agriculture news in marathi, Agri students to give lessons on spraying technology in vidharbha region, Maharashtra | Agrowon

'कृषी'चे विद्यार्थी देणार शास्त्रोक्‍त फवारणीचे धडे
विनोद इंगोले
रविवार, 22 ऑक्टोबर 2017

नागपूर : यवतमाळ जिल्ह्यात कीटकनाशक विषबाधेमुळे झालेले मृत्यू आणि त्यानंतरच्या घडामोडींची दखल घेत डॉ. पंजाबराव देशमुख कृषी विद्यापीठाने कृषी सेवा केंद्र संचालकांकरिता विशेष प्रशिक्षण आणि विद्यार्थ्यांमार्फत गावोगावी जागृतीचा निर्णय घेतला आहे. यवतमाळ जिल्ह्यापासून या उपक्रमाची सुरवात करण्यात येणार आहे.

नागपूर : यवतमाळ जिल्ह्यात कीटकनाशक विषबाधेमुळे झालेले मृत्यू आणि त्यानंतरच्या घडामोडींची दखल घेत डॉ. पंजाबराव देशमुख कृषी विद्यापीठाने कृषी सेवा केंद्र संचालकांकरिता विशेष प्रशिक्षण आणि विद्यार्थ्यांमार्फत गावोगावी जागृतीचा निर्णय घेतला आहे. यवतमाळ जिल्ह्यापासून या उपक्रमाची सुरवात करण्यात येणार आहे.

यवतमाळ जिल्ह्यात कीटकनाशक फवारणी करताना २२ जणांचा मृत्यू झाला, तर ५६० पेक्षा अधिक बाधित झाले. त्यानंतर कृषी विभागाने गावोगावी शास्त्रोक्‍त पद्धतीने फवारणी संदर्भाने जागृतीसाठी पुढाकार घेतला. त्यानंतर आता कृषी विद्यापीठदेखील विदर्भातील ११ जिल्ह्यात अशाचप्रकारचा उपक्रम राबविणार आहे.

डॉ. पंजाबराव देशमुख कृषी विद्यापीठांतर्गत २६ कृषी महाविद्यालय आहेत. यातील विद्यार्थ्यांना आधी प्रशिक्षण दिले जाईल. त्यानंतर विद्यार्थ्यांमार्फत तालुकानिहाय गावागावांत पोचत फवारणीदरम्यान घ्यावयाच्या काळजीविषयक मार्गदर्शन करण्यावर भर दिला जाणार आहे. 

यवतमाळ जिल्ह्यापासून या उपक्रमाची सुरवात होईल. दिवाळीनंतर लगेच विद्यार्थी गावात जातील. यवतमाळ जिल्ह्यात मारोतराव वादाफळे, तसेच भाऊसाहेब माने कृषी महाविद्यालय अशी दोन महाविद्यालये आहेत. या दोन्ही व्यवस्थापनांशी कुलगुरू डॉ. विलास भाले यांनी संवाद साधला. त्यानंतर महाविद्यालयाच्या व्यवस्थापनाने देखील आपली सामाजिक जबाबदारी जाणत या उपक्रमात आपले योगदान देण्याचे जाहिर केले. विद्यार्थी सध्या दिवाळीच्या सुटीवर असल्याने ते परतल्यानंतर लवकरच या उपक्रमाची अंमलबजावणी होईल. 

कृषी सेवा केंद्र संचालकांना धडे
कोणत्या कीटकनाशकामध्ये किती जहाल कीडनाशक आहे. त्यातील घटक, शरीराशी त्याचा संपर्क आल्यास होणारा प्रादुर्भाव, कीडनाशक मिश्रण शक्‍य आहे किंवा नाही, अशा अनेक बाबींची माहिती कृषी सेवा केंद्र संचालकांना असावी, याकरिता देखील कृषी विद्यापीठ प्रयत्न करणार आहे. त्याकरिता कृषी सेवा केंद्र संचालकांना त्या त्या जिल्ह्यात किंवा तालुक्‍यात प्रशिक्षण दिले जाईल. कृषी विज्ञान केंद्रामार्फत हा उपक्रम राबविला जाणार आहे.

