agriculture news in marathi, Agriculture got substantial allocations in the budget of Telangana | Agrowon

तेलंगणात शेतकऱ्यांना एकरी ८००० चे गुंतवणूक सहकार्य
वृत्तसेवा
शनिवार, 17 मार्च 2018

हैदराबाद : तेलंगण राज्य सरकारने यंदाच्या अर्थसंकल्पात कृषी क्षेत्राला अधिकाधिक प्राधान्य दिले आहे. सिंचन आणि विकासाला प्राधान्य देतानाच शेतकऱ्यांसाठी गुंतवणूक सहकार्य योजनेंतर्गत प्रति एकरी ८००० रुपये आणि ५ लाख रुपयांचे विमा कवच देऊन मोठा दिलासा दिला अाहे. सिंचन क्षेत्र विकासासाठी २५ हजार कोटींची भरीव तरतूद यंदा करण्यात आली आहे. 

हैदराबाद : तेलंगण राज्य सरकारने यंदाच्या अर्थसंकल्पात कृषी क्षेत्राला अधिकाधिक प्राधान्य दिले आहे. सिंचन आणि विकासाला प्राधान्य देतानाच शेतकऱ्यांसाठी गुंतवणूक सहकार्य योजनेंतर्गत प्रति एकरी ८००० रुपये आणि ५ लाख रुपयांचे विमा कवच देऊन मोठा दिलासा दिला अाहे. सिंचन क्षेत्र विकासासाठी २५ हजार कोटींची भरीव तरतूद यंदा करण्यात आली आहे. 

राज्याचे वित्तमंत्री इ. राजेंद्र यांनी विधानसभेत गुरुवारी (ता. १५) अर्थसंकल्प २०१८-१९ सादर केला. सुमारे १ लाख ७४ हजार ४५४ कोटी रुपयांचे एकूण निर्धारित खर्च असलेल्या अर्थसंकल्पात महसुली खर्च १ लाख २५ हजार ४५४ कोटी रुपये, तर भांडवली खर्च ३३ हजार ३६९ कोटी रुपये असल्याचे वित्तमंत्र्यांनी आपल्या सादरीकरणात सांगितले. 

अनुसूचित जाती-जमाती, भटके विमुक्त, मागासवर्गीय, ज्येष्ठ नागरिक यांच्याकरिताही कल्याणकारी योजनांचा अर्थसंकल्पात अंतर्भाव करण्यात अाला अाहे. सामाजिक संरक्षण निवृत्तिवेतन योजनेसाठी ५३०० कोटी रुपयांची तरतूद सरकारने केली अाहे. यात वयोवृद्ध, विधवा, ताडी कामकार, हातमाग कामगार यांचा समावेश आहे. सुमारे ४१ लाख ७८ हजार २९१ लोकांचा याचा लाभ होणार आहे. लग्नाकरिता महिलांना आर्थिक सहयोग म्हणून कल्याण लक्ष्मी, शादी मुबारक अशा योजना आहेत. यासाठी १४५० कोटी रुपये प्रस्तावित करण्यात आले आहेत. अनुसूचित जाती-जमाती आणि भटके विमुक्त जातींसाठी विशेष विकास निधीची स्थापना करण्यात आली असून, याकरिता अनुक्रमे १६ हजार ४५३ कोटी आणि ९ हजार ६९३ कोटी रुपये यंदा निर्धारित करण्यात अाले आहेत. 

वैद्यकीय अाणि आरोग्य क्षेत्रासाठी ७३७५ कोटी रुपये तरतूद आहे. सत्तारूढ तेलंगणा राष्ट्र समितीने निवडणुकीत दिलेल्या आश्‍वासनानुसार सर्वसामान्य नागरिकांसाठी दोन बेडरुमचे घर योजनेसाठी २६४३ कोटी प्रस्तावित केले आहे. पंचायत राज आणि ग्रामीण विकासासाठी १५ हजार ५६४ कोटी, रस्ते आणि इमारत बांधणीसाठी ५ हजार ५७५ कोटी, शालेय शिक्षण १० हजार ८३० कोटींची अर्थसंकल्पात तरतूद केली आहे. 

   शेतीसाठी अर्थसंकल्पातील तरतुदी...

