agriculture news in marathi, agitation of sugarcane chop workers, nagar, maharashtra | Agrowon

ऊसतोड कामगारांचा यंदा ‘कोयता बंद’
सुर्यकांत नेटके
शनिवार, 25 ऑगस्ट 2018

मजूर, मुकादम, वाहतूकदारांचा विचार केला जात नाही. कमी पैशात काम करावे लागते. त्यामुळे शंभर टक्के मजुरी वाढ मिळणे गरजेचे आहे. त्यासाठी संप पुकारला आहे. राज्यभर बैठका घेतल्या जात आहेत. बीडला पंकजा मुंडे यांच्या उपस्थितीत मेळावा घेणार आहोत.

- केशवराव आंधळे, माजी आमदार व मार्गदर्शक, गोपीनाथराव मुंडे ऊस तोडणी मजूर, मुकादम व वाहतूकदार संघटना.
 

नगर  ः मजुरांना कष्टाच्या तुलनेत मोबदला मिळत नाही. त्यामुळे सध्याच्या मजुरीत १०० टक्के वाढ करावी, यासह अन्य मागण्यांसाठी यंदा ऊसतोडणी कामगार संप करणार आहेत. मागण्या मान्य होईपर्यंत ‘कोयता बंद’ असेल. राज्य ऊस तोडणी वाहतूक, मुकादम कामगार युनियन आणि गोपीनाथराव मुंडे ऊस तोडणी मजूर, मुकादम व वाहतूकदार संघटनेसह अन्य संघटनांनी हा संप जाहीर केला आहे.  

राज्यात साधारण बारा ते पंधरा लाख ऊसतोडणी कामगार आहेत. कामगारांच्या मागण्यांसाठी राज्यात पहिला संप शिरूर कासार (जि. बीड) येथील कै. हरिभाऊ खंडू ढाकणे यांनी १९६५ मध्ये केला होता. त्यानंतर माजी केंद्रीय मंत्री बबनराव ढाकणे यांनी १९७४, १९७६ व १९७८ ला संप केला. त्यावर्षी मजुरीत ५ रुपयांवरून १४ रुपये २५ पैसे प्रतिटन अशी दरवाढ झाली. त्यानंतर कामगारांच्या संघटना सक्रिय होत १९८६ ला झालेल्या संपात ६२, १९८९ ला झालेल्या संपात ४९, १९९२ ला झालेल्या संपात २२ टक्के मजुरी दरवाढ मिळाली.

मात्र, १९९५ ला तब्बल १९ दिवस कडकडीत संप होऊनही दरवाढ दिली गेली नाही. त्यानंतर १९९९ च्या संपात २५ टक्के दरवाढ, वीस टक्के फरक, २००५ च्या संपात ३५ टक्के, २००९ च्या संपात २५ टक्के दरवाढ, वीस टक्के फरक व २०११ च्या संपात ७० टक्के मजुरी दरवाढ झाली. त्या वेळी डोकी सेंटरसाठी पहिल्या मैलाला १९० रुपये १२ पैसे, तर गाडी सेंटरला २१२ रुपये १८ पैशाचा दर झाला होता. त्यानंतर दोन वेळा संप झाला.

सध्या डोकी सेंटरसाठी पहिल्या मैलाला प्रती टन २२८ रुपये ५४ पैसे, तर गाडी सेंटरला २५४ रुपये, टायर बैलगाडीला एक टन ऊस तोडून एक किलोमीटर वाहतूक केली तर २८० रुपये मिळतात. त्यानंतर प्रत्येक किलोमीटरला अवघे बारा रुपये वाढून मिळतात. त्यामुळे दरवाढीसह अन्य मागण्यासाठी यंदा संप करत असल्याचे राज्य ऊसतोडणी वाहतूक मुकादम कामगार युनियनचे अध्यक्ष गहिनीनाथ थोरे पाटील यांनी गुरुवारी (ता. २३) नगरमध्ये तर गोपीनाथराव मुंडे ऊस तोडणी मजूर, मुकादम व वाहतूकदार संघटनेचे नेते व माजी आमदार केशवराव आंधळे यांनी बीड मध्ये दोन दिवसांपूर्वी जाहीर केले आहे. यंदा उसाचे क्षेत्र जास्ती असल्यामुळे कारखानदारांपुढे अडचणी वाढण्याची शक्‍यता आहे.

याबाबत गहिनीनाथ थोरे पाटील म्हणाले, की  ऊसतोडणी मजुरांना कष्टाचा मोबदला मिळत नाही. मागण्यांकडेही फारसे लक्ष दिले जात नाही. त्यामुळे यंदा संप पुकारला असून मागण्या मान्य होईपर्यत संप सुरू राहील.

