agriculture news in Marathi, Agriculture subsidy process will be implement online, Maharashtra | Agrowon

कृषी यांत्रिकीकरणातील अवजार अनुदान प्रक्रिया ऑनलाइन होणार
टीम अॅग्रोवन
शुक्रवार, 26 ऑक्टोबर 2018

पुणे : देशातील शेतकऱ्यांना कृषी यांत्रिकीकरणातून अनुदान देण्याची सर्व प्रक्रिया ऑनलाइन करण्याचा निर्णय केंद्र शासनाने घेतला आहे. त्यामुळे पुढील वर्षीपासून राज्यात ठिबकप्रमाणेच अवजारांसाठीदेखील ऑनलाइन अर्जाची सुविधा उपलब्ध होणार आहे. 

पुणे : देशातील शेतकऱ्यांना कृषी यांत्रिकीकरणातून अनुदान देण्याची सर्व प्रक्रिया ऑनलाइन करण्याचा निर्णय केंद्र शासनाने घेतला आहे. त्यामुळे पुढील वर्षीपासून राज्यात ठिबकप्रमाणेच अवजारांसाठीदेखील ऑनलाइन अर्जाची सुविधा उपलब्ध होणार आहे. 

शेतकऱ्याला अनुदान मिळवण्यासाठी कृषी खात्याच्या कर्मचाऱ्याशी संबंध येऊ नये उलट कृषी कर्मचाऱ्याने त्याच्या बांधावर जाऊन तपासणी करावी. शेतकऱ्याला त्याचे अनुदान ‘डीबीटी’ने थेट बॅंक खात्यात मिळावे, असा हेतू केंद्र शासनाचा आहे. कृषी यांत्रिकीकरणाचा वेग सध्या देशभर वाढत आहे. त्यामुळे कृषी क्षेत्रातील ऊर्जेचा वापरदेखील सध्या प्रतिहेक्टर २.०२ किलोवॉट आहे. पुढील दोन वर्षांत हेच प्रमाण चार किलोवॉट प्रतिहेक्टर करण्याचा केंद्राचा उद्देश आहे. त्यासाठी ऑनलाइन कामकाज उपयुक्त, पारदर्शक व शेतकऱ्यांना जादा सुविधा देणारे ठरेल, असे केंद्राला वाटते. 

‘‘राज्यातील शेतकरी पुढील हंगामापासून अवजार अनुदानासाठी ऑनलाइन अर्ज भरतील. त्यासाठी ओटीपी (वन टाइम पासवर्ड) मिळेल. शेतकऱ्याला अनुदानप्राप्त अवजारे, डीलर, डिस्ट्रिब्यूटर्स ऑनलाइन दिसतील. शेतकऱ्यांची नावेदेखील सर्व डीलर, डिस्ट्रिब्यूटर्स दिसतील. त्यामुळे डीलर वर्गात स्पर्धा होईल. शेतकऱ्याने स्वतः डीलर निवडला की सार्वजनिक यादीत या शेतकऱ्याचे नाव दिसणार नाही, अशी माहिती सूत्रांनी दिली. 

शेतकऱ्याने डीलरकडून स्वतः अवजारांची खरेदी केल्यानंतर खरेदी पावती ऑनलाइन अपलोड होईल. ही बिले तालुका कृषी अधिकाऱ्याला ऑनलाइन दिसतील. त्यानंतर बिलांच्या आधारे कृषी पर्यवेक्षक, सहायकांकडून शेतकऱ्याकडे जाऊन मोका तपासणी करतील. त्यानंतर तपासणी झालेली बिले ऑनलाइन जिल्हा अधीक्षक कृषी अधिकाऱ्याला (एसएओ) दिसतील. ‘एसएओने’ या बिलांना मंजुरी देताच शेतकऱ्याच्या खात्यात अनुदान जमा होणार आहे. 

