agriculture news in marathi, agitation of swabhimani shetkari sanghatna, pune, maharashtra | Agrowon

बळिराजा हा सायलेंट बाँब; अंत पाहिल्यास तो फोडू ः खासदार शेट्टी
टीम अॅग्रोवन
शनिवार, 30 जून 2018

पुणे  : शेतकऱ्यांच्या सहनशीलतेचा अंत पाहू नका. ऊन, वारा, पावसात राबणारे हे शेतकरी आता हक्क मागण्यासाठी कुणालाही शिंगावर घेणारी फौज बनली आहे. दुधाला भाव आणि ऊसाची थकीत एफआरपी न दिल्यास बळिराजाचा सायलेंट बाॅंब आम्ही कधीही फोडू, असा खणखणीत इशारा स्वाभिमानी शेतकरी संघटनेचे प्रमुख, खासदार राजू शेट्टी यांनी दिला. 

पुणे  : शेतकऱ्यांच्या सहनशीलतेचा अंत पाहू नका. ऊन, वारा, पावसात राबणारे हे शेतकरी आता हक्क मागण्यासाठी कुणालाही शिंगावर घेणारी फौज बनली आहे. दुधाला भाव आणि ऊसाची थकीत एफआरपी न दिल्यास बळिराजाचा सायलेंट बाॅंब आम्ही कधीही फोडू, असा खणखणीत इशारा स्वाभिमानी शेतकरी संघटनेचे प्रमुख, खासदार राजू शेट्टी यांनी दिला. 

पुणे येथे दूध आणि ऊसदरप्रश्नी शुक्रवारी (ता.२९) स्वाभिमानी शेतकरी संघटनेच्या वतीने विराट कैफियत मोर्चा काढण्यात आला होता. मोर्चात राज्याच्या कानाकोपऱ्यातून हजारो शेतकरी सहभागी झाले होते. मोर्चात सहभागी झालेले काही शेतकरी तसेच महिलादेखील आसूड मारून सरकारच्या धोरणावर संताप व्यक्त करीत होत्या. पोलिसांनी कृषीभवनावरच मोर्चा अडविल्यानंतर खासदार शेट्टी यांनी शेतकऱ्यांना शांततेचे आवाहन केले.

खासदार शेट्टी यांचे शिष्टमंडळ त्यानंतर साखर आयुक्त संभाजी कडूपाटील यांना भेटले. २० जुलैपर्यंत जर राज्यातील साखर कारखान्यांनी थकीत एफआरपी दिली नाही, तर मी २१ जुलैला पुन्हा येईन. त्या वेळी साखर कारखान्यांवरील महसुली मालमत्ता जप्तीचे आदेशपत्र (आरआरसी) घेऊनच मी जाईन. त्यानंतर आम्ही संबंधित जिल्हाधिकाऱ्यांसमोर ठिय्या देवू. कारखान्यांची साखर विकून शेतकऱ्यांच्या रकमा दिल्याशिवाय आम्ही अजिबात मागे हटणार नाही, असा इशारा श्री. शेट्टी यांनी दिला.

सरकारच्या विराेधात #स्वाभिमानी आसूड कडाडला...

राज्यातील ऊस उत्पादक शेतकऱ्यांच्या बिलातून जादा तोडणी व ऊस वाहतूक खर्च वसूल करू नये. ऊस दर नियंत्रण समितीने घेतलेले आधीचे नियम नव्या समितीने बदलण्याचा प्रयत्न केल्यास मी अजिबात खपवून घेणार नाही. तुम्ही नियम बदलल्यास आम्ही सरकार बदलू. मी पुढचा हंगामसुद्धा सुरू होऊ देणार नाही, असा इशारा श्री. शेट्टी यांनी सरकारला या वेळी दिला.

या शिष्टमंडळाने दुग्धविकास विभागालादेखील या वेळी निवेदन दिले. कर्नाटकप्रमाणे राज्यातील शेतकऱ्यांना थेट बॅंक खात्यात पाच रुपये प्रतिलिटर अनुदान वर्ग करावे. तसे न झाल्यास शेतकऱ्यांच्या गायी कत्तलखान्याकडे जातील. त्यामुळे राज्याचा दुग्धविकास थांबेल, असा इशाराही शेट्टी यांनी दिला. यावेळी दूध दरप्रश्‍नी १५ जुलैपर्यंत निर्णय न झाल्यास १६ जुलैपासून एकही टँकर मुंबईकडे जाऊ दिला जाणार नाही, असा निर्णय श्री. शेट्टी यांनी जाहिर केला.

सहकारमंत्र्यांच्या कारखान्याकडे जर ६२ कोटींची एफआरपी थकीत असेल तर शेतकऱ्यांनी पहायचे कोणाकडे, असा सवाल करीत आम्ही एकदा सहकारमंत्र्यांना धरल्याशिवाय सोडणार नाही. दरोडेखोराच्या हातात तिजोरीच्या चाव्या देण्याचा हा प्रकार आहे. एफआरपी वेळेत न दिल्यामुळे आता शेतकऱ्यांना नाहक व्याज भरावे लागणार आहे. त्यामुळे पंजाबराव देशमुख व्याज सवलत योजनेची मुदतदेखील वाढवावी, अशी मागणी खासदार शेट्टी यांनी या वेळी केली. 

या मोर्चात स्वाभिमानी शेतकरी संघटनेचे प्रदेशाध्यक्ष प्रकाश पोपळे, पक्षाचे प्रदेशाध्यक्ष रविकांत तुपकर, विद्यार्थी प्रदेशाध्यक्ष अमोल हिप्परगे, युवती प्रदेशाध्यक्ष पूजा मोरे, महिला प्रदेशाध्यक्ष रसिका ढगे, योगेश पांडे, जालिंदर पाटील, प्रकाश बालवडकर, राजेंद्र ढवाण पाटील तसेच इतर पदाधिकारी सहभागी झाले होते. 

 

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...