बुलडाणा जिल्हा कृषी विक्रेता संघटनेच्या कार्याध्यक्षपदी सुनील देशमुख

बुलडाणा ः जिल्हा कृषी विक्रेता संघटनेची १४ वर्षांनंतर नवीन कार्यकारिणी गठीत करण्यात आली असून, जिल्हा कार्याध्यक्षपदी सुनील देशमुख यांची नियुक्ती करण्यात आली आहे तर जिल्हाध्यक्षपदी अनिल कोचर यांची वर्णी लागली आहे.

शेगाव येथे संघटनेचे नुकतेच वार्षिक स्नेहसंमेलन झाले. यामध्ये २००५ पासून असलेली कार्यकारिणी बरखास्त करण्यात आली. त्यानंतर नवीन चेहऱ्यांना संधी देत जिल्हाध्यक्षपदी अनिल कोचर व कार्याध्यक्षपदी सुनील हसनराव देशमुख यांची निवड करण्यात आली. याशिवाय उपाध्यक्षपदी राजेश अग्रवाल, सुरेश फिरके, रुपराव उबाळे, सचिवपदी श्रीकिसन पुरवार, सहसचिवपदी महेश महाजन, कोषाध्यक्षपदी अशोक जैन, कार्यकारी अधिकारीपदी पंकज भंडारी यांची निवड करण्यात आली आहे. याशिवाय कार्यकारिणीत सदस्य म्हणून प्रभाकर ठाकरे, राजू इतरकर, आशिष मल्लावत, महेश गट्टाणी, बद्रीप्रसाद पडघान, अरुण मोहता, नंदकिशोर पुरोहित, संदीप जाधव, किशोर सुपे, संजय राजगुरू, प्रदीप भुतडा, अशोक देशमुख, देविदास जाधव, विजय भंडारी, सागर भैय्या सहभागी करण्यात आले. या  बैठकीत निवृत्ती पाटील, बिजराज बुरड, रमेश सदाणी, शिवाजीराव पाटील, सुरेश खंडेलवाल, रमेश सावजी, भिष्मसिंह दालमिया, मंगल केशव महाजन, प्रभाकर ठाकरे, भवरसेठ पुरोहित, इंदरसेठ जैन, उदय सोनी, भरत सिसोदिया, डिगंबरअप्पा कुकडे, दत्ताजी पडघान या ज्येष्ठ कृषी विक्रेत्यांचा जीवनगौरव पुरस्कार देऊन सत्कार करण्यात आला. 

अडचणी सोडविण्यास प्राधान्य ः देशमुख पदग्रहण केल्यानंतर सुनील देशमुख यांनी नवीन कार्यकारिणीची दिशा स्पष्ट केली. विक्रेत्यांच्या समस्या, अडचणी सोडविण्यास आपण प्राधान्य देऊ. शेतकरी हा केंद्रबिंदू मानून त्याची फसवणूक होणार नाही याची दक्षता आपण विक्रेत्यांनी घेतली पाहिजे, असेही देशमुख यांनी या वेळी सांगितले.