agriculture news in Marathi, agri minister pandurang phundkar says, inspection will be done of BT cotton, Maharashtra | Agrowon

बीटी कपाशीचे पंचनामे करणार : कृषिमंत्री फुंडकर
टीम अॅग्रोवन
रविवार, 12 नोव्हेंबर 2017

पुणे : राज्यात बीटी कपाशीवर गुलाबी बोंडअळीचा मोठ्या प्रमाणावर प्रादुर्भाव होत असल्याच्या तक्रारी आल्या असून लवकरच पीक नुकसानीचे पंचनामे करण्यात येतील, अशी माहिती राज्याचे कृषिमंत्री पांडुरंग फुंडकर यांनी दिली. जिल्हाधिकारी, जिल्हा अधीक्षक कृषी अधिकारी यांचा समावेश असलेली समिती पिकांचे पंचनामे करेल, असे ते म्हणाले. 

पुणे : राज्यात बीटी कपाशीवर गुलाबी बोंडअळीचा मोठ्या प्रमाणावर प्रादुर्भाव होत असल्याच्या तक्रारी आल्या असून लवकरच पीक नुकसानीचे पंचनामे करण्यात येतील, अशी माहिती राज्याचे कृषिमंत्री पांडुरंग फुंडकर यांनी दिली. जिल्हाधिकारी, जिल्हा अधीक्षक कृषी अधिकारी यांचा समावेश असलेली समिती पिकांचे पंचनामे करेल, असे ते म्हणाले. 

बोंडअळीला प्रतिकारक असलेल्या बीटी कापसाच्या वाणांवर गुलाबी बोंडअळीचा प्रादुर्भाव झाल्यामुळे शेतकरी अडचणीत आले आहेत. यंदा राज्यात ४८ लाख हेक्टरवर कापसाची लागवड झाली असून त्यापैकी ४० लाख हेक्टर क्षेत्रावरील बीटी कापसाला गुलाबी बोंड अळीचा फटका बसला असल्याचे वसंतराव नाईक शेतकरी स्वावलंबी मिशनचे अध्यक्ष किशोर तिवारी यांनी सांगितले. यासंदर्भात मुख्यमंत्र्यांना पत्र लिहिले असून बोंडअळीचा प्रादुर्भाव झालेले पीक नष्ट करण्यासाठी सरकारने मदत करावी, अशी मागणी केल्याचे त्यांनी स्पष्ट केले. 

दरम्यान, काही बियाणे उत्पादक कंपन्यांनी बीटी बियाणे पाकिटावर `पीक गुलाबी बोंडअळीला बळी पडू शकते, तरी पीकव्यवस्थापनाच्या सर्व पद्धतींचा काटेकोर अवलंब करावा` अशा आशयाचा डिस्क्लेमर छापून कायदेशीर कारवाईतून सुटका करून घेण्याची शक्कल लढवली आहे. बोंडअळीला प्रतिकारक असल्याचा दावा करून बीटी बियाण्यांची विक्री केली जात असेल तर असे डिस्क्लेमर छापणे कितपत योग्य आहे, असा प्रश्न त्यातून निर्माण होतो.  

बीटी कापसावर बोंडअळीचा प्रादुर्भाव झाल्याची तक्रार सिद्ध झाली तर शेतकऱ्यांना संबंधित कंपन्यांकडून नुकसानभरपाई मिळू शकते, अशी माहिती कृषी खात्यातील एका वरिष्ठ अधिकाऱ्याने नाव न छापण्याच्या अटीवर दिली. कापूस बी-बियाण्यांचा पुरवठा, वितरण व विक्री करणे तसेच त्यांची विक्री किंमत निश्चित करणे याबाबत विनिमय करण्यासाठी अधिनियम २००९`नुसार शेतकऱ्यांना नुकसानभरपाई मिळू शकते. गेल्या वर्षी अशाच स्वरूपाच्या तक्रारीवरून कृषी खात्याने राशी कंपनीचा परवाना रद्द करून शेतकऱ्यांना २६ लाख रुपये नुकसानभरपाई देण्याचे आदेश काढले, याचा दाखला या अधिकाऱ्याने दिला.  

‘मुख्यमंत्रीच उत्तर देतील‘
किशोर तिवारी यांनी कशाच्या आधारे नुकसानीचा आकडा काढला आहे, असा प्रश्न कृषिमंत्री फुंडकर यांनी उपस्थित केला. तिवारींच्या म्हणण्यानुसार ४० लाख हेक्टरवरील बीटी कापसाचे नुकसान झाले; त्याला आधार काय, असा प्रश्‍न कृषिमंत्र्यांनी केला. तसेच तिवारींनी थेट मुख्यमंत्र्यांना पत्र लिहिले असेल तर त्याचे उत्तर मुख्यमंत्रीच देतील, अशी पुस्तीही त्यांनी जोडली. 
 

इतर अॅग्रो विशेष
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...
निफाड तालुक्‍यात द्राक्ष काढणीला सुरवातनिफाड, जि. नाशिक  ः तालुक्‍यातील उगाव,...
पशुगणनेकरिता आता महिनाअखेरपर्यंत मुदतनागपूर   ः पशुगणनेसाठी पूरक साहित्याचा...
ट्रायकोकार्ड निर्मिती प्रशिक्षण प्रकल्प...नागपूर ः कृषी विभाग आणि कृषी विद्यापीठातील...
राज्य वित्त आयोगाच्या अध्यक्षांनी जाणून...औरंगाबाद :  राज्य वित्त आयोगाचे अध्यक्ष व्ही...
दराअभावी कांदापट्टा सुन्ननाशिक : कांद्याला अगदी मोड फुटेस्तोवर वाट...
वनशेतीसह आंतरपिके ठरतोय फायद्याचा सौदाशाश्वत उत्पादनासाठी पारंपरिक पिकांसोबत वनशेतीचा...
अर्थसंकल्पीय कृषी कर्ज तरतूदीत १० टक्के...नवी दिल्ली : आगामी २०१९-२०च्या अर्थसंकल्पात शेती...
राज्यात शुक्रवारपासून पावसाचा अंदाजपुणे : वायव्य भारतातील पश्चिमी चक्रावाताची...
औरंगाबाद येथील आंतरराष्ट्रीय सुक्ष्म...औरंगाबाद : औरंगाबाद येथे आयोजित नवव्या...
शेतीपूरक उद्योगातून बचत गट झाले सक्षमचिखली (जि. बुलडाणा) येथील हिरकणी महिला उत्कर्ष...
गोरक्षणासोबतच जपला व्यसनमुक्‍तीचा वसालाठी (ता. मंगरुळपीर, जि. वाशीम) येथील दिलीप बाबा...
अप्रमाणित रोपांमुळे ‘फेल' बागांवर...पुणे : दुष्काळात जीवापाड जपलेल्या बागा अप्रमाणित...
सोयाबीन दराचा आलेख चढताच; लातूरला ३८११...लातूर : येथील उच्चत्तम कृषी उत्पन्न बाजार...