agriculture news in marathi, agitation for sugarcane payment, solapur, maharashtra | Agrowon

ऊस दरप्रश्नी सोलापुरात ‘स्वाभिमानी’ रस्त्यावर
टीम अॅग्रोवन
सोमवार, 12 नोव्हेंबर 2018

सोलापूर  ः गेल्या गळीत हंगामातील उसाची एफआरपी द्यावी यासह यंदाच्या हंगामात उसाला एफआरपी अधिक दोनशे रुपये दर द्यावा, या मागणीसाठी स्वाभिमानी शेतकरी संघटनेने रविवारी (ता.११) जिल्ह्यातील प्रमुख महामार्गांवर उतरत चक्काजाम आंदोलन केले. त्यामुळे काही काळ वाहतूक विस्कळित झाली, एकरकमी एफआरपी शिवाय कारखाने सुरू करू देणार नाही, असा इशाराही या वेळी देण्यात आला.

सोलापूर  ः गेल्या गळीत हंगामातील उसाची एफआरपी द्यावी यासह यंदाच्या हंगामात उसाला एफआरपी अधिक दोनशे रुपये दर द्यावा, या मागणीसाठी स्वाभिमानी शेतकरी संघटनेने रविवारी (ता.११) जिल्ह्यातील प्रमुख महामार्गांवर उतरत चक्काजाम आंदोलन केले. त्यामुळे काही काळ वाहतूक विस्कळित झाली, एकरकमी एफआरपी शिवाय कारखाने सुरू करू देणार नाही, असा इशाराही या वेळी देण्यात आला.

सोलापूर- विजयपूर महामार्गावर वडकबाळ, पुणे -विजयपूर मार्गावर मंद्रुप आणि सोलापूर- पंढरपूर मार्गावर तुंगत येथे हे आंदोलन करण्यात आले. वडकबाळ येथील आंदोलनात विद्यार्थी संघटनेचे प्रदेशाध्यक्ष अमोल हिप्परगे, जिल्हाध्यक्ष महामूद पटेल, सचिव उमाशंकर पाटील, चांद यादगिरी,अब्दुल रजाक मकानदार, बिळ्यानी सुंटे आदींसह शेतकरी सहभागी झाले होते. तुंगत येथे संघटक विजय रणदिवे यांच्या नेतृत्वाखाली आंदोलन झाले. विधीसेलचे जिल्हा अध्यक्ष ॲड. विजयकुमार नागटिळक, विद्यार्थी परिषदेचे अजिंक्‍य नागटिळक, नानासाहेब चव्हाण, सोमनाथ घोगरे, सागर इंगळे, महाळाप्पा खांडेकर, विजय पवार, शिवाजी सावंत, आबासाहेब चव्हाण, तुंगचे तंटामुक्त अध्यक्ष इंद्रजित रणदिवे आदी सहभागी झाले.

शेतकरी संघटनेच्या या आंदोलनामुळे या महामार्गावर काही काळ वाहतूक विस्कळित झाली, सरकार आणि कारखानदारांविरोधातील घोषणांनी वातावरण दणाणून गेले. श्री. पटेल म्हणाले, की सिद्धेश्वर, मातोश्री, गोकुळ, आदिनाथ अशा बऱ्याच कारखान्यांकडे बिले थकली आहेत. सतत पाठपुरावा करूनही कोट्यवधींची ऊसबिले मिळत नाही. त्यामुळे ऐन दिवाळीत शेतकऱ्यांना खर्डा भाकरी खाऊन शिमगा करावा लागला. तरीही कारखानदार, सरकारला जाग येत नाही.

अमोल हिप्परगे म्हणाले, की स्वाभिमानी शेतकरी संघटना सोलापुरातील राहिलेले ऊसबिल व चालू बिल एफआरपी अधिक दोनशे मिळाल्याशिवाय स्वस्थ बसणार नाही. कारखानदारांच्या मानगुटीवर बसून आम्ही हे पैसे वसूल करू. श्री. रणादिवे यांनीही तातडीने निर्णय घ्या अन्यथा आम्ही स्वस्थ बसणार नाही, असा इशारा दिला.

