निम्‍न दुधना धरणाच्या पाण्यासाठी ग्रामस्थांचे रास्ता रोको आंदोलन

परभणी येथे पाण्यासाठी आंदोलन
परभणी येथे पाण्यासाठी आंदोलन

परभणी : दुष्काळामुळे मानवत तालुक्यातील दुधना नदीकाठच्या ११ गावांतील पाणीपुरठ्याचा प्रश्न गंभीर झाला आहे. त्यामुळे निम्म दुधना धरणातून पाणीपुरवठा योजनांसाठी; तसेच जनावरांना पिण्यासाठी नदीपात्रात पाणी सोडावे, या मागणीसाठी मानवत तालुका दुष्काळ निवारण व पाणीटंचाई संघर्ष समितीतर्फे शनिवारी (ता.१८) मानवतरोड (जि.परभणी) येथे पाथरी-परभणी राष्ट्रीय महामार्गावर रास्ता रोको आंदोलन करण्यात आले.

जिल्ह्यात दुष्काळाची दाहकता वाढली असून, मानवत तालुक्यातील दुधना नदीकाठच्या सोन्ना, गोगलगाव, सावंगी (मगर), इरळद, नरळद, मंगरुळ, कोथाळा, पार्डी, राजुरा, शेवडी (ज.), टाकळी या गावांमध्ये पाणीटंचाईची समस्या अत्यंत बिकट झाली आहे. त्यामुळे दुष्काळ निवारण व पाणीटंचाई संघर्ष समितीतर्फे निम्म दुधना प्रकल्पाच्या धरणातून नदीपात्रात पाणी सोडण्याची मागणी करण्यात आली होती; परंतु धरणातून पाणी सोडण्यात न आल्यामुळे शनिवारी सकाळी अकराच्या सुमारास पाथरी ते परभणी राष्ट्रीय महामार्गावरील मानवतरोड येथे दुष्काळ व पाणीटंचाई निवारण संघर्ष समितीचे बाळासाहेब आळने, लिंबाजी कचरे पाटील, रामराजे महाडिक, शिवशंकर पाते, भगवान मुळे, अशोक बुरखुंडे, सुभाष देशमुख, दत्तराव मगर, रमेश कदम, दादासाहेब देशमुख, कल्याण मगर, कोडिंबा पाते, अशोक बारहाते, अण्णासाहेब मगर, अंबादास तुपसमिंद्रे आदींसह ११ गावांतील ग्रामस्थांनी रास्ता रोको आंदोलन केल्याने या मार्गावरील वाहतूक काही काळ खोळंबली होती.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com