अशा आहेत मागण्या

  • मजुरीच्या दरात शंभर टक्के वाढ करावी.
  • ऊसतोडणी मुकादमांचे कमिशन वाढवून ३५ टक्के करावे.
  • कारखान्यांनी ऊसतोड मजूर, मुकादमांस पक्के घरे, शौचालये बांधून द्यावे.
  • पद्मश्री डॉ. विठ्ठलराव विखे पाटील ऊसतोडणी कामगार सुरक्षा विमा योजनेची अंमलबजावणी करारात ठरल्याप्रमाणे शासनाने करावी व विमा रकमेत वाढ करावी.
  • मजुरांच्या मुलाकरिता प्रत्येक तालुक्‍यात निवासी शाळा, वसतिगृहाची सोय करावी.
  • मजुरांसाठी उन्नती योजनेची नगरसह राज्यात अंमलबजावणी करावी.
  • सर्व मजुरांच्या कुटुंबाचा दारिद्य्र रेषेत समावेश करावा.
  • मजुरांना साठ वर्षांनंतर पेन्शन योजना लागू करावी.

 

इतर ताज्या घडामोडी
सामूहिक शेततळ्यांसाठी पुणे जिल्ह्यातील...पुणे  : वाढत्या पाणीटंचाईमुळे शेतकरी...
...ही परिवर्तनाची सुरवात आहे : शरद पवारमुंबई   : देशाच्या संविधानावर, स्वायत्त...
नगर जिल्ह्यात नरेगा कामांवर ६७७६ मजूर...नगर  ः दुष्काळी स्थिती लक्षात घेऊन...
सातारा जिल्ह्यात १३३५ शेततळी पूर्ण सातारा   ः जिल्ह्याच्या पूर्व भागात...
भाजपत दोघांचीच मनमानी : यशवंत सिन्हापुणे : सध्या लोकशाही धोक्यात आणणा-या भाजपची घमेंड...
सरकार स्थापनेनंतर लगेचच शेतकऱ्यांना...नवी दिल्ली : छत्तीसगड, राजस्थानमध्ये कॉंग्रेसचे...
शाश्वत भविष्यासाठी अन्न पद्धतीमध्ये...सन २०५० पर्यंत जगाची लोकसंख्या सुमारे १० अब्ज...
परभणीत प्रतिटन २२०० रुपये ऊसदरासाठी ‘...परभणी ः गंगाखेड शुगर्स साखर कारखान्याने गेल्या...
नांदेड, परभणी, हिंगोलीत 'शेतीमाल तारण'...नांदेड ः शेतीमाल तारण योजनेअंतर्गत नांदेड, परभणी...
कोल्हापूर जिल्ह्यात लाळ्या खुरकूतचा...कोल्हापूर : जिल्ह्यात लाळ्या खुरकूत रोगाने थैमान...
औरंगाबादेत गटशेती संघाचे पहिले विभागीय...औरंगाबाद : ‘शेतकऱ्यांनी शेतकऱ्यांसाठी...
शेतकरीप्रश्‍नी राष्ट्रवादी कॉंग्रेसचा...टाकळी राजेराय, जि. औरंगाबाद ः सध्या असलेल्या...
जळगाव जिल्ह्यातील वाळूठेक्‍यांवरील बंदी...जळगाव : नागपूर खंडपीठाने स्थगिती उठविल्याने...
गाळपेराची कार्यवाही तात्काळ पूर्ण करा नाशिक : नाशिक जिल्ह्यात जूनपर्यंत पुरेल एवढा चारा...
निकम समितीचा अहवाल बाहेर निघण्याची...पुणे  : जलयुक्त शिवार योजनेत कृषी विभागाने...
मराठा जातप्रमाणपत्र वितरणातील संभ्रम...पुणे  : मराठा समाजाला शासकीय जातप्रमाणपत्र...
शेतकरी संघटना अधिवेशन : 'निसर्ग कमी, पण...शिर्डी, जि. नगर  : पोळ्यापासून पाऊस नाही,...
जमीन अधिग्रहणाविरोधात...कोल्हापूर  : रत्नागिरी-नागपूर व विजापूर-...
घटनादुरुस्तीनंतरचे कायदे शेतकऱ्यांसाठी...शिर्डी, जि. नगर  ः शेतकऱ्यांसंबंधी केलेले...
तीन हजार कोटी खर्चूनही बेंबळा प्रकल्प...यवतमाळ   ः चार तालुक्‍यांतील शेतीसाठी वरदान...