये शासनाने २७ रुपये प्रतिलिटर दूध दराची घोषणा केली. मात्र, प्रत्यक्षात भाव मिळतच नाही, तरीही सरकार कारवाई करीत नाही. सरकारने केलेल्या या दुर्लक्षामुळे राज्यात रोज शेतकऱ्यांची १८ कोटींची लूट होते. आदेश काढल्यापासून आजपर्यंत ७ हजार २०० कोटींची लूट झालेली आहे. याबाबत अजूनही सरकार दुर्लक्षच करीत आहे. सरकार आणि सत्तेतले विरोधक हे मावसभाऊच आहेत.

इतर ताज्या घडामोडी
राज्यात भेंडी ५०० ते ३००० रुपये...सांगलीत दहा किलोस २५० ते ३०० रुपये  सांगली...
राज्याचा पुरोगामित्वाचा वारसा जपूया :...मुंबई: शेती, पाणी, गुंतवणूक, गृहनिर्माण अशा विविध...
विदर्भात पावसाचे जोरदार कमबॅकनागपूर ः गेल्या महिनाभरापासून दडी मारलेल्या...
शिराळ्यात नागप्रतिमेची पूजाशिराळा, जि. सांगली ः  अनेक वर्षे जिवंत...
अकोल्यात पावसाचे आगमनअकोला : या भागात गेल्या २० पेक्षा अधिक...
एकात्मिक कीड नियंत्रणात फेरोमोन...कामगंध सापळ्यांचा वापर केल्यास कमी खर्चात कीड...
उत्पादनवाढीसाठी एअरोसोल्सद्वारे...पृथ्वीच्या वातावरणामध्ये कृत्रिमरीत्या सल्फेट...
राजकीय सभ्यता व सुसंस्कृतपणा जपणारा एक...पुणे : राजकिय विरोध कितीही असला तरी राजकारणातील...
अटलजी : एका उत्तुंग नेतृत्वाचा अस्तभारताचे माजी पंतप्रधान, देशाचे लोकप्रिय नेते...
देशाने महान पुत्र गमावला : राहुल गांधी नवी दिल्ली : ''आज भारताने महान पुत्र गमावला...
वाजपेयींच्या निधनाने एका युगाचा अंत :...नवी दिल्ली : ''अटलजींच्या निधनाने एका युगाचा...
अजातशत्रू, मुरब्बी राजकारणी : अटल...शालीन, सभ्य राजकारणाने विरोधकांना जिंकणारे,...
...या आजारांनी वाजपेयींना ग्रासले होतेनवी दिल्लीः माजी पंतप्रधान अटलबिहारी वाजपेयी...
वाजपेयींच्या जीवनाशी निगडीत दहा प्रमुख...नवी दिल्ली : भारताचे माजी पंतप्रधान, ...
सोलापूरात कृत्रिम पावसाचा प्रयोग यशस्वीसोलापूर - सोलापुरात मागील चार दिवसांपासून...
नांदेड: माहूर मंडळात मुसळधारमाहूर, जि. नांदेड : गेल्या अनेक दिवसापासून...
औरंगाबादेत श्रावणाची पहिली सरऔरंगाबाद : गेल्या वीस पंचवीस वडीवसंपासून पावसाने...
एक महिन्याच्या विश्रांतीनंतर लातूर...लातूर : गेल्या एक महिन्यापासून गायब झालेल्या...
पोपट पाळल्यास तुरुंगवासमुंबई - घरात पोपट पाळण्याची हौस महागातही पडू...
मराठवाड्यात पावसाची रिपरिप; पिकांना...औरंगाबाद : पावसाने ओढ दिल्याने मराठवाड्यातील...