agriculture news in marathi, Agriculture recruitment pending form 2013 | Agrowon

अमरावती विभागात शुल्क गोळा करूनही पदभरती रद्द
टीम अॅग्रोवन
सोमवार, 19 मार्च 2018

२०१३ पासूनचे प्रकरण; उमेदवारांकडून गोळा केले ३२ लाख
 

अमरावती : शिपाई आणि रोपमळा मदतनीस पदाकरिता जाहिरात प्रकाशित करीत त्या माध्यमातून लाखो रुपयांचे शुल्क गोळा करून नंतर पदभरतीच रद्द करण्यात आल्याचा धक्‍कादायक प्रकार समोर आला आहे. अमरावती विभागीय कृषी सहसंचालक कार्यालयांतर्गत ही पदभरती होणार होती. 

शिपाई, चौकीदार तसेच रोपमळा मदतनीस अशा विविध पदांकरिता उमेदवारांकडून अर्ज मागविण्यात आले होते. त्यासाठी २४ डिसेंबर २०१३ रोजी अमरावतीमधून एका स्थानिक वृत्तपत्रात जाहिरात प्रकाशित करण्यात आली. अनुसूचित जाती जमातीच्या प्रवर्गाकरिता १०० रुपये तर खुल्या प्रवर्गातील उमेदवारांसाठी २०० रुपये शुल्क होते. १२२ पदे या माध्यमातून भरण्यात येणार असल्याने राज्यभरातून या जाहिरातीला प्रतिसाद मिळत सुमारे २८ हजार ४३१ अर्ज करण्यात आले. त्यातील रोपमळा मदतनीसाकरिता ११९९ अर्ज प्राप्त झाले होते. त्यातील ७५९ पात्र ठरले. या परीक्षांसाठीच्या शुल्कापोटी ३० ते ३२ लाख रुपयांचा निधी सरकारला प्राप्त झाला. 

रोपमळा मदतनीस पदाकरिता २३ फेब्रुवारी २०१४ रोजी परीक्षा घेण्याचे ठरले. तत्कालीन अमरावती विभागीय कृषी सहसंचालक कार्यालयाकडून त्यानुसार उमेदवारांना ओळखपत्र वितरित करण्यात आले; परंतु पोस्ट खात्याचा संप असल्याने उमेदवारांना ओळखपत्र मिळणार नाहीत, तसेच अनागोंदीच्या चर्चा झाल्याने तत्कालीन कृषिमंत्री एकनाथ खडसे यांनी ही प्रक्रिया तात्पुरती स्थगित करण्याचे आदेश दिले. तेव्हापासून या दोन्ही पदांकरिताची भरती रखडली आहे. परंतु याकरिता शुल्क म्हणून जमा करण्यात आलेल्या निधीबाबत कोणताच निर्णय घेण्यात न आल्याने उमेदवारांमध्ये मात्र अस्वस्थता आहे.

परभणी येथील रवीचंद्र काळे यांनी या संदर्भाने विविध पातळ्यांवर पाठपुरावा केला. त्यानंतर या पदांकरिता परीक्षा घेण्याकरिता निधी अपुरा कमी पडत असल्याचे कारण पुढे करण्यात आले. ७७ लाख ३६ हजार ८५० रुपयांची गरज या परीक्षेकरिता असताना शुल्कापोटी केवळ ३२ लाख ४१ हजार ३३१ रुपयेच जमा झाले होते. ४४ लाख ९५ हजार ५१९ रुपयांची तूट भरून निघत नसल्याचे कारण देत ही परीक्षा रखडत ठेवण्यात आली, असाही आरोप रविचंद्र काळे यांनी केला आहे. परंतु हे कारण सांगणाऱ्या शासनाकडून मात्र उमेदवारांनी शुल्कापोटी जमा केलेल्या पैशाबाबत कोणताच निर्णय होत नसल्याचेही ते म्हणाले.

