Agriculture news in Marathi, Agriculture commissioner Sunil kendrekar | Agrowon

कृषी आयुक्त केंद्रेकरांच्या बदलीची अफवा
टीम अॅग्रोवन
शनिवार, 26 ऑगस्ट 2017

केंद्रेकर यांच्यासारख्या प्रामाणिक अधिकाऱ्याला जर कोणी जाणूनबुजून त्रास देत असेल तर आम्ही गप्प बसणार नाही.
- राजू शेट्टी, खासदार

पुणे : कृषी खात्याला शिस्त लावणारे विद्यमान कृषी आयुक्त सुनील केंद्रेकर यांच्या बदलीची जोरदार अफवा गेल्या काही दिवसांपासून राज्यभर पसरविली जात आहे. हितसंबंधींच्या दबावाला बळी पडून सरकार पातळीवरून श्री. केंद्रेकर यांना हटविले जाण्याची शक्यताही वर्तविली जात आहे. हा दबाव दूर सारून ''खाणार नाही आणि खाऊ देणार नाही,'' हा पंतप्रधान नरेंद्र मोदी यांचा अजेंडा तंतोतंत पाळणाऱ्या या प्रामाणिक अधिकाऱ्याला राज्य सरकार पाठिंबा देणार का, असाही सवाल यानिमित्ताने उपस्थित केला जात आहे. 

बेशिस्त खाते म्हणून ओळखल्या जाणाऱ्या कृषी खात्याला आतापर्यंत कोणालाही वेसण घालता आली नव्हती. मात्र, श्री. केंद्रेकर यांनी आयुक्तपदाची सूत्रे हाती घेताच पहिला तडाखा घोटाळेबहाद्दरांना दिला आहे. ''घोटाळे थांबवा आणि प्रामाणिकपणे शेतकऱ्यांसाठी कामे करा, अन्यथा कारवाईला सामोरे जा, असे स्पष्ट संदेश त्यांनी सुरवातीलाच दिला. 

सूत्रांच्या म्हणण्यानुसार, श्री. केंद्रेकर यांच्या बदलीच्या केवळ अफवा पसरविल्या जात असून यात कृषी खात्यातील काही अधिकारीच त्यात सामील आहेत. जलसंधारण आयुक्तपदी श्री. केंद्रेकर यांची बदली झाल्याचे संदेश व्हॉट्सअॅपवरूनदेखील फिरत आहेत.

या आठवड्यात कृषी आयुक्तांनी बोलावलेली एक बैठक अचानक रद्द करण्यात आल्यानंतर बदलीची अफवा अजून जोरात पसरविण्यात आली. मुळात श्री. केंद्रेकर यांनी बोलावलेल्या बैठकीला राज्यातील सर्व जिल्हा अधीक्षक कृषी अधिकारी पुण्यात येणार होते. मात्र, बैठकीच्या दुसऱ्या दिवशी मुख्यमंत्र्यांनी प्रत्येक जिल्हाधिकाऱ्याचा सहभाग असलेली व्हिडिओ कॉन्फरन्स ठेवली होती. त्यामुळे बहुतेक ठिकाणी जिल्हाधिकाऱ्यांकडून कृषी अधीक्षकांना जिल्ह्यात थांबण्याच्या सूचना मिळत होत्या. त्यामुळे कृषी अधीक्षकांची गैरसोय टाळण्यासाठी कृषी आयुक्तांनी बैठक रद्द केली, असे सूत्रांचे म्हणणे आहे.  

दरम्यान, कृषी खात्यातील एका भ्रष्ट कंपूकडून श्री. केंद्रेकर यांच्या बदलीसाठी गेल्या काही दिवसांपासून खरोखर खटपटी सुरू असल्याचे सांगितले जाते. कृषी खात्यातील एक संचालक मंत्रालयातील एका अधिकाऱ्याच्या कायम संपर्कात असून ''आम्हाला या जाचातून सोडवा'' अशी मागणी करीत असल्याचे सूत्रांचे म्हणणे आहे. मंत्रालयातील हा अधिकारी मंत्र्यांच्या जवळचा असून संचालकांच्या खास मर्जीतील समजला जातो. 

श्री. केंद्रेकर यांनी कृषी खात्यातील भ्रष्टाचाराची सर्व बिळे बुजवण्याचा प्रयत्न सुरू केला आहे. थेट शेतकऱ्यांच्या दारात जाऊन शेतीची स्थिती समजावून घेणे, भ्रष्ट अधिकारी व कंत्राटदारांना थारा न देणे, चुकलेल्या कर्मचाऱ्याला खडे बोल सुनावणे, अशी कामाची पद्धत ठेवल्यामुळे नव्या आयुक्तांचा अडसर भ्रष्ट कंपूला झाला आहे, असे सांगितले जाते.

