agriculture news in Marathi, Agriculture department resource not responding to Agri state minister, Maharashtra | Agrowon

कृषी राज्यमंत्र्यांनाही जुमानत नाही यंत्रणा
टीम अॅग्रोवन
मंगळवार, 9 जानेवारी 2018

या प्रकरणाचा पुढे पाठपुरावा केला नाही. निश्‍चितच माहिती घेऊन संबंधित दोषींवर कारवाई केली जाईल. 
- सदाभाऊ खोत, कृषी राज्यमंत्री

यवतमाळ ः कामात कुचराई केल्याचा प्रकार खुद्द कृषी राज्यमंत्र्यांच्या दौऱ्यातच उघडकीस आल्यानंतरही संबंधित अधिकाऱ्यांवर तीन महिने उलटूनही कोणतीच कारवाई करण्यात आली नाही. १९ जणांचे बळी गेलेल्या प्रकरणात अशाप्रकारे कारवाईस दिरंगाई होत असल्याने कृषी विभागाच्या कारभाराविषयी संताप व्यक्‍त होत आहे. 

कापसावरील बोंड अळीचे नियंत्रण करतेवेळी विषबाधा झाल्याने यवतमाळ जिल्ह्यात सुमारे १९ जणांचे बळी गेले होते. राज्य व देशपातळीवर या विषयाची चर्चा झाली. राज्य सरकारने याची दखल घेत दोन लाख रुपयांची मदत जाहीर केली.

मात्र १९ जणांचे बळी गेल्यानंतरदेखील राज्यातील एकाही मंत्र्याने यवतमाळला भेटीचे सौजन्य दाखविले नसल्याचा मुद्दा वसंतराव नाईक शेती स्वावलंबन मिशनचे अध्यक्ष किशोर तिवारी यांनी उपस्थित केला. या प्रकारामुळे सरकारच्या कारभारावरच शंका उपस्थित करण्यात आली. सरकारची बदनामी होत असल्याचे पाहता मुख्यमंत्र्यांसह आरोग्य व कृषिमंत्रीदेखील यवतमाळला पोचले. 

कृषी राज्यमंत्री सदाभाऊ खोत यांनी ४ ऑक्‍टोबरला यवतमाळ जिल्ह्याचा दौरा केला. आर्णी तालुक्‍यातील शेंदुरसणी गावातील दीपक मडावी या विषबाधिताच्या घरी त्यांनी भेट दिली. या वेळी कृषी व ग्रामविकास विभागाच्या कर्मचाऱ्यांनी आपले गुणगाण करणारे मोहरे पेरून ठेवले होते. ही बाब सदाभाऊ खोत यांनी हेरली. त्यानंतर त्यांनी थेट मडावी यांच्या घराबाहेर पडून रस्त्याने जाणाऱ्या-येणाऱ्यांशी संवाद साधला.

या वेळी कृषी सहायक गावात येतच नसल्याचे, तसेच कृषी विभागाच्या वरिष्ठ अधिकाऱ्यांकडून मार्गदर्शन मिळत नसल्याचे त्यांना सांगण्यात आले. यामुळे कृषी राज्यमंत्र्यांनी कृषी सहायक चोडे, प्रभारी उपविभागीय कृषी अधिकारी आर. एस. पलसवाड यांना कारणे दाखवा नोटीस बजावण्याचे आदेश दिले. ग्रामविकास अधिकारी, महसूल निरीक्षक यांच्या ग्रामविकास खात्यामार्फत कारवाई करू, असे सांगत ते गावाबाहेर पडले. आज तीन महिन्याचा कालावधी लोटल्यानंतरही याप्रकरणी काहीच कारवाई झाली नाही. 

इतर बातम्या
कौशल्य विकास कार्यक्रमातून मिळतोय एकीचा...राज्यात गेल्या दीड दशकामध्ये गटशेतीचे मूळ...
कौशल्य विकासातून गटशेतीसाठी शेतकरी...मुंबई ः शेतीतून उत्पन्न वाढवायचे असेल तर...
खानदेशातील पपई पीक अंतिम टप्प्यातनंदुरबार : पपई दरांमध्ये दर आठवड्याला...
खानापूर घाटमाथ्यावरील तेरा हजार लोकांना...विटा, जि. सांगली : खानापूर घाटमाथ्यावर पिण्याच्या...
जालन्यात कृषिमाल निर्यात केंद्र सुरू जालना : येथील कृषी उत्पन्न बाजार समितीच्या...
पोषणमूल्यावर आधारित कृषी प्रकल्पास...पुणे : राज्यातील कृषी विज्ञान केंद्रांच्या मदतीने...
कोल्हापूर जिल्ह्यात ट्रॅक्‍टर, पॉवर...कोल्हापूर/गडहिंग्लज : वर्षभराच्या प्रतीक्षेनंतर...
वाशीम जिल्ह्यातील ३२ ग्रामपंचायतींचे २४...वाशीम : राज्य निवडणूक आयोगाने जिल्ह्यातील चार...
राष्ट्राला समृद्ध बनवण्याची ताकद...सोलापूर : जागतिक पातळीवर सहकार चळवळीचे महत्त्व...
हमीभाव न देणाऱ्या व्यापाऱ्यांचे परवाने...सोलापूर : हमीभावापेक्षा कमी दराने शेतमाल खरेदी...
खानदेशात कापूस लागवड वाढण्याचा अंदाजजळगाव : खानदेशात आगामी खरिपात कापूस लागवड किंचित...
अाॅनलाइन नोंदणी न झाल्यास शेतकरीच...अकोला ः शासनाच्या आधारभूत किमतीने तूर खरेदीसाठी...
संपूर्ण शेतीमाल नियमनमुक्त करावापुणे ः राज्य सरकारने संपूर्ण शेतीमाल...
विद्यापीठांपेक्षा शेतकरी संशोधनात...सांगली : सध्या विद्यापीठाच्या तंत्रज्ञानापेक्षा...
कोरडवाहू फळ संशोधन कार्याला गती...परभणी: पोषण मूल्यांच्या सुरक्षिततेसाठी...
राज्यातील सत्तावीस कृषी महाविद्यालयांचे...पुणे : भारतीय कृषी संशोधन परिषदेची आदर्श...
दुष्काळग्रस्त १५१ तालुक्यांसाठी दोन...मुंबई : राज्यातील खरीप हंगाम २०१८ मध्ये...
विदर्भात उद्यापर्यंत पावसाचा अंदाजपुणे : राज्याच्या कमाल तापमानात सातत्याने वाढ होत...
परागकणांचा मागोवा घेण्याची कार्यक्षम...दक्षिण आफ्रिकेतील स्टेल्लेनबाऊच विद्यापीठातील...
अकोट, पातूर तालुक्यांत दुष्काळ जाहीरअकोला : कमी पावसामुळे या हंगामात अकोट, पातूर...