खामगावमध्ये कृषी महोत्सवाला अाजपासून सुरवात

खामगावमध्ये कृषी महोत्सवाला अाजपासून सुरवात
खामगावमध्ये कृषी महोत्सवाला अाजपासून सुरवात

अकोला : पश्चिम विदर्भातील सर्वांत मोठा कृषी महोत्सव शुक्रवार (ता. १६) पासून खामगाव येथे सुरू होत अाहे. या कृषी महोत्सवाची तयारी पूर्ण झाली अाहे. शनिवारी (ता. १७) या महोत्सवाचे उद्‍घाटन राज्याचे मुख्यमंत्री देवेंद्र फडणवीस यांच्या हस्ते होणार अाहे. कृषी व फलोत्पादनमंत्री पांडुरंग फुंडकर यांच्या प्रयत्नातून बुलडाणासह पश्चिम विदर्भातील मोठा कृषी महोत्सव कृषी विभागाने अायोजित केला अाहे.  शुक्रवार (ता. १६) ते मंगळवार (ता. २०)पर्यंत जलंब मार्गावरील पॉलिटेक्निक कॉलेजच्या मैदानावर हा कृषी महोत्सव होईल.  या महोत्सवाचा प्रारंभ, प्रचार व प्रसारासाठी शुक्रवारी सकाळी ११.०० वा नगर परिषदेच्या डॉ. बाबासाहेब आंबेडकर मैदानातून ट्रॅक्टर व बैलगाडी दिंडीचे आयोजन करण्यात आले आहे. खामगाव मतदारसंघाचे आमदार आकाश फुंडकर यांच्या नेतृत्वात निघणाऱ्या या दिंडीला कृषिमंत्री श्री. फुंडकर हे हिरवा झेंडा दाखवतील.  या महोत्सवाचे औपचारिक उद्‍घाटन शनिवारी मुख्यमंत्री देवेंद्र फडणवीस यांच्या हस्ते सकाळी १०.३० वाजता होणार अाहे. या कृषी महोत्सवात ४०० हून अधिक दालने अाहेत. यामध्ये शेतीविषयी माहिती, तंत्रज्ञान, बी-बियाणे, सेंद्रिय शेती, सौरशेती कुंपण, शेती उत्पादने, शेती प्रक्रिया उद्योग, पशुपालन यांसह अत्याधुनिक शेतीची प्रात्यक्षिके दाखविणारे दालने राहतील. या ठिकाणी शासनाच्या योजनांची माहिती दिली जाणार अाहे. या कृषी महोत्सवास शेतकऱ्यांनी भेट देऊन आपल्या शेतीचे उत्पादन दुप्पट करण्याच्या दृष्टीने नवीन तंत्रज्ञान व शेतीपूरक व्यवसाय करण्यासाठी सहभागी व्हावे, असे आवाहन कृषिमंत्री पांडुरंग फुंडकर यांनी केले अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com