agriculture news in Marathi, agrowon, 14 new varieties will be available to farmers in the state | Agrowon

राज्यातील शेतकऱ्यांना मिळणार १४ नवे वाण
टीम अॅग्रोवन
रविवार, 27 मे 2018

दापोली, जि. रत्नागिरी  : राज्याचे कृषी; तसेच फलोत्पादन वाढविण्यासाठी विविध पिकांच्या नवीन वाण संशोधनावर अॅग्रेस्कोमध्ये दिवसभर चर्चा झाली. अॅग्रेस्कोमध्ये या वाणांना मान्यता मिळाल्याने पपई, केळी, चिंचेसह १४ नवे वाण शेतकऱ्यांना मिळण्याचा मार्ग खुला झाला.   

दापोली, जि. रत्नागिरी  : राज्याचे कृषी; तसेच फलोत्पादन वाढविण्यासाठी विविध पिकांच्या नवीन वाण संशोधनावर अॅग्रेस्कोमध्ये दिवसभर चर्चा झाली. अॅग्रेस्कोमध्ये या वाणांना मान्यता मिळाल्याने पपई, केळी, चिंचेसह १४ नवे वाण शेतकऱ्यांना मिळण्याचा मार्ग खुला झाला.   

राज्यातील शेतकऱ्यांचे उत्पन्न दुप्पट करण्यासाठी विविध पिकांची उत्पादकता वाढविणाऱ्या शिफारशी व नवीन वाणांची उपलब्धता विद्यापीठांकडून केली जावी, असा मुद्दा कृषी विभागाकडून मांडला गेला. या मुद्दावर शास्त्रज्ञांच्या विविध गटांमध्ये चर्चा झाली. अॅग्रेस्कोत मंजूर केल्या जाणाऱ्या शिफारशींचे अंतिम उद्दिष्ट उत्पन्नवाढ असल्याचे कुलगुरूंनी स्पष्ट केले. 

दापोलीतील कोकण कृषी विद्यापीठात सुरू असलेल्या संयुक्त कृषी संशोधन आणि विकास समितीच्या बैठकीत शास्त्रज्ञांचे नियोजनबद्ध गट करून तपशीलवार चर्चा करण्यात आली. या गटांचे नेतृत्व कोकण विद्यापीठाचे कुलगुरू डॉ. तपस भट्टाचार्य, राहुरी येथील महात्मा फुले कृषी विद्यापीठाचे कुलगुरू डॉ. के. पी. विश्वनाथा, परभणीतील वसंतराव नाईक मराठवाडा कृषी विद्यापीठाचे कुलगुरू डॉ. बी. व्यंकटेश्वरलू, अकोला येथील डॉ. पंजाबराव देशमुख कृषी विद्यापीठाचे कुलगुरू डॉ. व्ही. एम. भाले यांनी केले. 

कृषी परिषदेचे संचालक रवींद्र जगताप, संचालक डॉ. हरिहर कौसडीकर, राहुरी विद्यापीठाचे संशोधन संचालक डॉ. शरद गडाख व डॉ. किरण कोकाटे, एनआरसीजीचे संचालक डॉ. एस. डी. सावंत, परभणी विद्यापीठाचे संशोधन संचालक डॉ. दत्तप्रसाद वासकर यांनी देखील शास्त्रज्ञ गटाचे नेतृत्व केले. या गटांनी विविध वाण, शिफारशींचा आढावा घेतला. या शिफारशींचे रात्री उशिरापर्यंत संपादन करून अंतिम मान्यतेसाठी अॅग्रेस्कोसमोर ठेवल्या होत्या. 

यामुळे केळी उत्पादक शेतकऱ्यांना फुले प्राईड हे नवे वाण मिळू शकेल. स्कॅव्हेन्डिश गटातील निवड पद्धतीने फुले प्राईड तयार करण्यात आली असून त्यासाठी गेली पाच वर्षे संशोधन सुरू होते. हेक्टरी ९७ टन उत्पादन आणि गराचे ५७ टक्के प्रमाण असलेली फुले प्राईड बुटकी, लवकर काढणीस येणारी, वादळ वाऱ्यात खोड न मोडणारी आणि विशेष म्हणजे सिगाटोकाला सहनशील असल्याचे यावेळी सांगण्यात आले.

आंबा पिकाच्या फळधारणा, उत्पादन वाढविण्यासाठी तसेच साक्याचे प्रमाण कमी करण्यासाठी एलसिस्टिन १० टक्के आणि फॉलिक अॅसीड ०.२० टक्के घटकाची फवारणी करण्याबाबत अभ्यासपूर्ण शिफारस करण्यात आली आहे. 

