agriculture news in marathi, Agri commissioner says, licence will cancel if manure wil not on e-poss, Maharashtra | Agrowon

ई-पॉस न वापरल्यास परवाना निलंबित करा : कृषी आयुक्त
टीम अॅग्रोवन
बुधवार, 3 ऑक्टोबर 2018

राज्यात पॉस मशिन ताब्यात असून, रासायनिक खतांची विक्री न करणाऱ्या विक्रेत्यांचा शोध घेतला जाणार आहे. अशा विक्रेत्यांकडून मशीन काढून घेतले ते नव्या विक्रेत्यांना दिले जाईल. यामुळे शेतकऱ्यांची गैरसोय होणार नाही.
- विजयकुमार इंगळे, संचालक, कृषी आयुक्तालय

पुणे: राज्यात पॉस मशिनवर शेतकऱ्यांना रासायनिक खते न देणाऱ्या विक्रेत्यांचे परवाने निलंबित करा, असे आदेश कृषी आयुक्तांनी दिले आहेत. देशात अनुदानित खताची विक्री गेल्या नोव्हेंबरपासून पॉस (पॉइंट ऑफ सेल) मशिनवर बंधनकारक करण्यात आली. रसायने व खते मंत्रालयाने महाराष्ट्राकरिता श्री. दलजितसिंग यांची राज्य समन्वयक म्हणून नियुक्तीदेखील केली आहे.

खत विक्री किंवा वाटपात कुठेही अनागोंदी होत असल्यास तसेच शेतकऱ्यांच्या नावाखाली गैरप्रकार होत असल्यास थेट केंद्र सरकारकडे माहिती पाठविली जाते. प्रत्येक जिल्ह्यात खत वितरण सुरळीत होण्यासाठी जिल्हा समन्वय अधिकारी म्हणून जिल्हाधिकाऱ्यांना अधिकार देण्यात आलेले आहेत. ‘‘शेतकऱ्याने आधार नंबर व अंगठयाचा ठसा दिल्यानंतर पॉसवर खताची विक्री केली जाते. मशिनवर झालेल्या व्यवहारानंतरच खत कंपन्यांना केंद्र शासनाकडून अनुदान मिळते. मात्र, राज्यात काही विक्रेते हेतुतः या पॉसचा वापर करीत नाहीत. यापुढे अशा विक्रेत्याचा परवाना निलंबित केला जाणार आहे, असे सूत्रांनी स्पष्ट केले. 

कृषी आयुक्तांनी अलीकडेच गुण नियंत्रण विभागाच्या कामकाजाचा आढावा घेतल्यानंतर या सूचना देण्यात आल्या. राज्यात सुरू असलेल्या अनोंदणीकृत कृषी निविष्ठा अर्थात पीजीआरची (संजिवके, टॉनिक) सर्व जिल्ह्यांत तपासणी करण्याचादेखील निर्णय या बैठकीत घेण्यात आला. ‘‘आयुक्तांच्या सूचनेनुसार राज्याचे मुख्य गुण नियंत्रण अधिकारी सुभाष काटकर यांच्या नेतृत्वाखाली एक ऑक्टोबरपासून पीजीआरच्या राज्यव्यापी तपासणी मोहिमेला सुरवात होईल. ही मोहिम सहा ऑक्टोबरपर्यंत सुरू राहील. मोहीम संपताच ४८ तासांत आयुक्तालयात अहवाल पाठविण्याचे आदेश देण्यात आलेले आहेत’’, असे गुण नियंत्रण निरीक्षकांनी स्पष्ट केले. 

गुण नियंत्रण विभागाने आता मुख्य रासायनिक खतांव्यतिरिक्त अन्य खतांच्या गुणवत्तेचादेखील शोध घेण्याचे ठरविले आहे. त्यानुसार स्फुरदयुक्त सेंद्रिय खते, सेंद्रिय खतांचीदेखील तपासणी करण्याच्या सूचना राज्यातील गुण नियंत्रण निरीक्षकांना देण्यात आल्या आहेत. 

 

इतर अॅग्रो विशेष
भारतीय लष्कराने घेतला बदला; पुलवामा...जम्मू : पुलवामात सीआरपीएफ जवानांवरील हल्ल्यानंतर...
आदिवासींचं श्रद्धास्थान असलेल्या कचारगड...कचारगड, जि. गोंदिया : मध्य भारतातील सर्व आदिवासी...
मराठवाड्यात दीड महिन्यात ७७...औरंगाबाद : मराठवाड्यातील शेतकरी आत्महत्यांचे सत्र...
चार वर्षांत संत्रा उत्पादकांची दखलच...नागपूर : कोट्यवधी रुपयांची उलाढाल असलेल्या आणि...
सांगली जिल्ह्यातील सहा कारखाने...सांगली  ः सहा कारखान्यांनी एकरकमी एफआरपी...
साखरेच्या टेंडरना प्रतिसाद नाही; दर...कोल्हापूर : साखरेच्या विक्री मूल्यात...
कांदा अनुदानाचे ११४ कोटी ‘पणन’ला वर्गसोलापूर : राज्यातील एक लाख ६० हजार शेतकऱ्यांसाठी...
देशातील हळद उत्पादनात वाढीची शक्यतासांगली ः यंदा देशातील महाराष्ट्र वगळता हळद...
किमान तापमानात चढ-उतार शक्य;...पुणे : उत्तरेकडून येणाऱ्या थंड वाऱ्यांचे...
शेतीच्या मूळ दुखण्यावर हवा इलाज येत्या लोकसभा निवडणुकांत...
पोकळ घोषणा, की भक्कम आधार  पंतप्रधान नरेंद्र मोदी नुकतेच...
दुष्काळ निधीच्या याद्यांच्या नावे महसूल...जळगाव ः खानदेशात दुष्काळ निधीसंबंधी जिल्हा...
मराठवाड्याच्या घशाला कोरडऔरंगाबाद : मराठवाड्यातील पाणीसाठ्यांची...
‘स्वराज्य स्वर्णिम' योजनेद्वारे गड-...पुणे ः ग्रामीण पर्यटनातून रोजगार निर्मितीला...
कार्यकर्त्यांवर दडपशाही करून लाँग मार्च...नगर ः सरकारच्या विश्वासघाताविरोधात २०...
विठ्ठल विठ्ठल गजरी, अवघी दुमदुमली पंढरीपंढरपूर, जि. सोलापूर: माघ वारीसाठी (जया...
महिला सक्षमीकरणाला गती : नरेंद्र मोदी यवतमाळ : यवतमाळसह राज्यात महिला बचत गटांचे...
द्राक्षाला निर्यातीची गोडीमुंबई  ः यंदा देशातील द्राक्ष हंगामावर...
राज्यात थंडी वाढली, निफाड पुन्हा ६...पुणे: वातावरणात झालेल्या बदलामुळे वाढलेले किमान...
देशी गाईंचा दूध व्यवसाय ठरला फायदेशीरगेल्या तीन वर्षांपासून शेतकऱ्यांकडून देशी गाईचे...