agriculture news in marathi, agriculture commissioner gives intimation to officers, yavatmal, maharashtra | Agrowon

कामचुकार कृषी अधिकारी, कर्मचाऱ्यांवर कारवाई करू : कृषी आयुक्त
टीम अॅग्रोवन
सोमवार, 10 सप्टेंबर 2018

कृषी अधिकाऱ्यांपासून कर्मचाऱ्यांपर्यंत सर्वांना शेताच्या बांधावर जाण्याच्या सूचना दिल्या आहेत. कोण किती कार्यरत आहेत, हे तपासण्यासाठी ही भेट होती.  - सचिंद्र प्रताप सिंह, कृषी आयुक्त.

यवतमाळ   : गुलाबी बोंड अळीच्या प्रादुर्भावामुळे शेतकरी अडचणीत सापडले आहेत. बोंड अळीवर प्रतिबंधात्मक उपाययोजना करण्यासाठी कृषी विभागाच्या अधिकाऱ्यांना प्रत्यक्ष बांधावर जाण्याचे आदेश दिले आहेत. यानंतरही जे अधिकारी, कर्मचारी कामचुकारपणा करतील त्यांच्यावर कारवाई करण्यात येईल, असा इशारा कृषी आयुक्त सचिंद्र प्रताप सिंह यांनी दिला.

कृषी आयुक्त संचिद्र प्रताप सिंह यांनी नुकताच जिल्ह्यातील पीक परिस्थितीचा आढावा घेतला. त्यांनी बांधावर जाऊन शेतकऱ्यांची भेट घेतली. तसेच जिल्हाधिकारी कार्यालयातील बचत भवनात जिल्हा अधीक्षक कृषी अधिकारी कार्यालयातील अधिकाऱ्यांची बैठक घेतली. गेल्या वर्षीपासून कापसावर झालेला गुलाबी बोंड अळीचा प्रादुर्भाव, त्यासाठी केलेल्या उपाययोजनांचा आढावा कृषी आयुक्तांनी घेतला.

यंदा सुरवातीला बोंड अळीचा प्रादुर्भाव दिसत आहे. त्यामुळे कृषी विभागातील अधिकाऱ्यांपासून, कर्मचाऱ्यांपर्यंत सर्वांना शेतकऱ्यांच्या शेतावर जाण्याचे आदेश कृषी आयुक्त सिंह यांनी दिले होते. त्यांचे बऱ्यापैकी सकारात्मक प्रतिसाद दिसत आहेत. मात्र, बोंड अळीचा प्रादुर्भाव सप्टेंबर, ऑक्‍टोंबर महिन्यात होण्याची शक्‍यता कृषी तज्ज्ञ व्यक्त करीत आहेत. त्या पार्श्‍वभूमीवर उपाययोजना करण्यासाठी कृषी आयुक्तांनी जिल्ह्याचा दौरा केला. कृषी अधीक्षक, उपविभागीय अधिकारी, तालुका कृषी अधिकाऱ्यांची बैठक घेतली. त्यात अधिकाऱ्यांना प्रत्यक्ष बांधावर जाऊन मार्गदर्शन करण्याचे आदेश सिंह यांनी दिले.

कृषी विभागाने सुरू केलेल्या अभियानाचा चांगला परिणाम दिसून येत आहे. यानंतरही कृषी अधिकाऱ्यांनी सजग राहून शेतकऱ्यांमध्ये जनजागृती करावी, असे आदेश कृषी आयुक्तांनी दिले. ज्या ठिकाणी आदेशाचे पालन होणार नाही, कामचुकारपणा होईल अशांना ही शेवटची संधी असल्याचा इशारा कृषी आयुक्तांनी दिला.

जिल्ह्याचा आढावा घेतल्यानंतर कृषी आयुक्त सिंह यांची वर्धा येथे बैठक होती. बैठकीसाठी जात असताना त्यांनी यवतमाळ-कळंब मार्गावरील दोन शेतात भेट देत पिकांची पाहणी केली. पीक परिस्थिती, बोंड अळी, शेतकऱ्यांपर्यंत कृषी अधिकारी येत आहेत की नाही, याची चौकशी केली.
 

इतर अॅग्रो विशेष
मिर्झापूर ः साखळी शेततळ्यांचे गाव‘मागेल त्याला शेततळे` योजनेअंतर्गत मिर्झापूर (ता...
इजा झाल्यानंतर वनस्पती पाठवतात धोक्याचा...जेव्हा वनस्पतींना इजा होते, त्या वेळी वनस्पतीच्या...
ठिबक नोंदणीवरील विक्रेत्यांच्या...नागपूर  ः ठिबक नोंदणीवरील विक्रेत्यांच्या...
कमी दाब क्षेत्राचे निर्माण; पावसाच्या...पुणे   : बंगालच्या उपसागरात कमी दाबाचे...
पावसाने ताण दिल्यामुळे खरीप धोक्यातपुणे ः राज्यात काही ठिकाणी परतीच्या पावसाने हजेरी...
चांदक-गुळूंब अोढा जोडप्रकल्पाने साधली...सातारा जिल्ह्यातील चांदक-गुळुंब (ता. वाई) हा ओढा...
सोयाबीनवरील पाने खाणाऱ्या अळ्या व...सध्या सोयाबीन पीक काही ठिकाणी शेंगा लागण्याच्या व...
साखरेच्या गोळ्याही करतील वेदना कमीवाढत्या स्थौल्यत्वासारख्या व त्या अनुषंगाने...
राज्यातील विकास सोसायट्यांना रिक्त...सांगली ः राज्यातील विकास सोसायट्यांची संख्या २१...
पावसाच्या तुरळक हजेरीने हलका दिलासापुणे: पावसाच्या दीर्घ खंडानंतर राज्यात दोन...
पुण्यात एक ऑक्टोबरला ‘कृषी कल्चर’ ज्ञान...पुणे ः शेतीमधील बदलत्या तंत्रावर प्रकाश टाकणारा...
पोटॅशचा मोठा तुटवडाजळगाव  ः रेल्वेकडून खत पुरवठादार किंवा खत...
नोकरी गमावली पण रेशीम शेतीतून पत कमावलीसातपुड्याच्या पायथ्याशी वसलेल्या संग्रामपूर...
राज्यात उद्यापासून पावसाचे संकेतपुणे: बंगालच्या उपसागरात तयार होत असलेल्या कमी...
कीडनाशकांबाबतच्या याचिकेची सर्वोच्च...नवी दिल्ली ः मानवी आरोग्याला धोकादायक व भारतात...
स्वेच्छानिवृत्तीनंतरही प्रयोगशील...सांगली जिल्ह्यातील दुष्काळी आटपाडी शहरातील...
महाराष्ट्रात भावांतर योजना लागू...परभणी ः शेती एवढ्या समस्या कुठेच नाहीच. सर्व...
तयारी रब्बी हंगामाची...खरीप पिकांच्या काढणीनंतर रब्बी हंगामासाठी...
ऊसदर नियंत्रण समितीची पहिली बैठक...मुंबई : ऊसदर नियंत्रण समितीची बैठक सोमवारी (ता.१७...
डाळिंब उत्पादनात घट होण्याची शक्यतासांगली ः राज्यात पावसाने दडी मारली आहे. यामुळे...