कोपरगाव, जि. नगर : नवी दिल्लीस्थित अॅग्रो इनपुट डीलर्स असोसिएशनच्या राष्ट्रीय महाअधिवेशनास आज (ता. ७)पासून येथे प्रारंभ होत आहे. केंद्रीय रसायन व खतमंत्री अनंत कुमार, राज्यमंत्री पुरुषोत्तम रूपाला, केंद्रीय कृषी राज्यमंत्री गजेंद्रसिंग शेखावत, केंद्रीय गृहराज्यमंत्री हंसराज अहिर, केंद्रीय जल राज्यमंत्री अर्जुन राम मेघावत प्रमुख उपस्थित असणार आहेत. दोन दिवस चालणाऱ्या या अधिवेशनाचा समारोप मुख्यमंत्री देवेंद्र फडणवीस यांच्या उपस्थितीत उद्या (ता. ८) होणार आहे. अॅग्रो इनपुट डीलर्स असोसिएशनचे राष्ट्रीय अध्यक्ष मनमोहन कलंत्री, उपाध्यक्ष पुरुषाेत्तम खंडेलवाल, खजिनदार आबासाहेब भोकरे व राaज्य शाखेचे अध्यक्ष प्रकाष कवडे यांनी ही माहिती दिली. या महाअधिवेषनाचे उद्‍घाटन सकाळी साडेदहा वाजता कोपरगावजवळील नगर मनमाड महामार्गावरील साईसृष्टी निसर्ग लॉन्स येथे होत आहे. यास राज्याचे विरोधी पक्षनेते राधाकृष्ण विखे पाटील, कृषिमंत्री पांडुरंग फुंडकर, पर्यटनमंत्री जयकुमार रावल, रासी सीडसचे अध्यक्ष एम. रामास्वामी, एनएसएल ग्रुपचे अध्यक्ष एम. प्रभाकर राव, साउथ आशिया एफएमसीचे व्यवसाय संचालक एस. एन श्रीनिवास, खासदार रामचरण बोहरा, खासदार चंद्रकांत खैरे, खासदार संजयकाका पाटील, खासदार सदाशिव लोखंडे खासदार दिलीप गांधी, खासदार राजीव सातव, आमदार मोहनलाल गुप्ता (जयपूर), आमदार स्नेहलता कोल्हे, शिर्डी नगरपंचायतीच्या अध्यक्षा योगिता शेळके आदी मान्यवर प्रमुख पाहुणे म्हणून उपस्थित राहणार आहेत. महाअधिवेशन समारोपास (ता. ८) सकाळी १० वाजता मुख्यमंत्री देवेंद्र फडणवीस प्रमुख उपस्थितीत आहेत. अधिवेशनाचा १ वाजता समारोप हाईल. याप्रसंगी शेतकरी व कृषी व्यावसायिकांनी उपस्थित राहावे असे आवाहन असोसिएशनच्या वतीने करण्यात आले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.