agriculture news in marathi, agri engineer will appoint at district place, mumbai, maharashtra | Agrowon

प्रत्येक जिल्ह्यामध्ये कृषिअभियंता नियुक्त करा
मारुती कंदले
मंगळवार, 7 ऑगस्ट 2018

मुंबई ः शेतीतील वाढती मजूरसमस्या आणि काढणीपश्चात तंत्राअभावी शेतीमालाचे होणारे नुकसान थांबवून कृषिमालाचे योग्य मूल्यसंवर्धन करावे यासाठी जिल्हास्तरावर कृषिअभियंत्यांची नियुक्ती करावी, असे आवाहन केंद्र सरकारने देशभरातील राज्यांना केले आहे. केंद्रीय कृषी सचिव त्रिलोचन महापात्रा यांनी यासंदर्भातील पत्रव्यवहार राज्याच्या मुख्य सचिवांसोबत केला आहे.

मुंबई ः शेतीतील वाढती मजूरसमस्या आणि काढणीपश्चात तंत्राअभावी शेतीमालाचे होणारे नुकसान थांबवून कृषिमालाचे योग्य मूल्यसंवर्धन करावे यासाठी जिल्हास्तरावर कृषिअभियंत्यांची नियुक्ती करावी, असे आवाहन केंद्र सरकारने देशभरातील राज्यांना केले आहे. केंद्रीय कृषी सचिव त्रिलोचन महापात्रा यांनी यासंदर्भातील पत्रव्यवहार राज्याच्या मुख्य सचिवांसोबत केला आहे.

देशातील शेतकऱ्यांचे उत्पन्न दुप्पट करण्यासोबतच अन्नधान्य वाढीचे उद्दिष्ट केंद्र सरकारने ठेवले आहे. यासाठी कृषी यांत्रिकीकरण, काढणीपश्चात प्रक्रिया तंत्रज्ञान आणि शेतीमालाचे मूल्यसंवर्धन महत्त्वाचे आहे. विशेषतः हंगामाच्या काळात शेती कामांसाठी मजूर मिळत नाहीत, दिवसेंदिवस मजुरांची संख्या घटत चालली आहे. देशभरात सर्वत्रच मजूर समस्येमुळे शेती करणे मुश्कील होऊन बसले आहे. तसेच मजुरांवरील वाढत्या खर्चामुळे शेती आर्थिक संकटात आली आहे. या सर्व समस्यांवर कृषी यांत्रिकीकरण हा प्रभावी उपाय आहे. शेतीची कामे वेळेत उरकण्यासाठी यांत्रिकीकरण उपयुक्त ठरत आहे. आजच्या घडीला काढणीपश्चात प्रक्रिया तंत्राअभावी आणि शेतीमालाच्या योग्य संवर्धनाअभावी शेतीमालाचे ६ ते २० टक्क्यांपर्यत नुकसान होत असल्याचे दिसून आले आहे.  

या पार्श्वभूमीवर भारतीय कृषि संशोधन परिषदेच्या (आयसीएआर) देशभरातील २५ केंद्रातून कृषिशास्त्र आणि एआयसीआरपीच्या ३० केंद्रांच्या माध्यमातून काढणी पश्चात तंत्रासंदर्भात उपयुक्त यंत्रे, मार्गदर्शिका आणि तंत्रज्ञान विकसित करण्यात आले आहेत. कृषि उत्पादन आणि काढणीपश्चात उत्पादनांसाठी यांत्रिकीकरण, प्रक्रिया तसेच शेतीमालाचे मूल्यसंवर्धन आदी बाबींसाठी हे यंत्र-तंत्र उपयुक्त आहेत. हे तंत्रज्ञान शेतकऱ्यांना सहज हाताळता येईल असे आहे. तसेच सध्या वापरासाठी ती उपलब्ध करुन देण्यात आली आहेत.

शेतकऱ्यांमध्ये या कृषी मैत्रीपूर्ण तंत्रज्ञानाचा प्रसार करण्यासाठी त्यांचे मत परिवर्तन करणे, या तंत्रज्ञानाच्या वापराबाबत त्यांचे सकारात्मक मत बनविणे आवश्यक आहे. शेतकऱ्यांमध्ये कृषी यांत्रिकीकरण, काढणी पश्चात तंत्रज्ञान आणि शेतीमालाच्या मू्ल्यसंवर्धनाचे महत्व पटवून देण्यासाठी प्रत्येक जिल्ह्याला एक कृषिअभियंता अधिकारी असणे गरजेचे आहे. या अनुषंगाने केंद्रीय कृषी राज्यमंत्री पुरुषोत्तम रुपाला यांनी राज्य सरकारांनी जिल्हानिहाय कृषी अभियंता अधिकाऱ्याची नियुक्ती करावी असे आवाहन केले आहे.

