agriculture news in marathi, agri commodity auction off due to hamal agitation in Solapur, Maharashtra | Agrowon

सोलापुरात माथाडी कामगारांच्या बंदमुळे कांद्याचे लिलाव बंद
टीम अॅग्रोवन
बुधवार, 3 जानेवारी 2018

भीमा-कोरेगावच्या घटनेचा आम्हीही निषेधच करतो. आम्ही सर्वजण काळ्या फिती लावून काम करण्याची तयारी दाखवली, पण शेतकऱ्यांची अडवणूक नको, अशी भूमिका घेतली. आता आजचे व्यवहार उद्या पूर्ण होतील, बाजार समितीने त्यासाठीची तयारी केली आहे.
- विनोद पाटील, प्रभारी सचिव, सोलापूर बाजार समिती.

सोलापूर ः भीमा-कोरेगाव प्रकरणाचा निषेध करण्यासाठी सोलापूर कृषी उत्पन्न बाजार समितीतील माथाडी कामगारांनी अचानक बंद पुकारत शेतमालाच्या गाड्या उतरविण्यास नकार दिल्याने मंगळवारी (ता.२) बाजार समितीत तणाव निर्माण झाला. मध्यरात्रीपासूनच हमाल-तोलारांनी काम बंद ठेवण्याची भूमिका घेतल्याने शेतकऱ्यांची चांगलीच अडचण झाली.

विशेषतः कांद्याच्या गाड्यांवर त्याचा परिणाम झाला. 
पुणे जिल्ह्यातील वढू बुद्रुक (ता. शिरूर) येथी विजयस्तंभ अभिवादन दिनाच्या निमित्ताने कोरेगाव भिमा येथे सोमवारी घडलेल्या दोन गटातील चकमकीचे पडसाद मंगळवारी (ता. २) राज्यात विविध ठिकाणी उमटले आहेत.

बुलडाणा जिल्ह्यातील खामगाव आणि देऊळगाव राजा तालुक्यातील काही ठिकाणी, हिंगोली, मनमाड (जि. नाशिक), धुळे, अमळनेर (जि. जळगाव), जालना आदी भागांत या घटनेचे पडसाद उमटले. मुख्यमंत्री देवेंद्र फडणवीस यांचा नियोजित पुणे दौरा रद्द झाला आहे. राज्यात ठिकठिकाणी एसटी वाहतूक विस्कळित झालेली आहे. दरम्यान, हिंदुत्ववादी नेते संभाजी भिडे गुरुजी आणि मिलिंद एकबोटे यांच्यावर सणसवाडी दगडफेकप्रकरणी पिंपरी पोलिस स्टेशनमध्ये गुन्हे दाखल झाले आहेत.

सोलापुरात मध्यरात्रीपासूनच बाजारात फळे व भाजीपाला, कांद्याची आवक सुरू होते. सकाळपर्यंत फळे व भाजीपाल्याची आवक आणि त्याचे व्यवहारही पार पडले. पण पहाटेपासून कांद्याच्या गाड्यांची आवक सुरू झाली, तेव्हा हमालांनी अचानकपणे या घटनेच्या निषेधार्थ माल उतरण्यास नकार दिला.

सकाळी आठ वाजेपर्यंत जवळपास २५० ते ३०० गाड्या आवारात येऊन थांबल्या होत्या. हमालांच्या या भूमिकेमुळे संतप्त झालेल्या शेतकऱ्यांनी मग थेट बाजार समितीच्या कार्यालयाकडे धाव घेतली. तिथे बाजार समितीचे सचिव विनोद पाटील यांनी शेतकऱ्यांची समजूत काढली. त्यानंतर त्यांनी माथाडी कामगार संघटनांशीही चर्चा केली. पण कोणीच ऐकत नव्हते. 

