agriculture news in Marathi, agri commissioner cleared dust from files, Maharashtra | Agrowon

नव्या आयुक्तांनी झटकली कृषी खात्याच्या फायलींवरील धूळ
टीम अॅग्रोवन
गुरुवार, 2 नोव्हेंबर 2017

पुणे : कृषी खात्यात आयुक्तालयापासून गावपातळीपर्यंत आलेली मरगळ झटकण्यासाठी विद्यमान कृषी आयुक्त सचिंद्र प्रतापसिंह यांनी पावले टाकण्यास सुरवात केली आहे. सर्व कर्मचाऱ्यांना शनिवार, रविवारी कार्यालयात पाचारण करून आयुक्तांनी सर्व फायलींवरील धूळ झटकून कागदपत्रांचे वर्गीकरण करण्यास भाग पाडले. 

पुणे : कृषी खात्यात आयुक्तालयापासून गावपातळीपर्यंत आलेली मरगळ झटकण्यासाठी विद्यमान कृषी आयुक्त सचिंद्र प्रतापसिंह यांनी पावले टाकण्यास सुरवात केली आहे. सर्व कर्मचाऱ्यांना शनिवार, रविवारी कार्यालयात पाचारण करून आयुक्तांनी सर्व फायलींवरील धूळ झटकून कागदपत्रांचे वर्गीकरण करण्यास भाग पाडले. 

शेतकऱ्यांना चांगली सेवा देण्यासाठी प्रशासकीय कागदपत्रांचे वर्गीकरण हा महत्त्वाचा मुद्दा ठरतो. बहुतेक कार्यालयांमध्ये फाइल्सचे वर्गीकरण झालेले नसल्यामुळे पुणे मुख्यालयापासून ते गावपातळीपर्यंत कागदपत्रे धूळ खात पडलेली होती. आयुक्तांच्या ही बाब लक्षात आल्यानंतर राज्यातील सर्व कर्मचाऱ्यांनी २८ व २९ ऑक्टोबरला सुटीच्या दिवशी कामावर येण्याचे फर्मान काढले होते. 

‘‘दिवाळीमधील सुट्यांचा माहोल कायम असताना आयुक्तांनी सुटीच्या दिवशी कामावर बोलविल्यामुळे अनेक कर्मचारी अनुत्सुक होते; मात्र आयुक्त स्वतःदेखील सुटी न घेता कामकाज करणार होते, तसेच सर्व संचालकांना अचानक भेटी देण्याचादेखील आदेश आयुक्तांनी दिला होता. त्यामुळे सुटीच्या दिवशी कर्मचारी उपस्थित राहिलेच; पण अपेक्षेप्रमाणे कागदपत्रांवरील धूळ झटकून वर्गीकरणाची मोहीम जोरदारपणे राबविण्यात आली,’’ अशी माहिती सूत्रांनी दिली. 

राज्यातील शेतकरीवर्गाच्या कल्याणासाठी स्थापन करण्यात आलेले कृषी आयुक्तालय हे कृषी योजनाविषयक कामकाजाचे मध्यवर्ती स्थान आहे. योजनांची चांगली अंमलबजावणी आणि जलद सेवा ही बाब केवळ फायलींच्या (नस्ती) वर्गीकरणावर अवलंबून असते; मात्र आयुक्तालयात ‘ड’ (अनावश्यक कागदपत्रे) वर्गीय कागदपत्रे व अभिलेख मोठ्या प्रमाणात पडून आहेत. जुनाट कागदांमुळे अस्वच्छता वाढून कर्मचारीवर्गाचा उत्साह कमी होतो, असे आयुक्तांना आढळून आल्यामुळेच ही मोहीम सुरू करण्यात आली. 

