`कृषी सेवक भरती २९ जानेवारीच्या अध्यादेशानुसार राबवावी`

`कृषी सेवक भरती २९ जानेवारीच्या अध्यादेशानुसार राबवावी`

अकोला  ः शासनाच्या वतीने राज्यपालांच्या नावे २९ जानेवारीला प्रसिद्ध अधिसूचनेत कृषी सेवक भरती पात्रतेत पदविका व तत्सम असा बदल केल्यानंतर निर्माण झालेला संभ्रम शासनाच्या खुलाशाने काहीसा कमी झाला. मात्र राज्यात दरम्यानच्या काळात राबवली जात असलेली कृषी सेवक पदभरती प्रक्रिया ही २९ जानेवारीच्या अध्यादेशाचे पालन करूनच पूर्ण केली जावी, अशी मागणी पदविकाधारकांतर्फे भगवान मिसाळ यांनी कृषी आयुक्त तसेच नागपूर कृषी सहसंचालकांकडे केली आहे.

यासंदर्भात श्री. मिसाळ यांनी म्हटले की, कृषी विभागाअंतर्गत विभागीय कृषी सहसंचालक कार्यालयामार्फत कृषीसेवक पदासाठी जाहिरात देऊन ९०३ पदासाठी महापरीक्षा पोर्टलमार्फत पदभरती राबविण्यात आली. यासाठी २ फेब्रुवारीला कृषी सहसंचालक कार्यालयांनी जाहिराती दिल्या. त्यात शैक्षणिक पात्रता कृषी पदविका व पदविकेशी समतुल्य म्हणून मान्यता मिळालेली इतर कोणतीही अर्हता धारण करणारे विद्यार्थी कृषी सेवक पदासाठी अर्ज करू शकतील असा स्पष्ट उल्लेख आहे.

२९ जानेवारी २०१८ रोजी काढलेल्या अधिसूचनेत पदविकेचा अर्थ संविधानिक विद्यापीठ किंवा मंडळाची कृषी पदविका किंवा शासनाने त्याच्या समतुल्य म्हणून घोषित केलेली अन्य कोणतीही अर्हता असा आहे. मात्र प्रत्यक्षात अर्ज करताना पदवीधर विद्यार्थ्यांनी या पदासाठी अर्ज केले. त्यांना प्रवेशपत्र मिळाले आणि विभागीय कृषी सहसंचालक कार्यालयांनी जाहीर केलेल्या सर्वसाधारण गुणवत्ता यादीत पदवीधर उमेदवारांचा समावेश आहे. त्यामुळे स्पर्धा वाढून पदविकाधारक विद्यार्थ्यांचे मोठे नुकसान झाले आहे. 

शासन सेवेत कृषी पदविकाधारक विद्यार्थ्यांना एकमेव कृषीसेवक पदासाठी अर्ज करण्याची संधी आहे. १७ एप्रिल रोजी सर्व भरतीप्रक्रीया अंतिम टप्प्यात असताना शासनाने २९ जानेवारीच्या कृषी सहायक संवर्गाच्या सेवाप्रवेश नियम सुधारित केले. त्यात कृषी पदवीचा समावेश राहील असे पत्र काढले. प्रत्यक्षात पदभरती राबवत असताना अशी सूचना नव्हती. त्यामुळे ही सर्व पदभरती प्रक्रिया २९ जानेवारीच्या अध्यादेशानंतर आणि १७ एप्रिलपूर्वी राबवण्यात येत असल्याने अध्यादेशाचे पालन करून पूर्ण करावी, अशी मागणी पदविधारकांतर्फे श्री. मिसाळ यांनी केली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com