कृषी सेवा केंद्रे २ ते ४ नोव्हेंबरपर्यंत बंद

कोल्हापूर : राज्यातील कृषी निविष्ठा विक्रेत्यांना कृषी विभागाकडून तपासणीच्या नावाखाली कारवाईचा बडगा दाखविल्याच्या निषेधार्थ राज्यातील विक्रेत्यांनी २ नोव्हेंबरपासून ४ नोव्हेंबरपर्यंत संपाचा निर्णय घेतला आहे. या कालावधीत राज्यातील सुमारे तीस ते चाळीस हजार कृषी निविष्ठा केंद्रे बंद राहणार आहेत. महाराष्ट्र फर्टिलायझर्स पेस्टी साइड सीड्‌स डीलर असोसिएशन पुणे(माफदा)च्या वतीने हे आंदोलन करण्यात येणार आहे. 

कृषी निविष्ठाधारकांचा संप असल्याने तीन दिवस शेतकऱ्यांची गैरसोय होण्याची शक्‍यता आहे. यवतमाळ येथे कीटकनाश फवारणी करताना अनेक शेतकऱ्यांचा मृत्यू झाला. या पार्श्‍वभूमीवर कृषी विभागाने सर्व कृषी निविष्ठा विक्री केंद्राची कडक तपासणी सुरु केली. ही तपासणी करताना अगदी किरकोळ कारणावरूनही या केंद्रावर कारवाईचा बडगा उगारण्यात येत आहे. यामुळे राज्यातील कृषी निविष्ठा विक्रेते त्रस्त झाले आहेत. या घटनेचा संदर्भ घेऊन केंद्रचालकांना त्रास देण्याचे काम कृषी विभागाकडून होत आहे. या पार्श्‍वभूमीवर शासनाला याची तीव्रता कळण्यासाठी या तीन दिवसाच्या संपाचे आयोजन करण्यात आले आहे. 

या आहेत संघटनेच्या मागण्या

यवतमाळच्या पार्श्‍वभूमीवर कृषी निविष्ठा विक्रेत्यांना वेठीस धरण्याचे काम सुरू आहे. याच्या निषेधार्थ हे आंदोलन आम्ही करणार आहोत. या कालावधीत राज्यातील तीस हजारांहून अधिक केंद्रे बंद राहतील.  -  प्रकाश कवडे, अध्यक्ष, महाराष्ट्र फर्टिलायझर्स पेस्टी साइड सीड्‌स डीलर असोसिएशन, पुणे (माफदा)