फुले जयश्री टोमॅटो, पीडीकेव्ही गोल्ड ग्लॅडिओस, कोकण कॅशिया तसेच कोकण संयुक्ता जायफळ या फळपिकांचे वाण मंजूर करण्यात आले. तसेच, धानाचा ट्रॉम्बे कर्जत कोलम व पीडीकेव्ही तिलक, पीडीकेव्ही यलो गोल्ड सोयाबीन, फुले विक्रांत हरभरा, व्हीएसआय १२१२१ ऊस, फुले चेतना कापूस, पीए ७४० देशी कापूस, परभणी शक्ती ज्वारी अशा वाणांना मंजुरी मिळाली आहे.

पपईचे फुले पपया वाण सर्व चाचण्यांत सरस
पपईचे फुले पपया हे नवे वाण सर्व चाचण्यांमधून सरस ठरलेले आहे. हे रिंग स्पॉट विषाणूजन्य रोगाला प्रतिकारक आहे. सरासरी १.३३ किलोग्रॅम वजनाच्या या पपईत ७८ टक्के गर आहे. याशिवाय शिवाई नावाचे चिंचेचे नवे वाणदेखील तयार करण्यात आलेले आहे. यात चिंचेची लांबी २०.४३ सेंटिमीटर असून, सरासरी वजन ३५.३३ ग्रॅम आणि फळाचे उत्पादन प्रतिझाड ८४३ किलो आहे. यात गर प्रतिकिलो ४७९ ग्रॅम मिळेल, असे शास्त्रज्ञांच्या वतीने सांगण्यात आले.

इतर ताज्या घडामोडी
पूर्णा, पालम, गंगाखेड येथे दूध संकलन...पूर्णा, जि. परभणी ः परभणी जिल्ह्यातील पूर्णा,...
धुळे जिल्ह्यात भरड धान्याची २६४९...धुळे ः जिल्ह्यात २०१८-१९ च्या खरीप पणन हंगामात...
परभणीत खरीप पीक विमा परताव्याचा घोळ...परभणी  : पंतप्रधान पीकविमा योजनेअंतर्गत...
कोल्हापूर जिल्ह्यात २० टक्के ऊस तोडणी...कोल्हापूर  : जिल्ह्यात साखर कारखान्यांचा...
मराठवाड्यातील प्रकल्पांत २० टक्‍के...औरंगाबाद  : मराठवाड्यातील सर्वच...
कमी पाऊस : ‘जलयुक्त’ची कामे झालेल्या...नगर  ः जलयुक्त शिवार अभियानातून कामे करून...
हमीभाव, कर्जमुक्ती असेल तरच महाआघाडीत...बुलडाणा  : दीडपट हमीभाव आणि शेतकऱ्यांची...
पुणे विभागात ९२ टॅंकरव्दारे पाणीपुरवठापुणे   : विभागातील पाणीटंचाईची तीव्रता...
हजारो केळी रोपांचे रानडुकरांकडून नुकसानअकोला   ः सातपुड्यालगत असलेल्या अकोट...
पाण्याअभावी संत्रा तोडून फेकण्याची वेळअमरावती  ः पाण्याअभावी संत्र्याचा अपेक्षित...
बोदवडला मका खरेदीसाठी मुहूर्त मिळेनाबोदवड, जि. जळगाव : येथील कृषी उत्पन्न बाजार...
सिल्लोड तालुक्यात विहिरींसाठी दोन...सिल्लोड, जि. औरंगाबाद : वैयक्तिक लाभाच्या...
नांदेड, परभणी, हिंगोलीत सव्वा लाख...नांदेड ः नांदेड, परभणी, हिंगोली जिल्ह्यांत...
पुणे बाजारात भाजीपाल्यांचे दर स्थिरपुणे ः गुलटेकडी येथील कृषी उत्पन्न बाजार...
कांदा पिकावरील फुलकिडीचे नियंत्रणकांदा पीक हे प्रामुख्याने खरीप, रब्बी हंगामात...
पशुसल्लासध्या महाराष्ट्रात सर्वच ठिकाणी कमी-जास्त...
नांदेड जिल्हा कर्जवाटपात मराठवाड्यात...नांदेड : जिल्ह्यात मुद्रा योजनेअंतर्गत १ लाख ५५...
कृषिपंप वीजजोडणीच्या प्रतीक्षेत पाचशेवर...देऊर, जि. धुळे : धुळे ग्रामीण उपविभागांतर्गत...
खानदेशातील ऊस गाळपात आर्यन शुगरने घेतली...जळगाव : खानदेशात सर्वाधिक तीन साखर कारखाने...
काजू बोंडापासून इथेनॉल, सीएनजी...पुणे  ः भविष्यातील इंधनाची टंचाई आणि आयात...