जिल्ह्यातील कृषी यांत्रिकीकरणाशी संबंधित सर्व बाबींची संपूर्ण जबाबदारी संबंधित अधिकाऱ्यावर असणार आहे. या पार्श्वभूमीवर आपल्या राज्यातील जिल्ह्यांत कृषी यांत्रिकीकरणाशी संबंधित घडामोडींबाबत शेतकऱ्यांमध्ये जागृती, प्रेरणा निर्माण करण्यासाठी राज्य सरकारने जिल्हा कृषी अभियंता पद निर्मिती करुन त्यांच्या नियुक्त्या कराव्यात असे आवाहन पत्रात शेवटी करण्यात आले आहे. केंद्रीय कृषी सचिव त्रिलोचन महापात्रा यांचे हे पत्र नुकतेच १ ऑगस्टला राज्याचे मुख्य सचिव दिनेशकुमार जैन यांच्या कार्यालयास प्राप्त झाले आहे.

इतर ताज्या घडामोडी
संत्रा पिकाबाबतच्या उपाययोजनांचा अहवाल...नागपूर  ः संत्रा उत्पादकांचे आर्थिक हित...
सूक्ष्म सिंचन विस्तारातील अडचणी, पर्याय...औरंगाबाद   : औरंगाबाद येथे आयोजित...
‘ई- टेंडरिंग’ रेशीम उत्पादकांच्या मुळावरपुणे  ः राज्यात पाणीटंचाईमुळे सर्वत्र...
आंदोलनामुळे शेतकऱ्यांना मिळाले ७४...पुणे  : साखर आयुक्तालयासमोर गेल्या तीन...
रोहित पवार यांनी वाढवला नगर जिल्ह्यात... नगर : कर्जत-जामखेड विधानसभा मतदारसंघात मरगळ...
लोणार तालुक्यात कडाक्याच्या थंडीमुळे...बुलडाणा : जिल्ह्यात द्राक्ष शेती टिकवून ठेवण्यात...
कृषी सल्ला (कोकण विभाग)भात रोप अवस्था : उन्हाळी भात रोपवाटिकेस...
थंडीच्या काळात केळी बागांची काळजीकेळीच्या पानांवर कमी तापमानाचे दुष्परिणाम २ ते ४...
पहाटे, रात्री थंडीचे प्रमाण अधिक राहीलमहाराष्ट्राच्या सह्याद्री पर्वत रांगावर १०१४...
पाणंद रस्त्यांची निविदा प्रक्रिया सुरू अकोला : शासनाच्या पाणंद रस्ते योजनेतून...
`साखर उद्योगातील संघटित गुन्हेगारी...मुंबई : गेल्या वर्षीच्या हंगामातील ७०-३०...
शासकीय दूध डेअरीत अमोनियाची गळतीअकोला : येथील मूर्तिजापूर मार्गावर असलेल्या...
कृषी योजनेतील विहिरींनाही दुष्काळाचा...धुळे : अत्यल्प पावसामुळे खानदेशात विहिरींनी...
नागपुरात `जलयुक्‍त`चा निधी आटलानागपूर : फडणवीस सरकारची महत्त्वाकांशी योजना...
मराठवाड्याची ७६२ कोटींची अतिरिक्‍त...औरंगाबाद ः शासनाने कळविलेल्या आर्थिक मर्यादेच्या...
नत्राच्या कार्यक्षम वापरासाठी सेन्सरचा...कृषी क्षेत्रातून होणाऱ्या नत्रांच्या प्रदूषणाची...
कृषिक प्रदर्शनातील प्रात्यक्षिके पाहून...बारामती, जि. पुणे ः कृषिक प्रदर्शनाच्या दुसऱ्या...
जाती-धर्माच्या भिंती तोडणे हीच स्व....इस्लामपूर, जि. सांगली : लोकनेते राजारामबापू पाटील...
पशुधन संख्येनुसार चारा उपलब्ध करून द्यापरभणी ः परभणी जिल्ह्यात गेल्या काही वर्षांत पशुधन...
ज्वारी, हरभरा, करडईच्या पेरणी...परभणी ः जिल्ह्यात यंदा ज्वारी, हरभरा, करडई या तीन...