शरद जोशीप्रणित शेतकरी संघटनेचा रास्ता रोको
ऊसदराच्या मागणीवरून शरद जोशीप्रणित शेतकरी संघटनेनेही वैराग (ता. बार्शी) येथे रास्ता रोको आंदोलन केले. शेतकरी संघटनेचे राज्य उपाध्यक्ष शंकर गायकवाड यांच्या नेतृत्वाखाली हे आंदोलन झाले. ‘स्वाभिमानी’चे तालुकाध्यक्ष हनुमंत कापसे, लहू डिसले, श्रीधर यादव, भैया जगदाळे, हनुमंत वीर, दत्तात्रय कापसे, अशोक कापसे, किसन डिसले, दशरथ कापसे आदींसह शेतकरी व कार्यकर्ते उपस्थित होते. मागण्या मान्य न झाल्यास १३ नोव्हेंबरला पुन्हा रास्ता रोको करण्याचा इशारा या वेळी गायकवाड यांनी दिला.

इतर ताज्या घडामोडी
नियोजन खरिपाचे : ठिबक, खत व्यवस्थापन...शेतकरी ः विजय इंगळे चित्तलवाडी, ता. तेल्हारा, जि...
नियोजन खरिपाचे : लागवडीसह सिंचन, काढणी...शेतकरी - दीपक माणिक पाटील माचले, ता. चोपडा, जि....
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...
संत गाडगेबाबा अमरावती विद्यापीठ साधणार...अमरावती ः दुष्काळ, पाणीटंचाईच्या पार्श्‍वभूमीवर...
नांदगाव तालुक्यात फळबागा वाचविण्यासाठी...नाशिक : नांदगाव तालुक्यातील फळबागा वाचविण्यासाठी...
अरुणाग्रस्तांचा गाव न सोडण्याचा निर्धारसिंधुदुर्ग : अरुणा प्रकल्पात पाणीसाठा केला, तरी...
नांदेड : साडेतेरा हजार हेक्टरवर उन्हाळी...नांदेड : जिल्ह्यात २०१९ च्या उन्हाळी हंगामात १३...
परभणीत फ्लॉवर ३५०० ते ५००० रुपये...परभणी : पाथरी रस्त्यावरील फळे भाजीपाला...
पुणे जिल्ह्यातील चौदा कारखान्यांकडे...पुणे   ः जिल्ह्यात गळीत हंगाम संपवून...
जळगावात कांदा विक्रीत शेतकऱ्यांची लूटजळगाव ः कांद्याचे दर दबावात असतानाच त्याची विपणन...
जळगावात किसान सन्मान निधीचे वितरण...जळगाव ः खानदेशात सुमारे सव्वादोन लाख शेतकऱ्यांना...
पुणे जिल्ह्यात फळबाग लागवडीसाठी एक...पुणे  ः यंदा खरीप हंगामात फळबाग लागवड करू...
नगर, शिर्डीत ‘काँटे की टक्कर’ मतात...नगर ः भारतीय जनता पक्ष आणि शिवसेनेच्या कामावर...
अकरापैकी सहा आमदारांचा लोकसभेत प्रवेशमुंबई ः सतराव्या लोकसभा निवडणुकीच्या रिंगणात...
पुण्यातील पाणी, वाहतुकीचे प्रश्न...पुणे  ः येत्या पाच वर्षांत पुण्याचा...
निवडणुका घेतल्या नसत्या तरी चालले असते...सातारा  ः देशात नरेंद्र मोदी यांच्या...
मंत्रिपदाची संधी जळगाव की धुळ्याला?जळगाव ः खानदेशने भाजपला कौल दिला असून, आता...
‘ईव्हीएम’चा विजय असो : छगन भुजबळनाशिक  : लोकसभा निवडणुकीच्या मतमोजणीमध्ये...
सातारा मतदारसंघातून उदयनराजे भोसलेंना...सातारा : अत्यंत चुरशीच्या झालेल्या सातारा लोकसभा...
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...