agriculture news in Marathi, agrowon, Auction closed in Chopra Market Committee | Agrowon

चोपडा बाजार समितीत लिलाव बंद
टीम अॅग्रोवन
मंगळवार, 17 एप्रिल 2018

जळगाव  ः शहादा (जि. नंदुरबार) येथील बाजार समितीमधील अडतदारांवर हमीभावापेक्षा कमी दरात धान्याची खरेदी केल्याप्रकरणी व्यापाऱ्यांवर गुन्हे दाखल केल्याच्या निषेधार्थ सोमवारी (ता. १६) चोपडा (जि. जळगाव) येथील अडतदारांनी लिलाव बंद ठेवले. 

जळगाव  ः शहादा (जि. नंदुरबार) येथील बाजार समितीमधील अडतदारांवर हमीभावापेक्षा कमी दरात धान्याची खरेदी केल्याप्रकरणी व्यापाऱ्यांवर गुन्हे दाखल केल्याच्या निषेधार्थ सोमवारी (ता. १६) चोपडा (जि. जळगाव) येथील अडतदारांनी लिलाव बंद ठेवले. 

चोपडा येथे एकाही शेतकऱ्याची तक्रार नसताना व सद्यःस्थितीत हरभरा, दादरची आवक अधिक असताना अडतदारांनी बंद पाळणे म्हणजे शेतकऱ्यांना वेठीस धरण्याचा प्रकार असल्याची नाराजी शेतकरी कृती समितीने व्यक्त केली आहे. चोपडा बाजार समितीमध्ये प्रमुख १० अडतदार धान्याची खरेदी करतात. परंतु ही खरेदी सोमवारी बंद राहील्याने लिलावही झाले नाहीत. शेतकऱ्यांचा शेतीमाल किंवा धान्य तसेच पडून राहिले. तर काही शेतकऱ्यांनी आपला शेतीमाल विक्रीसाठी आणलाच नाही. 

कृती समितीची पदाधिकाऱ्यांशी चर्चा अडतदारांनी बंदची पूर्वसूचना दिल्यानंतर शेतकरी कृती समितीचे सदस्य एस. बी. पाटील व इतरांनी रविवारी (ता. १५) बाजार समितीचे सभापती जगन्नाथ पाटील व उपसभापती नंदकिशोर पाटील यांच्याशी चर्चा केली. अडतदारांनी बंद केला तर शेतीमालाची आवक रखडेल. शेतकरी किती दिवस घरी शेतमाल किंवा धान्य साठवू शकतात. सध्या सणासुदीचे दिवस आहेत. बाजार समितीमधील लिलाव बंद राहिले तर शेतकरी अडचणीत येतील. बंद मागे घेतला जावा, अशी अपेक्षा शेतकऱ्यांनी व्यक्त केली. 

अडतदारांना भीती
शहादा बाजार समितीत ज्या शेतकऱ्यांनी हमीभावापेक्षा कमी दरात हरभरा व इतर धान्याची खरेदी केली, त्यांच्यावर गुन्हे दाखल झाले. सध्या हरभरा व इतर धान्याला राष्ट्रीय बाजारात उठाव कमी असल्याने दरांवर दबाव आहे. अडतदार हमीभावात खरेदी करू शकत नाहीत, अशा स्थितीत कुणी तक्रार केली तर अडतदारच अडचणीत येतील, अशी भूमिका अडतदारांनी मांडल्याची माहिती मिळाली.

शेतकऱ्यांशीही चर्चा
शेतकरी कृती समिती व इतर शेतकऱ्यांनी अडतदारांनी बंद पुकारणे म्हणजे शेतकऱ्यांना वेठीस धरण्याचा प्रकार असल्याची नाराजी बाजार समिती पदाधिकाऱ्यांकडे व्यक्त केल्यानंतर अडत असोसिएशनचे अध्यक्ष सुनील जैन यांनी कृती समितीचे एस. बी. पाटील यांच्याशी मोबाईलवर संपर्क साधून चर्चा केली. आपला बंद हा लवकरच मागे घेतला जाईल, शेतकऱ्यांना अडचणीत आणण्याचा मुद्दाच नाही, अशी भूमिका जैन यांनी मांडल्याची माहिती एस. बी. पाटील यांनी दिली.

इतर ताज्या घडामोडी
नगर जिल्ह्यात ११५ टॅंकरद्वारे पाणीपुरवठानगर   : जिल्ह्यातील गाव-शिवारातील...
साताऱ्यात सोयाबीनच्या दरात सुधारणासातारा   ः जिल्ह्यात सोयाबीनच्या दरात...
गुंजवणी प्रकल्पाच्या ‘सुप्रमा’मधील अटीत...मुंबई   : पुणे जिल्ह्याच्या वेल्हे...
खपली गहू लागवडीचे सुधारित तंत्रगेल्या काही दशकांमध्ये कमी उत्पादकतेमुळे खपली गहू...
सुरळीत वीजपुरवठ्यासाठी परभणीत भजन आंदोलनपरभणी  ः महावितरणच्या बोबडे टाकळी (ता. परभणी...
सरकार `एफआरपी`साठी बांधिल, जादा दरासाठी...सोलापूर   ः ऊसदराच्या आंदोलनाने राज्यभर...
सोयापदार्थाच्या साह्याने कुपोषणाशी...कुपोषणाच्या समस्येशी सामना करण्यासाठी...
गिरणा धरणाचे पाणी जळगाव हद्दीत पोचलेजळगाव : रब्बी हंगामासाठी हतनूर धरणातून तीन, तर...
मालेगाव, सिन्नरसह आठ तालुक्यांत चारा...नाशिक : नाशिक जिल्ह्यात पावसाचे प्रमाण अत्यंत कमी...
परभणीत चारा, वैरणीच्या दरात सुधारणा परभणी : जिल्ह्यात उद्भवलेल्या दुष्काळी...
‘भीमा'तर्फे प्रतिटन शंभर रुपयांचे वाटपसोलापूर : टाकळी सिकंदर (ता. मोहोळ) येथील भीमा...
साताऱ्यात प्रतिदहा किलो वाटाण्यास १२००...सातारा : येथील कृषी उत्पन्न बाजार समितीत मंगळवारी...
खोटी आकडेवारी दाखवून गाळप परवाने घेतले...पुणे   : शेतकऱ्यांना `एफआरपी` दिल्याचे...
वाशीम जिल्ह्यात रब्बीची २४ टक्के पेरणीवाशीम   ः जिल्हा प्रशासनाला रब्बी हंगामातील...
नगरमध्ये गहू, हरभरा पिकांचे १५ हजार...नगर   ः जिल्ह्यात कृषी विभागाच्या विविध...
पुणे जिल्ह्यात पंधरा दिवसांत पाणीसाठा...पुणे : दुष्काळाच्या झळा वाढत असतानाच पुणे...
केळीच्या खेडा खरेदीबाबत भरारी पथकांची...जळगाव  ः खानदेशात केळीच्या खेडा खरेदीसंबंधी...
बोंड अळीच्या नुकसानीचे अनुदान...अकोला : अाधीच अनेक दिवसांपासून रखडलेले बोंड अळी...
नगर जिल्ह्यातील दहा लाख जनावरे...नगर  ः दुष्काळाच्या पाश्वर्भूमीवर लोकांना...
जत तालुक्यातील दुष्काळग्रस्तांना...सांगली  : जत तालुक्यातील शेतकरी दुष्काळाच्या...