  या विषयावर मुंबईतील बैठकीत चर्चा झाली आहे. यापुढील सर्व परीक्षा नुकत्याच कृषी सहायकांकरिता राबविण्यात आलेल्या  ‘महापरीक्षा’ या पद्धतीने घेण्याचे ठरले आहे. त्यासोबतच शिपाई व रोपमळा मदतनीस पदाकरिता यापूर्वी अर्ज केलेल्यांचे शुल्क परत करण्याचे ठरले. परंतु अद्याप त्या संबंधीचे आदेश मिळाले नाहीत. संबंधित जिल्ह्याच्या जिल्हा अधीक्षक कृषी अधिकाऱ्यांकडेच हे शुल्क आहे. नव्या पदभरतीकरिता आकृतिबंध मंजूर करण्याचे निर्देश शासनाने दिले आहेत.
- सुभाष नागरे,
विभागीय कृषी सहसंचालक, अमरावती

इतर बातम्या
पुण्यात कांदा, लसूण, फ्लॉवरच्या दरात वाढपुणे  ः गुलटेकडी येथील कृषी उत्पन्न बाजार...
'आणखी साखर तयार कराल, तर खड्ड्यात जाल'विटा, जि सांगली : पाणी आले म्हणून साखरेचे...
शिपायाने घातला शेतकऱ्यांना २२ लाखांला...वर्धा : पशुसंवर्धन विभागाच्या अनुदानावरील...
धान्य पट्ट्यात २०१८मध्ये ४३ शेतकरी...भंडारा : सिंचन, पर्यायी आणि व्यवसायिक पद्धतीविषयी...
पुणे जिल्ह्यात चाराटंचाईचा प्रश्‍न गंभीरपुणे  : जिल्ह्यात पाणीटंचाईबरोबरच...
नांदेड जिल्ह्याला एक लाख क्विंटल...नांदेड : नांदेड जिल्ह्यात २०१९-२० मधील खरीप...
नांदेड जिल्ह्यात हमीभावाने ३८५७ क्विंटल...नांदेड : केंद्र शासनाच्या किंमत समर्थन मूल्य...
खानदेशात मे महिनाअखेरीस कापूस बियाणे...जळगाव  ः खानदेशात पूर्वहंगामी कापूस लागवड...
नांदेड विभागात ७८ लाख टन ऊस गाळपनांदेड : प्रादेशिक सहसंचालक (साखर) नांदेड...
गडहिंग्लज, चंदगड तालुक्यात दहा गावांत...गडहिंग्लज, जि. कोल्हापूर  : गडहिंग्लज आणि...
अनुकूल हवामानामुळे यंदा दर्जेदार...सांगली : यंदा बेदाणा निर्मितीसाठी अनुकूल हवामान...
एकतीस वर्षांतही संपले नाही गोसेखुर्द...भंडारा : राज्यकर्त्यांच्या निष्क्रीयतेमुळे...
शेती, शेतकऱ्यांचे हित जपणारे सरकार...फलटण, सातारा : ‘‘लोकसभा निवडणुकीकडे जगाचे...
बागायती कोल्हापूरचा दुष्काळग्रस्तांना...कोल्हापूर : पाणीटंचाईमुळे दूरवरून पाणी आणण्यासाठी...
नागपूर विभागातील प्रकल्पात  उरला १० टक्...नागपूर  : विभागातील मोठ्या प्रकल्पांमध्ये...
यवतमाळ जिल्ह्यात नाफेडची तूर खरेदी बंदयवतमाळ  : गेल्या दोन वर्षांपासून जिल्ह्यात...
माझे लक्ष्य विधानसभा निवडणूक : राज ठाकरेमुंबई : लोकसभेची निवडणूक लढविणार नाही, हे मी...
शेतकरी संघटनांच्या कार्यकर्त्यांवर...नाशिक : शेतकरी आंदोलनाचा केंद्रबिंदू राहिलेल्या...
जळगाव जिल्ह्यातील ६७ शाळांना सौर प्रकल्पजळगाव  ः  जिल्हा परिषद शाळांमधील...
नगर मतदारसंघात अठरा लाख मतदार बजावणार...नगर  : नगर मतदारसंघात १८ लाख ५४ हजार २४८...