या पद्धतीमुळे सध्याच्या अवजार अनुदानवाटपातील मानवी हस्तक्षेप थांबेल, असे कर्मचाऱ्यांचे म्हणणे आहे. ‘‘राज्यात सध्या फक्त पंजाब, राजस्थान, उत्तर प्रदेश, हरियानामधील कृषी क्षेत्रातील ऊर्जेचा वापर प्रतिहेक्टर २.०२ किलोवॉटपेक्षा जादा आहे. मात्र, ट्रॅक्टर व इतर अवजारांच्या वापरामुळे महाराष्ट्रानेदेखील आघाडी घेतली आहे. त्यात पुन्हा राज्याने स्वतःची कृषी यांत्रिकीकरणाची १०० टक्के अनुदानाची योजना सुरू केली आहे,’’ असे सूत्रांनी स्पष्ट केले. 

योजना ऑनलाइन करण्याची उद्दिष्टे  

  •    राज्यातील मजूरटंचाईवर प्रभावी उपाय लागू करणे 
  •    कस्टम हायरिंग सेंटर (अवजार बॅंक) वाढविणे 
  •    छोट्या शेतकऱ्यांना अल्पदरात यंत्रिक सुविधा देणे 
  •    कृषी अवजारांची प्रात्यक्षिके, तपासणी, प्रशिक्षण सुविधा वाढविणे

इतर अॅग्रो विशेष
दुष्काळी परिस्थितीतून जनतेला बाहेर...पंढरपूर : राज्यातील दुष्काळी परिस्थितीतून जनतेला...
पडला सत्याचा दुष्काळ, बहू झाला घोळराज्याचे मुख्यमंत्री देवेंद्र फडणवीस यांनी २३...
चारा नियोजनातील ‘दुष्काळ’राज्यात आजपासून हिवाळी अधिवेशन सुरू होणार आहे....
मोहोळमध्ये ‘हुमणी‘ने १७ हजार एकरांचे...मोहोळ, जि. सोलापूर : तालुक्‍यातील सात महसुली...
पॉलिथिन पिशव्यांचा वापर थांबविण्याचे...पुणे   : राज्यातील कृषी तसेच वन विभागातील...
ढगाळ हवामानामुळे थंडी गायब; आजही...पुणे : अरबी समुद्रात असलेल्या तीव्र कमी दाब...
तमिळनाडूच्या धर्तीवर मराठा समाजाला...मुंबई : मूळ आरक्षणाला धक्का न लावता तमिळनाडूच्या...
ब्लॉक प्रिंटिंग व्यवसायातून आर्थिक...पूर्व विदर्भातील भंडारा, वर्धा या जिल्ह्यांत...
दुष्काळग्रस्तांना सरसकट हेक्टरी ५० हजार...मुंबई : राज्यात यंदा १९७२ पेक्षाही भयंकर...
दूध अनुदान योजनेस ३१ जानेवारीपर्यंत...पुणे : राज्यात उत्पादित होणाऱ्या (पिशवी बंद...
आता कोठे धावे मन । तुझे चरण देखलिया...पंढरपूर, सोलापूर (प्रतिनिधी) :  आता कोठे...
मराठवाड्यात रब्बीची केवळ १९ टक्‍केच...औरंगाबाद : मराठवाड्यात यंदा दुष्काळाची छाया किती...
केळीच्या आगारातून आखातात जाणार ४००...जळगाव ः केळीचे आगार असलेल्या जळगाव जिल्ह्यातून...
महाकॉट ब्रॅण्डची चमक पडली फिकीजळगाव ः पूर्व विदर्भ, उत्तर मराठवाडा व खानदेशातील...
शेतीला मिळाली पूरक उद्योगाची साथअंबाणी (जि. सातारा) येथील सौ. सुरेखा पांडुरंग...
दक्षिण कोकण, पश्‍चिम महाराष्ट्रात आज...पुणे : दक्षिण भारतामध्ये असलेल्या ‘गज’...
अभ्यास अन् नियोजनातून शेती देते समाधाननाशिक शहरातील प्रख्यात हृदयरोगतज्ज्ञ डॉ. अनिरुद्ध...
‘सीसीआय’ची कापूस खरेदी मंगळवारपासून...जळगाव : कापूस खरेदीसंबंधी जिनिंगमध्ये केंद्र...
दुष्काळ, मराठा आरक्षण अधिवेशनात गाजणारमुंबई : उद्यापासून (ता. १९) मुंबईत सुरू होत...
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...