agriculture news in marathi, agri culture event in pune from 1st October, Maharashtra | Agrowon

पुण्यात एक ऑक्टोबरला ‘कृषी कल्चर’ ज्ञान सोहळा
टीम अॅग्रोवन
बुधवार, 19 सप्टेंबर 2018

पुणे ः शेतीमधील बदलत्या तंत्रावर प्रकाश टाकणारा तसेच स्मार्ट व शाश्वत शेतीबाबत जागर घडवून आणणारा ‘कृषी कल्चर’ हा एकदिवसीय ज्ञान सोहळा ‘एपी ग्लोबाल समूहा'तर्फे येत्या एक ऑक्टोबरला पुण्यात आयोजित करण्यात आला आहे. 

पुणे ः शेतीमधील बदलत्या तंत्रावर प्रकाश टाकणारा तसेच स्मार्ट व शाश्वत शेतीबाबत जागर घडवून आणणारा ‘कृषी कल्चर’ हा एकदिवसीय ज्ञान सोहळा ‘एपी ग्लोबाल समूहा'तर्फे येत्या एक ऑक्टोबरला पुण्यात आयोजित करण्यात आला आहे. 

शेतीतून विकास साधण्यासाठी पारंपरिक पद्धतीने विचार न करता स्मार्ट दृष्टीकोन ठेवण्याची गरज आहे. जग सतत बदलत असून त्याप्रमाणे शेतीतही अनेक नवे बदल घडत आहेत. हा बदल जाणून घेत आदर्श शेतीसाठी लागणारे कौशल्य, समूह विकास, समूह शेती, गटशेतीचं तंत्र तसेच अद्ययावत कृषी तंत्रज्ञानाची सांगड घालणे अत्यावश्यक ठरले आहे. ही सांगड घालण्याचा प्रयत्न ‘कृषी कल्चर’ ज्ञान सोहळ्यातून होणार आहे. या सोहळ्यात शेतकऱ्यांना मोफत प्रवेश आहे.

या सोहळ्याचे उद्‌घाटन राज्याचे कौशल्य विकासमंत्री संभाजी पाटील निलंगेकर यांच्या हस्ते होईल. महाराष्ट्र व्हिलेज सोशल ट्रान्स्फॉर्मेशन फाउंडेशनच्या कार्यकारी संचालक श्वेता शालिनी, डॉ. पंजाबराव देशमुख कृषी विद्यापीठाचे माजी कुलगुरू डॉ. व्यंकट मायंदे, राज्याचे माजी अतिरिक्त मुख्य सचिव डॉ. सुधीरकुमार गोयल, सह्याद्री फार्मर्स प्रोड्यूसर कंपनीचे अध्यक्ष व व्यवस्थापकीय संचालक विलास शिंदे यांच्यासह अनेक मान्यवर ‘कृषी कल्चर’मध्ये मार्गदर्शन करणार आहेत. 
तज्ज्ञांच्या मार्गदर्शनासोबतच कृषी क्षेत्रातील नवउद्योजक व महिला शेतकऱ्यांच्या यशोगाथा ऐकण्याची संधी ‘कृषी कल्चर’मध्ये मिळणार आहे. राष्ट्रीय नवप्रवर्तन प्रतिष्ठानशी संबंधित संशोधकांचे नावीन्यपूर्ण संशोधनही या वेळी पाहता येणार आहे. 

एमएसीसीआयए, चतूर आयडीयास, एक्सक्यूबेटर, नॅशनल इनोव्हेशन फाऊंडेशन, बोलेरो मॅक्सीट्रक प्लस, बोलेरो पीक अप, गोदरेज ॲग्रोवेट, इंडोफील इंडस्ट्रीज लिमिटेड आणि कृषिकिंग हे या ज्ञान सोहळ्याचे प्रायोजक आहेत. ‘कृषी कल्चर'साठी शेतकऱ्यांना मोफत प्रवेश असून त्यात प्रशिक्षण साहित्य व जेवणाचाही समावेश आहे. नावनोंदणी सुरू असून इच्छुकांनी ०८६६९६८९०१७ व ९७७३७७७३७२ या क्रमांकावर संपर्क साधावा याशिवाय info@krishiculture.in. तसेच www.krishiculture.in या संकेतस्थळांवर देखील कृषी कल्चरची माहिती उपलब्ध करून देण्यात आली आहे.

