जळगावात वांगी प्रतिक्विंटल १२०० ते २३०० रुपये

पाणीदार, कमी बिया व शुभ्र गर असे या गावांमधील वांग्यांचे वैशिष्ट्य असते. या गावांमधील वांग्यांना बाजार समितीमधील मोठ्या अडतदारांकडे विशेष मागणी राहिली.
वांगी
वांगी

जळगाव ः येथील कृषी उत्पन्न बाजार समितीमध्ये भरिताच्या वांग्याची आवक मागील आठवड्यात काहीशी वाढली. आवकेची सरासरी प्रतिदिन ३० क्विंटलपर्यंत आवक आहे, त्यास १२०० ते २३०० व सरासरी १६०० रुपये प्रतिक्विंटल दर आहेत.  दिवाळीपूर्वी भरिताच्या वांग्याची आवक सुरू होते. यंदा आवक वेळेत सुरू झाली. आवक बामणोद, भालोद (ता.यावल), आसोदे, भादली, विदगाव, डिकसाई (ता. जळगाव) आदी गावांमधून होत आहे. या गावांमध्ये परंपरेनुसार वांगी लागवड केली जाते. पाणीदार, कमी बिया व शुभ्र गर असे या गावांमधील वांग्यांचे वैशिष्ट्य असते. या गावांमधील वांग्यांना बाजार समितीमधील मोठ्या अडतदारांकडे विशेष मागणी राहिली. या महिन्याच्या सुरवातीला आवक काहीशी कमी होती. परंतु मागील आठवड्यात आवक वाढतच गेली. पुढील काळात आवकेत आणखी वाढ होईल, असे संकेत मिळाले आहेत.  बाजार समितीमध्ये मुगाची प्रतिदिन १५० क्विंटल सरासरी आवक आहे. दर ४००० ते ४५०० रुपये प्रतिक्विंटल आहेत. तर उडदाची आवक प्रतिदिन ८०० क्विंटल एवढी राहिली असून, दर सरासरी ४००० ते ४२०० रुपये प्रतिक्विंटल मिळाले. मागील आठवड्यात मुगाच्या आवकेत मोठी घट झाली. तर उडदाच्या आवकेतही घट होत असल्याचे बाजार समितीमधील सूत्रांनी सांगितले.  यासोबत कोथिंबीर, भेंडी व गवार यांच्या आवकेतही घट झाली. कोथिंबिरीला तर सरासरी ६५०० रुपये प्रतिक्विंटलचा दर मिळाला व आवक सरासरी सहा क्विंटल एवढी होती. हिवाळी भेंडीची आवक सुरू होत आहे. तिला एकच १८०० रुपयांपर्यंत दर मिळाला. गंगाफळा, पोकळ्याची आवक मात्र नगण्यच राहिली. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com