agriculture news in Marathi, agrowon, The Agriculture Commissioner will talk to the government on agricultural examination issue | Agrowon

कृषिसेवक परीक्षाप्रकरणी कृषी आयुक्त शासनाशी बोलणार
टीम अॅग्रोवन
बुधवार, 21 मार्च 2018

पुणे : कृषिसेवक पदाच्या ९०३ जागांसाठी घेण्यात आलेल्या ऑनलाइन परीक्षेत सामूहिक कॉपी झाल्याची तक्रार आल्यामुळे कृषी विभाग अस्वस्थ झाला आहे. ''परीक्षा प्रक्रियेतील संशयास्पद मुद्द्यांबाबत राज्य शासनाशी बोलणी करणार आहोत, असे आश्वासन कृषी आयुक्तांनी दिले आहे. 

पुणे : कृषिसेवक पदाच्या ९०३ जागांसाठी घेण्यात आलेल्या ऑनलाइन परीक्षेत सामूहिक कॉपी झाल्याची तक्रार आल्यामुळे कृषी विभाग अस्वस्थ झाला आहे. ''परीक्षा प्रक्रियेतील संशयास्पद मुद्द्यांबाबत राज्य शासनाशी बोलणी करणार आहोत, असे आश्वासन कृषी आयुक्तांनी दिले आहे. 

राज्य शासनाच्या महापरीक्षा पोर्टलने  १३ ते १५ मार्चदरम्यान कृषिसेवक पदासाठी ऑनलाइन परीक्षा घेताना उमेदवारांची बोगस ऑफलाइन बायोमेट्रिक हजेरी घेतली गेली, तसेच सामूहिक कॉपीदेखील झाल्याचा गंभीर आरोप उमेदवारांनी केला होता. राज्यातील परीक्षार्थींच्या वतीने दत्ता वानखेडे कृषी आयुक्त सच्चिंद्र प्रताप सिंह यांच्यासोबत चर्चा केली. "आधार संलग्न बायोमेट्रिक हजेरी न घेणे, परीक्षा हॉलमध्ये कोणत्याही विद्यार्थ्याला कोठेही बसण्यास परवानगी देणे आणि परीक्षा संपल्यानंतर हॉलतिकिट किंवा ओळखपत्रांच्या साक्षांकित प्रती उमेदवारांकडून जमा न करणे या सर्व संशयास्पद बाबींमुळे गुणवान विद्यार्थ्यांवर अन्याय होणार आहे, असे श्री. वानखेडे यांनी नमूद केले. 

कृषिसेवक परीक्षेत झालेल्या गोंधळाबाबत आम्ही महापरीक्षा पोर्टलशी संपर्क साधला असून, त्यांना विद्यार्थ्यांच्या निश्चित कोणत्या समस्यांना सामोरे जावे लागले याची माहिती हवी आहे, असे कृषी विभागाच्या वतीने या वेळी सांगण्यात आले. 

"परीक्षा देणाऱ्या कोणत्याही उमेदवारावर अन्याय होणार नाही, यासाठी आम्ही दक्षता घेऊ. मुळात महापरीक्षा पोर्टल ही खासगी संस्था नसून राज्य शासनाचाच तो एक भाग आहे. त्यामुळे पारदर्शकता व अचूकता अशा दोन्ही मुद्द्यांना पोर्टलकडून प्राधान्य दिले जाते. तथापि, याबाबत आम्ही राज्य शासनाशी सचिव स्तरावर संपर्क साधून सर्व माहिती देणार आहोत, असे आयुक्तांना स्पष्ट केले. परीक्षा हॉलमध्ये विद्यार्थी गटाने बसले असल्यास सीसीटीव्ही कॅमेऱ्यांमधील फुटेजची तपासणी केली जाईल, तसेच आधार संलग्न बायोमेट्रिक हजेरी का घेतली नाही, ओळखपत्राविना परीक्षेला प्रवेश कसा देण्यात आला, याचीदेखील चौकशी केली जाईल, असेही कृषी विभागाने स्पष्ट केले. 