‘कृषी कल्चर’मध्ये या या विषयांवर होणार जागर

  • स्मार्ट व्हिलेजसाठीची कौशल्ये  
  • शाश्वत शेतीसाठीचे उत्तम उपाय 
  • समूह शेती पद्धतीने ग्रामीण विकास 
  • पारंपरिकतेकडून आधुनिक शेतीकडे वाटचाल. 
  • समूह शेतीमुळे शेतकरी जीवनात घडलेला बदल  
  • गटशेतीतून खेड्यांचा विकास
  • ग्रामीण विकासात मार्केटिंगचे महत्त्व
  • शेतीतील समान समस्यांवर सामूहिक उपाय

इतर अॅग्रो विशेष
आदिवासींचं श्रद्धास्थान असलेल्या कचारगड...कचारगड, जि. गोंदिया : मध्य भारतातील सर्व आदिवासी...
मराठवाड्यात दीड महिन्यात ७७...औरंगाबाद : मराठवाड्यातील शेतकरी आत्महत्यांचे सत्र...
चार वर्षांत संत्रा उत्पादकांची दखलच...नागपूर : कोट्यवधी रुपयांची उलाढाल असलेल्या आणि...
सांगली जिल्ह्यातील सहा कारखाने...सांगली  ः सहा कारखान्यांनी एकरकमी एफआरपी...
साखरेच्या टेंडरना प्रतिसाद नाही; दर...कोल्हापूर : साखरेच्या विक्री मूल्यात...
कांदा अनुदानाचे ११४ कोटी ‘पणन’ला वर्गसोलापूर : राज्यातील एक लाख ६० हजार शेतकऱ्यांसाठी...
देशातील हळद उत्पादनात वाढीची शक्यतासांगली ः यंदा देशातील महाराष्ट्र वगळता हळद...
किमान तापमानात चढ-उतार शक्य;...पुणे : उत्तरेकडून येणाऱ्या थंड वाऱ्यांचे...
शेतीच्या मूळ दुखण्यावर हवा इलाज येत्या लोकसभा निवडणुकांत...
पोकळ घोषणा, की भक्कम आधार  पंतप्रधान नरेंद्र मोदी नुकतेच...
दुष्काळ निधीच्या याद्यांच्या नावे महसूल...जळगाव ः खानदेशात दुष्काळ निधीसंबंधी जिल्हा...
मराठवाड्याच्या घशाला कोरडऔरंगाबाद : मराठवाड्यातील पाणीसाठ्यांची...
‘स्वराज्य स्वर्णिम' योजनेद्वारे गड-...पुणे ः ग्रामीण पर्यटनातून रोजगार निर्मितीला...
कार्यकर्त्यांवर दडपशाही करून लाँग मार्च...नगर ः सरकारच्या विश्वासघाताविरोधात २०...
विठ्ठल विठ्ठल गजरी, अवघी दुमदुमली पंढरीपंढरपूर, जि. सोलापूर: माघ वारीसाठी (जया...
महिला सक्षमीकरणाला गती : नरेंद्र मोदी यवतमाळ : यवतमाळसह राज्यात महिला बचत गटांचे...
द्राक्षाला निर्यातीची गोडीमुंबई  ः यंदा देशातील द्राक्ष हंगामावर...
राज्यात थंडी वाढली, निफाड पुन्हा ६...पुणे: वातावरणात झालेल्या बदलामुळे वाढलेले किमान...
देशी गाईंचा दूध व्यवसाय ठरला फायदेशीरगेल्या तीन वर्षांपासून शेतकऱ्यांकडून देशी गाईचे...
'उगम' करतेय शेती, पर्यावरण अन्‌...गेल्या बावीस वर्षांपासून शाश्वत ग्रामीण...