कृषी महाविद्यालयातील विद्यार्थ्यांमार्फत कीटकनाशक फवारणी विषयक जागृतीकरिता प्रयत्न केले जाणार आहेत. कृषी निविष्ठा विक्रेत्यांकरिता देखील अशाप्रकारचे प्रशिक्षण घेण्यावर भर दिला जाणार आहे. त्याची जबाबदारी केव्हीकेवर राहील.
- डॉ. विलास भाले,
कुलगुरू,
डॉ. पंजाबराव देशमुख कृषी विद्यापीठ, अकोला
 

इतर ताज्या घडामोडी
शिवकुमार स्वामी यांचे १११व्या वर्षी...बंगळूर : तुमकुरू येथील सिद्धगंगा मठाचे प्रमुख,...
आयटीसीचे ‘ई चौपाल’ आता येणार मोबाईलवरग्रामीण भागाला डिजिटल करण्याच्या उद्देशाने दोन...
पुण्यात भाजीपाल्याची आवक कमी; दर स्थिरपुणेः गुलटेकडी येथील कृषी उत्पन्न बाजार...
...तर भविष्यात निवडणुका होणारच नाहीत :...कासेगाव, जि. सांगली : देशाचे पंतप्रधान नरेंद्र...
नाशिक जिल्ह्यात पाण्यासाठी गावे पाहतात...येवला, जि. नाशिक : यंदा दुष्काळाच्या माहेरघरांसह...
द्राक्ष उत्पादकांची फसवणूक टाळण्यासाठी...सांगली ः  दादा... द्राक्षांची विक्री करताना...
पंजाब गारठलेले; काश्‍मीरला दिलासाश्रीनगर/चंडीगड : पंजाब आणि हरियानातील...
शेवगाव, वैजू बाभूळगाव येथे लोकसहभागातून...नगर   ः दुष्काळाने होरपळ सुरू असताना...
पुरस्कारप्राप्त शेतकऱ्यांनी आपले ज्ञान...बारामती, जि. पुणे  ः ज्याप्रमाणे...
पुणे विभागात ४२६२ शेततळ्यांची कामे पूर्णपुणे  ः दुष्काळी स्थितीत फळबागा, पिकांसाठी...
फसव्या भाजप सरकारला हद्दपार करा ः धनंजय...वरवट बकाल, जि. बुलडाणा   ः भाजप सरकारने...
कृषिक प्रदर्शनाला दिली दोन लाखांवर...बारामती, जि. पुणे  ः गेल्या चार दिवसांत दोन...
सरकारचे अपयश लोकांसमोर प्रभावीपणे...नगर   ः सरकार कामे करण्यापेक्षा घोषणा...
रस्ते विकासासाठी ३० हजार कोटींचा निधी...कोल्हापूर  : राज्यात रस्ते विकासाचा भरीव...
प्रकाश संश्लेषणातून जीएम भात उत्पादनात...भात पिकामध्ये होणारी प्रकाश संश्लेषणाची क्रिया...
मराठवाड्यातील पाणीसाठे तळालाऔरंगाबाद : मराठवाड्यातील दुष्काळाचं संकट...
अकोल्यात आंतरविद्यापीठ कर्मचारी क्रीडा...अकोला ः सुवर्ण जयंती क्रीडा महोत्सवातंर्गत येथे...
‘कर्जाची वरात मुख्यमंत्र्यांच्या दारात...नागपूर  ः शेतकऱ्यांचा सात-बारा उतारा सरसकट...
`सेवाकर प्रश्न मिटेपर्यंत सांगलीत...सांगली   : मुंबईत भाजप कार्यालयातील...
पुणे जिल्ह्यात गव्हाचे क्षेत्र ४१ हजार...पुणे  ः जमिनीत ओल नसल्याने यंदा रब्बी...