agriculture news in marathi, agitation for sugarcane payment, satara, maharashtra | Agrowon

ऊस दरासाठी सातारा जिल्ह्यात रास्ता रोको
टीम अॅग्रोवन
सोमवार, 12 नोव्हेंबर 2018

सातारा  ः जिल्ह्यातील एकाही साखर कारखान्याने अद्याप उसाचा दर जाहीर केलेला नाही. ऊस उत्पादक शेतकऱ्यांना एफआरपी अधिक २०० रुपये आणि मागील थकबाकीची रक्कम कारखान्यांनी द्यावी या मागणीासाठी स्वाभिमानी शेतकरी संघटनेने रविवारी सातारा, कराड व फलटण या तालुक्‍यांत अनेक ठिकाणी रास्ता रोको आंदोलन करण्यात आले. सह्याद्री सहकारी साखर कारखान्याचे ऊसगाळप बंद पाडल्याचे स्वाभिमानी संघटनेचे जिल्हाध्यक्ष सचिन नलवडे यांनी सांगितले.

सातारा  ः जिल्ह्यातील एकाही साखर कारखान्याने अद्याप उसाचा दर जाहीर केलेला नाही. ऊस उत्पादक शेतकऱ्यांना एफआरपी अधिक २०० रुपये आणि मागील थकबाकीची रक्कम कारखान्यांनी द्यावी या मागणीासाठी स्वाभिमानी शेतकरी संघटनेने रविवारी सातारा, कराड व फलटण या तालुक्‍यांत अनेक ठिकाणी रास्ता रोको आंदोलन करण्यात आले. सह्याद्री सहकारी साखर कारखान्याचे ऊसगाळप बंद पाडल्याचे स्वाभिमानी संघटनेचे जिल्हाध्यक्ष सचिन नलवडे यांनी सांगितले.

दरम्यान, कोल्हापूर, सांगली जिल्ह्यांतील ऊसदराचा प्रश्‍न सोडविला त्या अनुषंगाने सातारा जिल्ह्यातील ऊसदराचा प्रश्‍न मार्गी लावला जाईल, असे आश्‍वासन जिल्हा प्रशासनाकडून देण्यात आल्यानंतर रास्ता रोको आंदोलन स्थगित करण्यात आले आहे.

शनिवारी कोल्हापूर व सांगली जिल्ह्यांतील कारखान्यांनी एकरकमी पूर्ण एफआरपी देण्याचा निर्णय घेत ऊसदराबाबत तोडगा काढला. असाच तोडगा जिल्ह्यातील साखर कारखाने काढतील अशी आशा होती, मात्र साखर कारखान्यांनी कोणतीच भूमिका घेतली नसल्याने स्वाभिमानी शेतकरी संघटनेने रविवारी सकाळपासून अनेक ठिकाणी चक्का जाम आंदोलन करण्यास सुरवात केली. स्वाभिमानी शेतकरी संघटनेचे जिल्हाध्यक्ष राजू शेळके, धर्मराज जगदाळे यांनी आक्रमक भूमिका घेतली. रविवारी (ता.११) पुणे-बेंगलोर महामार्ग रोखण्यात आला. या आंदोलनात ‘स्वाभिमानी’चे जिल्हाध्यक्ष राजू शेळके, राज्य कार्यकारिणी सदस्य अर्जुन साळुंखे, सातारा तालुकाध्यक्ष रमेश पिसाळ यांनी सहभाग घेतला.

स्वाभिमानी शेतकरी संघटनेच्या वतीने जिल्ह्यात पोलिस बंदोबस्तात रास्ता रोको आंदोलन छेडण्यात आले. कोरेगाव तालुक्‍यात कुमठे, खटावमध्ये रास्ता रोको आंदोलन करण्यात आले. कराड तालुक्‍यात चक्का जाम आंदोलन करण्यात आले. या तालुक्‍यातील मसूर येथील प्रमुख चौकात ‘स्वाभिमानी’ जिल्हाध्यक्ष सचिन नलवडे यांच्या नेतृत्वाखाली चक्का जाम आंदोलन करण्यात आले. यानंतर सह्याद्री साखर कारखान्यावर जाऊन संघटनेच्या कार्यकर्त्यांनी ऊसगाळप बंद पाडल्याचे श्री. नलवडे यांनी सांगितले.

इंदोली येथे जिल्हा उपाध्यक्ष दादासाहेब यादव, विक्रम कदम यांच्या नेतृत्वाखाली रास्ता रोको आंदोलन करण्यात आले. कराड तालुक्‍यात पाचवड फाटा येथे रास्ता रोको करण्यात आले. सातारा तालुक्‍यातील शिवथर येथे ‘स्वाभिमानी’चे नेते रजनीकांत साबळे, भानुदास साबळे यांच्या नेतृत्वाखाली रास्ता रोको आंदोलन करण्यात आले. या वेळी पोलिसांनी आंदोलनकर्त्यांना ताब्यात घेतले. फलटण येथेही स्वाभिमानी शेतकरी संघटनेने चक्का जाम आंदोलन केले आहे. फलटण येथील पुणे - पंढरपूर व बारामती - सांगली रस्त्यावरील क्रांतिसिंह नाना पाटील चौकात चक्का जाम आंदोलन केले गेले. या वेळी संघटनेचे धनंजय महामूलकर, डॉ. रवींद्र घाडगे, नितीन यादव, प्रमोद गाडे, सचिन खानिवलकर, अनिल नाळे आदी कार्यकर्त्यांना पोलिसांनी ताब्यात घेतले.

 

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...