चांगला पगार मिळतो..चांगली सेवाही द्या..!
कृषी आयुक्त सचिंद्र प्रतापसिंह यांनी काही कार्यालयांना अचानक भेटी दिल्या. त्यांनी कर्मचारी व अधिकाऱ्यांशी संवाद साधला. आपल्याला शासनाकडून चांगला पगार मिळतो मग चांगली सेवादेखील दिली पाहिजे. कामकाजाची जागा स्वच्छ असावी व त्यामुळे मन प्रसन्न राहते. त्यामुळे शेतकऱ्यांची कामे लवकर होतात. यातून शासनाचा हेतू सफल होतो, असे आयुक्तांनी सूचित केल्यामुळे कर्मचाऱ्यांचा उत्साह वाढल्याचे सूत्रांचे म्हणणे आहे.

इतर अॅग्रो विशेष
झळा दुष्काळाच्या : शेतशिवार सुने......झळा दुष्काळाच्या ः जिल्हा औरंगाबाद गरज...
पाण्याचे राजकारण कोणीही करणार नाही ः...पुणे: राज्यातील गावा-गावांतील सामान्‍य...
नाशिकच्या आठ तालुक्यांत दुष्काळाचे संकटनाशिक : जुलैच्या पहिल्या आठवड्यात पीकपेरणी करून...
कृषी 'सेवापुलिंग'चे सर्व आदेश रद्दपुणे : कृषी खात्यातील काही महाभागांनी राज्य शासन...
भाताच्या खोडकिडी ल्यूर पाकिटात...चंद्रपूर ः भातावरील खोडकिडीचे पतंग आकर्षित व्हावे...
ग्रामपंचायतींमध्ये पीकनिहाय कृषी संदेश...पुणे: बोंड अळी तसेच पावसाचा खंड असल्यामुळे...
शेतकरी नवराच हवा गं बाई... कोल्हापूर : ‘शेतकरी नवरा नको गं बाई’ म्हणून...
कोकण, मध्य महाराष्ट्राच्या दक्षिण भागात...पुणे : कोकणाच्या सिंधुदुर्ग, रत्नागिरी, मध्य...
‘एमएसीपी’चे फलित काय ?पुणे : जागतिक बॅंकेकडून सुमारे ४५० कोटी रुपयांचे...
एकशेपंचवीस प्रकारच्या देशी बियाणांचा...काळा गहू, काळा हुलगा, लाल उडीद, पांढरे कारळे, साठ...
स्वादयुक्त, निर्यातक्षम आंबेमोहोर...निमझरी (जि. धुळे) येथील मच्छिंद्र, छगन आणि...
केरळला १०० कोटींची मदतकोची : केरळमधील पूरग्रस्त भागाची आज हवाई...
वानरांचा बंदोबस्त करणार कसा? माकडे आणि वानरे हजारो वर्षांपासून जंगलामध्ये,...
योजना चांगली, पण...हा य व्होल्टेज डिस्ट्रिब्युशन सिस्टिम (एचव्हीडीएस...
क्रॉपसॅप निरीक्षणाला अधिकाऱ्यांचा ‘खो'नागपूर ः क्रॉपसॅप प्रकल्पाअंतर्गत आठवड्यातून दोन...
‘दीडपट हमीभाव’प्रश्‍नी जनहित याचिकामुंबई: केंद्र सरकारने खरीप हंगामासाठी शेतीमालाला...
मॉन्सूनच्या काळात ७१८ जणांचा मृत्यूनवी दिल्ली ः देशात यंदाच्या माॅन्सूच्या काळात...
मराठवाड्यातील प्रकल्पांमधील पाणीसाठा...औरंगाबाद : पावसाळा सुरू असला तरी पाऊसच पडत...
कोकण, मध्य महाराष्ट्रात मुसळधारेचा अंदाजपुणे : राज्यात दडी मारलेल्या पावसाला पुन्हा...
वर्धा जिल्ह्यात कपाशीवर बोंड अळीचा...वर्धा ः जून महिन्यात लागवड करण्यात आलेल्या कपाशी...