मुळात श्री. केंद्रेकर यांची नियुक्ती मुख्यमंत्री देवेंद्र फडणवीस यांनीच केलेली असल्यामुळे त्यांची राजकीय दबावातून बदली होण्याची शक्यता वाटत नसल्याचे बोलले जाते. 

कृषी विभागात केंद्रेकर चांगले काम करत असतील तर मुख्यमंत्र्यांनी त्यांच्या पाठीशी राहणे गरजेचे आहे.
- पृथ्वीराज चव्हाण, माजी मुख्यमंत्री

सुनील केंद्रेकर हे शेतकरी हित डोळ्यासमोर ठेवून काम करणारे पहिले कृषी आयुक्त आहेत. ते प्रामाणिक असल्याने भ्रष्ट अधिकाऱ्यांना त्यांचा जाच वाटतो आहे. कृषी खात्यातील बियाणे, खते, कीडनाशके, औजारे, सेंद्रिय खते, आस्थापना यातील भ्रष्ट लॉबी श्री. केंद्रेकर यांना काम करू देणार नाही. मात्र, त्यांची बदली झाल्यास आम्ही विरोध करू. 
- कालिदास आपेट, शेतकरी संघटनेचे नेते

इतर अॅग्रो विशेष
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...
निफाड तालुक्‍यात द्राक्ष काढणीला सुरवातनिफाड, जि. नाशिक  ः तालुक्‍यातील उगाव,...
पशुगणनेकरिता आता महिनाअखेरपर्यंत मुदतनागपूर   ः पशुगणनेसाठी पूरक साहित्याचा...
ट्रायकोकार्ड निर्मिती प्रशिक्षण प्रकल्प...नागपूर ः कृषी विभाग आणि कृषी विद्यापीठातील...
राज्य वित्त आयोगाच्या अध्यक्षांनी जाणून...औरंगाबाद :  राज्य वित्त आयोगाचे अध्यक्ष व्ही...
दराअभावी कांदापट्टा सुन्ननाशिक : कांद्याला अगदी मोड फुटेस्तोवर वाट...
वनशेतीसह आंतरपिके ठरतोय फायद्याचा सौदाशाश्वत उत्पादनासाठी पारंपरिक पिकांसोबत वनशेतीचा...
अर्थसंकल्पीय कृषी कर्ज तरतूदीत १० टक्के...नवी दिल्ली : आगामी २०१९-२०च्या अर्थसंकल्पात शेती...
राज्यात शुक्रवारपासून पावसाचा अंदाजपुणे : वायव्य भारतातील पश्चिमी चक्रावाताची...
औरंगाबाद येथील आंतरराष्ट्रीय सुक्ष्म...औरंगाबाद : औरंगाबाद येथे आयोजित नवव्या...
शेतीपूरक उद्योगातून बचत गट झाले सक्षमचिखली (जि. बुलडाणा) येथील हिरकणी महिला उत्कर्ष...
गोरक्षणासोबतच जपला व्यसनमुक्‍तीचा वसालाठी (ता. मंगरुळपीर, जि. वाशीम) येथील दिलीप बाबा...
अप्रमाणित रोपांमुळे ‘फेल' बागांवर...पुणे : दुष्काळात जीवापाड जपलेल्या बागा अप्रमाणित...
सोयाबीन दराचा आलेख चढताच; लातूरला ३८११...लातूर : येथील उच्चत्तम कृषी उत्पन्न बाजार...
धान उत्पादकांना बोनस कधी?नागपूर : लगतच्या छत्तीसगड राज्याच्या तुलनेत...
उत्तर भारतात थंडी कायमश्रीनगर : जम्मू-काश्‍मीर, पंजाब, हरियाना व हिमाचल...
राज्यात थंडी झाली कमीपुणे : राज्यात अपवाद वगळता सर्वच ठिकाणच्या किमान...
बांधावर फुलवा ‘हिरवं सोनं’ण्याचा अभाव, मजूरटंचाई, मजूर व निविष्ठांचे...
आधुनिक सेवेसोबत ग्राहकांना हवा विश्‍वास संपूर्ण जगात अग्रेसर असलेल्या आधुनिक बॅंकिंग...