agriculture news in marathi, agriculture machanization scheme, pune, maharashtra | Agrowon

कृषी यांत्रिकीकरणाचा पुणे जिल्ह्यातील २७७७ शेतकऱ्यांना लाभ
टीम अॅग्रोवन
गुरुवार, 26 एप्रिल 2018

पुणे : शेतकऱ्यांचे उत्पन्न दुप्पट करण्याच्या उद्देशाने राबविण्यात आलेल्या ‘उन्नत शेती समृद्ध शेतकरी’ मोहिमेअंतर्गत कृषी यांत्रिकीकरणास मोठ्या प्रमाणात चालना देण्यात आली. कृषी यांत्रिकीकरणाचा पुणे जिल्ह्यातील सुमारे २७७७ शेतकऱ्यांना लाभ देण्यात आला आहे. त्यासाठी सुमारे १८ कोटी ९ लाख ५० हजार रुपयांचे अनुदान दिल्याची माहिती कृषी विभागाच्या सूत्रांनी दिली.

पुणे : शेतकऱ्यांचे उत्पन्न दुप्पट करण्याच्या उद्देशाने राबविण्यात आलेल्या ‘उन्नत शेती समृद्ध शेतकरी’ मोहिमेअंतर्गत कृषी यांत्रिकीकरणास मोठ्या प्रमाणात चालना देण्यात आली. कृषी यांत्रिकीकरणाचा पुणे जिल्ह्यातील सुमारे २७७७ शेतकऱ्यांना लाभ देण्यात आला आहे. त्यासाठी सुमारे १८ कोटी ९ लाख ५० हजार रुपयांचे अनुदान दिल्याची माहिती कृषी विभागाच्या सूत्रांनी दिली.

अभियानाअंतर्गत प्रचलित केंद्रपुरस्कृत कृषी यांत्रिकीकरण उपअभियान, राष्ट्रीय अन्नसुरक्षा अभियान, राष्ट्रीय गळीतधान्य व तेलताड अभियान, राष्ट्रीय कृषी विकास योजनेअंतर्गत कृषी यांत्रिकीकरण प्रकल्प एकत्रितरीत्या राबविण्यात आला होता. सर्व योजनांतर्गत यांत्रिकीकरणासाठी सुमारे १८ कोटी ९ लाख ५० हजार रुपयांचा निधी उपलब्ध झाला होता.

योजनेतून ट्रॅक्‍टर, पॉवर टिलर, रोटव्हेटर, कल्टिव्हेटर, सर्व प्रकारचे प्लॅंटर, मळणी यंत्र, भात लावणी यंत्र, पॉवर विडर, रिपर, भातमळणी यंत्र, मिनी भात मिल, दाल मिल, ट्रॅंक्‍टरचलित फवारणी यंत्र अशी विविध यंत्रांची शेतकऱ्यांनी खरेदी केल्यानंतर २५ ते ३५ टक्‍क्‍यांपर्यंत अनुदान देण्यात आले आहे. 

कृषी हवामान व जमिनीच्या प्रकारातील असलेली विविधता लक्षात घेऊन स्थानिक परिस्थितीनुरूप प्रमुख पिकांसाठी; तसेच फळबाग व भाजीपाला पिकांच्या मशागती, आंतरमशागतीकरिता लागणाऱ्या यंत्रसामग्री व अवजारांची यांत्रिकीकरण मोहिमेकरिता निवड करण्यात आली होती.

यामध्ये लाभार्थी शेतकऱ्यांना यादीतील आपल्या पसंतीची अवजारे, यंत्राची निवड करून खुल्या बाजारातून त्याची खरेदी करण्याचे स्वातंत्र्य देण्यात आले होते. या खरेदीनंतर अनुदानाकरिता परिपूर्ण प्रस्ताव संबधित अधिकाऱ्याकडे प्राप्त झाल्यानंतर दहा दिवसांच्या आत संबधित लाभार्थ्यांच्या आधार संलग्न बॅंक खात्यामध्ये अनुदानाची रक्कम जमा करण्यात आली आहे.

योजनेच्या लाभासाठी शेतकऱ्यांकरिता अर्जाचा विहित नमुनाही कृषी विभागाच्या संकेतस्थळावर उपलब्ध करून दिला होता. त्यामुळे मोठ्या प्रमाणात शेतकऱ्यांनी या योजनेत सहभाग नोंदविला असून ७७५ शेतकऱ्यांनी लहान, मोठ्या स्वरूपाच्या ट्रॅक्‍टरची खरेदी केली. इतर अवजरांची २००२ शेतकऱ्यांनी खरेदी केली आहे.

तालुकानिहाय अवजारांची संख्या व रक्कम

तालुका   अवजारांची संख्या   रक्कम (लाख, रुपयांत)
भोर   १२१ ७७.३९
वेल्हा   ६०  ४७.४२
मावळ १६८  ११३.५५
मुळशी  १०६  ६२.३६
हवेली  २६३ १५५.२२
खेड १८१ १०९.६५
आंबेगाव २६१ १५२.१७
जुन्नर ३०३  २१२.३५
शिरूर २९७   १८८.४०
पुरंदर १८६ १०२.४०
बारामती ३१३  २०६.६९
दौंड २३२  १८२.५२
इंदापूर  २८६ १९९.३८
एकूण २७७७ १८,०९.५०

 

इतर ताज्या घडामोडी
संघर्ष गोकुळ ‘मल्टिस्टेट’चाकोल्हापूर जिल्हा दूध संघ (गोकुळ) मल्टिस्टेट...
'दारुमुळे दरवर्षी अडीच लाखापेक्षा जास्त...नवी दिल्ली- दारूमुळे दरवर्षी जवळपास अडीच...
जालन्यात पाण्यात बुडून तिघांचा मृत्यूजालना : गणपती बाप्पांचे विसर्जन करताना जालना...
शिखर, रोहितने पाकला धुतले; भारत अंतिम...दुबई : पाकिस्तानने उभारलेल्या 237 धावांचा सहजी...
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...
खानापूर घाटमाथ्यावर तीव्र पाणीटंचाई सांगली  : घाटमाथ्यावर पावसाने ओढ दिली आहे....
नगर जिल्ह्यात साडेसहा लाख हेक्‍टरवर...नगर  ः जिल्ह्यात रब्बी हंगामात सहा लाख ५२...
कौशल्यावर आधारित उपक्रम ‘रयत’मध्ये सुरू...सातारा  ः केवळ पुस्तकी नव्हे तर कौशल्यावर...
नियमित कर्ज भरणाऱ्या शेतकऱ्यांचा अकोला...अकोला  ः नियमित कर्जाची परतफेड करणाऱ्या...
सांगली जिल्ह्यात पाणीप्रश्‍न पेटण्याची...सांगली  : पावसाने दिलेली उघडीप आणि पावसाळा...
अकोला, बुलडाण्यात सर्वदूर पाऊसअकोला   ः वऱ्हाडातील अकोला, बुलडाणा या...
सावधान... अल्झायमर आला उंबरठ्यावर ! कोल्हापूर : मंगळवार पेठेतल्या विठ्ठल मंदिरात रोज...
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...