Agriculture news in marathi; Agricultural implements plan | Agrowon

धुळे ः कृषी यांत्रिकीकरण योजनेतून मिळणार अवजारे
टीम अॅग्रोवन
बुधवार, 12 जून 2019

देऊर,  जि. धुळे  ः शासनाच्या उन्नत शेती-समृद्ध शेतकरी अभियानांतर्गत २०१९-२० या वर्षासाठी कृषी विभागातर्फे कृषी यांत्रिकीकरण योजना राबविण्यात येत आहे. यातून विविध अवजारे दिली जाणार आहेत. त्यासाठी इच्छुक शेतकऱ्यांनी २० जूनपर्यंत कृषी विभागाकडे अर्ज सादर करायचे आहेत. 

देऊर,  जि. धुळे  ः शासनाच्या उन्नत शेती-समृद्ध शेतकरी अभियानांतर्गत २०१९-२० या वर्षासाठी कृषी विभागातर्फे कृषी यांत्रिकीकरण योजना राबविण्यात येत आहे. यातून विविध अवजारे दिली जाणार आहेत. त्यासाठी इच्छुक शेतकऱ्यांनी २० जूनपर्यंत कृषी विभागाकडे अर्ज सादर करायचे आहेत. 

शेतीचा वाढता खर्च, मजुरांची कमी उपलब्धता यामुळे यंत्रांद्वारे शेती करणे आता आवश्‍यकच झाले आहे. अनुदानास पात्र यंत्र- अवजारांमध्ये ट्रॅक्‍टर (२० ते ७० एचपी) पॉवर टिलर, कल्टिव्हेटर, पलटी नांगर, रोटाव्हेटर, सबसॉईलर, पॉवर वीडर, मळणी यंत्र, पॉवर ऑपरेटेड स्प्रेयर, मिनी डाळ मिल व राइस मिल, रिपर व पॅकिंग मशिन आदी यंत्रे, अवजारे मिळतील. शेतकऱ्यांनी मंडळातील कृषी सहायक, कृषी पर्यवेक्षक, मंडल कृषी अधिकारी, तालुका कृषी अधिकारी यांच्याकडे अर्ज जमा करावेत. जिल्ह्यातील शेतकऱ्यांनी कृषी यांत्रिकीकरणाचा अधिकाधिक लाभ घ्यावा, असे आवाहन मंडल कृषी अधिकारी अमृत पवार यांनी केले. 

यात अनुसूचित जाती-जमाती, अल्प व अत्यल्प भूधारक शेतकरी व महिला लाभार्थ्यांसाठी कमाल अनुदान मर्यादा ५० टक्के आहे. इतर लाभार्थ्यांसाठी कमाल अनुदान मर्यादा ४० टक्के आहे. कृषी विभागाच्या विविध योजनांसाठी जिल्ह्यास प्राप्त होणाऱ्या निधीच्या लक्ष्यांकाच्या मर्यादेतच लाभार्थींची निवड करण्यात येईल. जे शेतकरी ट्रॅक्‍टरचलित यंत्र, अवजारांसाठी अर्ज करतील त्यांनी अर्जासोबत त्यांच्याकडे किंवा कुटुंबातील अन्य सदस्यांच्या नावे ट्रॅक्‍टर असल्याबाबतचा पुरावा (आरसी बुक) अर्जासोबत जोडणे आवश्‍यक आहे.

प्रत्येक अवजारासाठी शेतकऱ्यांनी विहित नमुन्यात स्वतंत्र अर्ज करणे आवश्‍यक आहे. ज्या शेती अवजारास जास्तीत जास्त अनुदान देय आहे त्या एकाच यंत्र अथवा अवजारास अनुदान दिले जाईल. अर्जाचा विहित नमुना तालुका कृषी अधिकारी कार्यालय व कृषी विभागाच्या संकेतस्थळावर उपलब्ध आहे. लाभार्थी निवड करताना ज्येष्ठता क्रमवारी तालुका हा घटक मानून तालुका स्तरावरच सोडत पद्धतीने निश्‍चित करण्यात येणार आहे. त्यानुसार उपलब्ध निधीच्या अनुषंगाने पूर्वसंमती दिली जाईल. पूर्वसंमती दिल्यानंतर एक महिन्याच्या आत यंत्र अवजार खरेदी करून अनुदानासाठीचा प्रस्ताव सादर करावा लागेल. 

इतर ताज्या घडामोडी
अमरावती जिल्हा परिषद करणार जलजागृतीअमरावती ः रेन वॉटर हार्वेस्टिंगला प्रोत्साहन...
ज्वारी वाणाची विविधता : मूल्यवर्धनातून...कित्येक वर्षांपासून शेतकऱ्यांनी ज्वारीचे विविध...
लिची फळपिकाच्या जातीलालसर आकर्षक रंगाबरोबर आरोग्यासाठीचे फायदे लक्षात...
प्रक्रियेतून वाढवा कोरड्या चाऱ्याची...निकृष्ट दर्जाच्या कोरड्या चाऱ्यावर प्रक्रिया करून...
यवतमाळ जिल्ह्यात पेरण्या खोळंबल्यायवतमाळ : पावसाने पाठ फिरविल्याने जिल्ह्यातील...
दुपारची झोप मुलांना करते अधिक आनंदीजी शाळकरी मुले आठवड्यातून किमान तीन वेळा दुपारी...
सांगलीतील दुष्काळी पट्टा पावसाच्या...सांगली : जिल्ह्यात पावसाने दडी मारली आहे....
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांत चार-...
नातेपुते-पंढरपूर मार्गावर वाहतुकीत तीन...सोलापूर : श्री संत ज्ञानेश्वर महाराज आणि...
पीककर्ज वाटप ७० वरून  ४५.५० टक्क्यांवर...मुंबई : शेतकरी कर्जमाफी योजना राबवूनही...
अमरावती जिल्ह्यात ५२ लाखांच्या बियाणे...अमरावती ः खरीप हंगामाच्या पार्श्‍वभूमीवर कृषी...
बीड जिल्ह्यातील १८ चारा छावण्यांवर...मुंबई  ः शासकीय पथकाने केलेल्या तपासणीत...
अमरावतीत बियाण्यांची जादा दराने विक्रीअमरावती  ः जिल्ह्यात एका कंपनीच्या कापूस...
वसारी येथे ‘स्वाभिमानी’ने केली दगड पेरणीवाशीम : खरीप हंगाम दारात आलेला असतानाही...
संघाच्या दूध खरेदीची मर्यादा आता वीस...वर्धा ः दूध संघाला केवळ ११ हजार लिटर खरेदीची...
वाशीममध्ये सरासरी १६.८२ टक्के पीक...वाशीम ः  जिल्ह्यात २०१९-२० या वर्षाच्या खरीप...
जळगावच्या आरोग्य अधिकाऱ्याची चौकशी करू...मुंबई ः राष्ट्रीय ग्रामीण आरोग्य अभियानांतर्गत...
पीक कर्जासाठी शेतकऱ्यांचा धार फाटा येथे...गोजेगाव, जि. हिंगोली : बॅंका पीक कर्ज...
वाशीम समितीच्या गैरव्यवहारप्रकरणी सचिव...मुंबई ः  वाशीम जिल्ह्यातील कृषी उत्पन्न...
जळगावात कोथिंबीर २५०० ते ६००० रुपये...जळगाव : कृषी उत्पन्न बाजार समितीत बुधवारी (...