  • शेतकऱ्यांसाठी गुंतवणूक सहकार्य योजनेंतर्गत १२ हजार कोटींची तरतूद करण्यात आली. २०१८-१९ पासून या योजनेंतर्गत दोन पिकांसाठी प्रत्येकी ४ हजार रुपये शेतकऱ्यांना गुंतवणूक सहकार्य केले जाणार आहे. 
  •  शेतकरी गट विमा योजनेंतर्गत शेतकऱ्यांना ५ लाख रुपयांचा जीवन विमा सुरू करण्यात आला आहे. याकरिता ५०० कोटींची स्वतंत्र तरतूद केली आहे. 
  •  कृषी यांत्रिकीकरण योजनेंतर्गत अर्थसंकल्पात स्वतंत्र ५२२ कोटी रुपयांची भरीव तरतूद करण्यात आली आहे. 
  •  सूक्ष्म सिंचनासाठी १२७ कोटी रुपये यंदा राज्यातील शेतकऱ्यांना उपलब्ध होणार आहेत. 
  •  पॉलिहाऊस आणि हरितगृहातील शेतीसाठी १२० कोटींची स्वतंत्र तरतूद करून संरक्षित आणि आधुनिक शेतीस प्रोत्साहन दिले अाहे.  
  •  शेती अाणि कृषी पणन क्षेत्रातील सुधारणांसाठी १५ हजार ७८८ कोटी रुपये प्रस्तावित करण्यात अाले अाहेत.  
  • सिंचन क्षेत्रालाही अर्थसंकल्पात प्राधान्य देण्यात आले अाहे. २५ हजार कोटी रुपये अशी भरीव तरतूद तेलंगण सरकारने केली आहे. 

​राष्ट्रीय विकासदराच्या ६.६ टक्क्यांच्या तुलनेत तेलंगण राज्याचा आर्थिक विकासदर हा १०.४ टक्के अपेक्षित असून, विकासवाढीत निर्मिती आणि कृषी क्षेत्राचे आव्हान आहे. कृषी आणि संलग्न क्षेत्राचा २०१७-१८चा विकासदर ६.९ टक्क्यांपर्यंत पोचण्याची शक्यता अाहे.
- इ. राजेंद्र, अर्थमंत्री, तेलंगण राज्य


 

इतर अॅग्रो विशेष
फलोत्पादन अनुदान अर्जासाठी शेवटचे चार...पुणे : एकात्मिक फलोत्पादन अभियानातून (एमआयडीएच)...
वीज पडून जाणारे जीव वाचवामागील जूनपासून सुरू झालेला नैसर्गिक आपत्तींचा कहर...
जल व्यवस्थापनाच्या रम्य आठवणीजलव्यवस्थापनाचे धडे घेण्यासाठी कुठलेही पुस्तक...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
ऊस पट्ट्यात द्राक्ष शेतीतून साधली...लातूर जिल्ह्यातील आनंदवाडी (ता. चाकूर) हे गाव ऊस...
खारपाणपट्ट्यात कृषी विद्यापीठाने दिला...खारपाणपट्ट्यात विविध हंगामात पिके घेण्यावर...
शेतीमाल दरवाढीचे लाभार्थी सधन शेतकरीचमिलिंद मुरुगकर यांनी अटलबिहारी वाजपेयी यांच्या...
व्यवस्था परिवर्तन कधी?सतराव्या लोकसभेची निवडणूक सध्या सुरू आहे. एक...
राज्यातील दहा मतदारसंघांत आज मतदानपुणे ः लोकसभा निवडणुकीच्या दुसऱ्या टप्प्यात...
मराठवाड्यात सव्वाचार लाख जनावरे चारा...औरंगाबाद : गत आठवड्याच्या तुलनेत औरंगाबाद, बीड व...
नुकसानीचे पंचनामे होणार केव्हा?जळगाव  ः खानदेशात सलग तिसऱ्या दिवशी म्हणजेच...
जीपीएसद्वारे टँकर्सचे नियंत्रण करा ः...मुंबई : राज्यातील धरण व तलावांमध्ये उपलब्ध...
राज्यात कोरड्या हवामानाचा अंदाजपुणे : पूर्वमोसमी पावसाच्या सर्वच भागात हजेरी...
चीनची दारे भारतीय केळीसाठी बंदच जळगाव ः अतिथंडी व फी जारियम विल्ट या रोगामुळे...
वादळी पावसाने दाणादाणपुणे  : सोसाट्याचा वारा, मेघगर्जना, विजा,...
उत्पादन वाढले; पण उठाव ठप्पशेतकऱ्यांच्या दृष्टीने चालू ऊस हंगाम फारसा ठीक...
शुभवार्तांकनावर शिक्कामोर्तबअर्धा देश दुष्काळाने आपल्या कवेत घेतला आहे....
'कोरडवाहू'साठी एक तरी शाश्‍वत पीक...माझ्याकडे उत्तम बागायतीची सुविधा असून, गेल्या २०-...