चार महिन्यांच्या व्याजाची सोसायट्यांकडून मागणी

जळगाव : जिल्ह्यात कर्जमाफी व नियमित कर्जदारांना सवलतीसंबंधी ३६९ कोटी रुपये निधी प्राप्त होऊन जवळपास २० ते २२ दिवस झाले. परंतु अद्याप शेतकऱ्यांच्या कर्जखात्यात है पेसे जमा झालेले नाहीत. कर्जखाते अजूनही एनपीएमध्येच आहेत. त्यातच थकीत कर्जावरील चार महिन्यांचे व्याज शासनाने आम्हाला दिलेले नसल्याने ते भरल्याशिवाय कर्जखाते एनपीएबाहेर येणार नाही, अशा सूचना विविध कार्यकारी सोसायट्यांनी शेतकऱ्यांना दिल्या आहेत.  तसेच नियमीत कर्जदारांनाही त्यांच्या सवलतीची रक्कम अजूनही त्यांच्या खात्यात वर्ग झालेली नाही. जिल्ह्यात सुमारे ३६९ कोटी रुपये जिल्हा बॅंकेला प्राप्त झाले आहेत. त्यात पुनर्गठित कर्जदारांच्या यादीचा घोळ अजूनही कायम आहे.  तसेच चार महिन्यांचे व्याज शासनाने शेतकऱ्यांच्या कर्जखात्यात भरण्यासाठी दिलेले नाही. हे व्याज मिळाले नाही, तर सोसायट्या पर्यायाने जिल्हा बॅंकेचे नुकसान होईल. ते प्राप्त झाल्याशिवाय कर्जखाते एनपीएबाहेर येणार नाही, अशी तांत्रिक अडचण निर्माण झाली आहे.

पुनर्गठित कर्जाबाबत लेखापरीक्षण पूर्ण जिल्ह्यात पुनर्गठित कर्जदारांची माहिती शासनाकडे पाठविलेली नव्हती. त्याची यादी नंतर जिल्हा बॅंकेकडून जिल्हा उपनिबंधक कार्यालयाने प्राप्त करून घेतली. त्यासंबंधी जिल्हा विशेष लेखा विभागाने लेखापरीक्षण केले. सोसायटीकडून आलेली यादी व प्रत्यक्ष अर्जदार यासंबंधी माहिती तयार करून लाभार्थ्यांच्या अंतिम यादी शासनाकडे पाठविली. 

रक्कम कर्जखात्यात भरणार ज्या लाभार्थींची रक्कम शासनाकडून आली आहे त्यांची रक्कम त्यांच्या कर्जखात्यात जमा केली जाईल. राष्ट्रीयीकृत बॅंकांमध्ये रक्कम कर्जखात्यात वर्ग करण्याची कार्यवाही सुरू झाली आहे. तसेच जिल्हा बॅंकेतही त्यासंबंधीची माहिती मिळवून कार्यवाही हाती घेण्यात आली आहे.