दरम्यान, पोलिसांची कुमूक मागवण्यात आली. सहायक आयुक्त शर्मिष्ठा घार्गे, पोलिस निरीक्षक सूर्यकांत पाटील यांच्यासह अनेक वरिष्ठ अधिकारी दाखल झाले. पुन्हा पोलिस आणि कामगार संघटना यांच्यात चर्चेची फेरी झाली, तरीही आंदोलनावर कामगार संघटना ठाम राहिल्याने शेतकरीही संतप्त झाले. त्यांनी बाजार समितीच्या समोर सोलापूर-हैदराबाद महामार्गावर रास्ता रोको केला.

त्यानंतर प्रशासनासह व्यापाऱ्यांनीही भीमा-कोरेगावच्या घटनेचा निषेध करण्यासाठी काळ्या फिती लावून काम करण्याची तयारी दर्शवली, शेवटी कामगार संघटना मागे हटल्या, माल उतरण्यास संमती दिली. पण तोपर्यंत बराचसा वेळ गेल्याने कांद्याचे लिलाव मात्र होऊ शकले नाहीत.
 

इतर अॅग्रो विशेष
अंदाजाच्या पलीकडे...हवामान बदलामुळे कधीही न संपणाऱ्या विघ्नांची...
रोजगार निर्मितीसाठी वाढवा शेतकऱ्यांचे...कारखान्यातील वेतनाला प्रमाण मानून शेतकरी...
साखर निर्यात अनुदानासाठी हालचालीपुणे : साखरेचे भाव कोसळल्यामुळे अडचणीत...
‘ॲग्रोवन’ आमचा..! आम्ही ‘ॲग्रोवन’चे..!!पुणे : कृषी पत्रकारिता आणि ग्रामविकासात दीपस्तंभ...
वर्धापन दिनानिमित्ताने ‘अॅग्रोवन’वर...पुणे : कृषी पत्रकारिता आणि ग्रामविकासात दीपस्तंभ...
भारतासह दक्षिण आशियात यंदा सामान्य पाऊसपुणे : भारतासह दक्षिण आशियातील देशांच्या बहुतांशी...
चंद्रपूरला अजूनही उच्चांकी तापमानपुणे : पावसाने उघडीप दिल्यानंतर राज्यातील ऊन...
रत्नागिरी, देवगड, अलिबाग हापूसला...मुंबई : हापूस ‘कोणा’चा हा गुंता आता सुटण्याच्या...
‘ॲग्रोवन’चे आज चौदाव्या वर्षात पदार्पण !पुणे ः राज्यभरातील प्रगतिशील शेतकऱ्यांच्या...
कृषी विज्ञान केंद्रांमध्ये हवामान...पुणे : ‘‘देशातील शेतकऱ्यांना मोबाईलवरून हवामान...
चंद्रपूरमध्ये देशातील उच्चांकी...पुणे : गेल्या दोन ते तीन दिवसांपासून राज्यातील...
३२०० साखर दराची अंमलबजावणी व्हावी :...कोल्हापूर : केंद्र सरकारच्या कृषिमूल्य आयोगाने...
केसर आंबा संकटातचऔरंगाबाद :  सुरवातीला मोहराच्या काळात...
त्रस्त शेतकरी वाटणार ३ मेपासून मोफत दूधनगर/औरंगाबाद  : गतवर्षी शेतकरी संपानंतर...
पीक फेरपालट, सेंद्रिय खतांचा केला वापरप्रभाकर चौधरी हे १९७६ पासून शेती करतात. त्यांची...
खडकाळ, हलक्या जमिनीतही आणली सुपीकताकोणतेही पीक येईल की नाही, अशा खडकाळ जमिनीचे संजय...
नैसर्गिक शेतीतून राखले जमिनीचे आरोग्यअमरावती जिल्ह्यातील टाकरखेडा (संभू)( ता. भातकुली...
जमिनीवरील अत्याचार थांबवा !पुणे : एक इंच माती तयार होण्यासाठी ५०० वर्षे...
दुग्ध व्यवसायाला २८०० कोटींचा फटकापुणे : उत्पादन खर्चात वाढ आणि नफा घटल्यामुळे...
मुदत संपलेल्या जिल्हा बँकांवर प्रशासक...मुंबई : राज्य सहकारी निवडणूक प्राधिकरण चार...