कृषिसेवक पदाच्या ९०३ जागांच्या ऑनलाइन परीक्षेत सामूहिक कॉपी झाल्यामुळे चौकशी करून कठोर कारवाईची मागणी करणारे निवेदन आपण जिल्हाधिकारी सौरभ राव यांना दिले असून, ते मुख्यमंत्री कार्यालयाकडे पाठविण्यात आले आहे, असे श्री. वानखेडे यांनी सांगितले. 

इतर बातम्या
पुण्यात कांदा, लसूण, फ्लॉवरच्या दरात वाढपुणे  ः गुलटेकडी येथील कृषी उत्पन्न बाजार...
'आणखी साखर तयार कराल, तर खड्ड्यात जाल'विटा, जि सांगली : पाणी आले म्हणून साखरेचे...
शिपायाने घातला शेतकऱ्यांना २२ लाखांला...वर्धा : पशुसंवर्धन विभागाच्या अनुदानावरील...
धान्य पट्ट्यात २०१८मध्ये ४३ शेतकरी...भंडारा : सिंचन, पर्यायी आणि व्यवसायिक पद्धतीविषयी...
पुणे जिल्ह्यात चाराटंचाईचा प्रश्‍न गंभीरपुणे  : जिल्ह्यात पाणीटंचाईबरोबरच...
नांदेड जिल्ह्याला एक लाख क्विंटल...नांदेड : नांदेड जिल्ह्यात २०१९-२० मधील खरीप...
नांदेड जिल्ह्यात हमीभावाने ३८५७ क्विंटल...नांदेड : केंद्र शासनाच्या किंमत समर्थन मूल्य...
खानदेशात मे महिनाअखेरीस कापूस बियाणे...जळगाव  ः खानदेशात पूर्वहंगामी कापूस लागवड...
नांदेड विभागात ७८ लाख टन ऊस गाळपनांदेड : प्रादेशिक सहसंचालक (साखर) नांदेड...
गडहिंग्लज, चंदगड तालुक्यात दहा गावांत...गडहिंग्लज, जि. कोल्हापूर  : गडहिंग्लज आणि...
अनुकूल हवामानामुळे यंदा दर्जेदार...सांगली : यंदा बेदाणा निर्मितीसाठी अनुकूल हवामान...
एकतीस वर्षांतही संपले नाही गोसेखुर्द...भंडारा : राज्यकर्त्यांच्या निष्क्रीयतेमुळे...
शेती, शेतकऱ्यांचे हित जपणारे सरकार...फलटण, सातारा : ‘‘लोकसभा निवडणुकीकडे जगाचे...
बागायती कोल्हापूरचा दुष्काळग्रस्तांना...कोल्हापूर : पाणीटंचाईमुळे दूरवरून पाणी आणण्यासाठी...
नागपूर विभागातील प्रकल्पात  उरला १० टक्...नागपूर  : विभागातील मोठ्या प्रकल्पांमध्ये...
यवतमाळ जिल्ह्यात नाफेडची तूर खरेदी बंदयवतमाळ  : गेल्या दोन वर्षांपासून जिल्ह्यात...
माझे लक्ष्य विधानसभा निवडणूक : राज ठाकरेमुंबई : लोकसभेची निवडणूक लढविणार नाही, हे मी...
शेतकरी संघटनांच्या कार्यकर्त्यांवर...नाशिक : शेतकरी आंदोलनाचा केंद्रबिंदू राहिलेल्या...
जळगाव जिल्ह्यातील ६७ शाळांना सौर प्रकल्पजळगाव  ः  जिल्हा परिषद शाळांमधील...
नगर मतदारसंघात अठरा लाख मतदार बजावणार...नगर  : नगर मतदारसंघात १८ लाख ५४ हजार २४८...