कृषी क्षेत्राचे १४ हजार कोटींचे बजेट ६५ हजार कोटींवर

बीड ः श्री क्षेत्र नारायणगड येथील विकास कामांच्या उद्घाटन कार्यक्रमात गुरुवारी (ता. १५) बोलताना मुख्यमंत्री देवेंद्र फडणवीस. ग्रामविकास मंत्री पंकजा मुंडे, यावेळी विनायक मेटे, मठाधिपती शिवाजी महाराज आदी उपस्थित होते.
बीड ः श्री क्षेत्र नारायणगड येथील विकास कामांच्या उद्घाटन कार्यक्रमात गुरुवारी (ता. १५) बोलताना मुख्यमंत्री देवेंद्र फडणवीस. ग्रामविकास मंत्री पंकजा मुंडे, यावेळी विनायक मेटे, मठाधिपती शिवाजी महाराज आदी उपस्थित होते.

बीड : मागच्या पंधरा वर्षांत झाला नाही तेवढा विकास या तीन वर्षांत झाला. कृषी क्षेत्राचे १४ हजार कोटी रुपयांचे बजेट आता ६५ हजार कोटी रुपयांवर नेले. मागच्या सरकारच्या कर्जमाफीत मराठवाड्याला १४०० कोटी रुपयांची माफी मिळाली. मात्र, या सरकारच्या छत्रपती शिवाजी महाराज शेतकरी सन्मान योजनेतून मराठवाड्याला ४००० कोटी रुपये शेतकऱ्यांच्या कर्ज खात्यांत वर्ग झल्याचा दावा मुख्यमंत्री देवेंद्र फडणवीस यांनी केला.

महाराष्ट्राची धाकटी पंढरी म्हणून ओळख असलेल्या श्री क्षेत्र नारायणगड येथील २५ कोटी रुपयांच्या विविध विकासकामांचे उद्‍घाटन व ११०० रोपट्यांची लागवड मुख्यमंत्री देवेंद्र फडणवीस यांच्या हस्ते गुरुवारी (ता. १५) दुपारी झाले.

शिवस्मारक समितीचे अध्यक्ष आमदार विनायक मेटे यांच्या अध्यक्षतेखाली झालेल्या कार्यक्रमाला ग्रामविकासमंत्री पंकजा मुंडे, मठाधिपती शिवाजी महाराज, आमदार भीमराव धोंडे, आर. टी. देशमुख, लक्ष्मण पवार, माजी मंत्री सुरेश धस, बदमराव पंडित, जिल्हा परिषद अध्यक्षा सविता गोलहार, उपाध्यक्षा जयश्री मस्के, माजी आमदार राजेंद्र जगताप उपस्थित होते.  

श्री. फडणवीस म्हणाले, आगामी काळात पोलिसांची मोठी भरती होईल, २०१९ पर्यंत महाराष्ट्र बेघरमुक्त होईल. आतापर्यंत पाच लाख शेतकऱ्यांना कर्जमाफीचा लाभ दिला असून शेवटच्या शेतकऱ्याला कर्जमाफी मिळेपर्यंत योजना सुरू राहिल असेही मुख्यमंत्र्यांनी सांगितले.तसेच  जिल्ह्यात मराठा समाजाच्या विद्यार्थी वसतिगृहासाठी पाच कोटी रुपये निधीची घोषणा या वेळी त्यांनी केली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com