agriculture news in Marathi, agrowon, Bull work without owner | Agrowon

...जीव लावलाय मालकावरी
राजकुमार चौगुले
रविवार, 25 मार्च 2018

कोल्हापूर : ‘गेली सांगून ज्ञानेश्‍वरी, माणसापरीस मेंढरं बरी’ या गाण्याचे बोल ऐकले की मुक्‍या जनावरांच्या प्रामाणिकपणाचे चित्र उभे राहाते. या गाण्यातील ‘काय बोलत नाय, काय मागत नाय, जीव लावतंय मालकावरी’ या ओळी नक्कीच अंतर्मुख करणाऱ्या आहेत. अगदी या ओळी चपखल बसतील असा प्रामाणिकपणा आणि शिस्त औरवाडमधील एका ‘राज’ नावाच्या बैलाने जपली आहे. सुमारे दीड किलोमीटर अंतरावर असणाऱ्या शेतातून मालक नसतानाही चाऱ्याने भरलेली गाडी घरी आणण्याचे काम हा बैल गेल्या वर्षभरापासून नित्यनियमाने करीत आहे.

कोल्हापूर : ‘गेली सांगून ज्ञानेश्‍वरी, माणसापरीस मेंढरं बरी’ या गाण्याचे बोल ऐकले की मुक्‍या जनावरांच्या प्रामाणिकपणाचे चित्र उभे राहाते. या गाण्यातील ‘काय बोलत नाय, काय मागत नाय, जीव लावतंय मालकावरी’ या ओळी नक्कीच अंतर्मुख करणाऱ्या आहेत. अगदी या ओळी चपखल बसतील असा प्रामाणिकपणा आणि शिस्त औरवाडमधील एका ‘राज’ नावाच्या बैलाने जपली आहे. सुमारे दीड किलोमीटर अंतरावर असणाऱ्या शेतातून मालक नसतानाही चाऱ्याने भरलेली गाडी घरी आणण्याचे काम हा बैल गेल्या वर्षभरापासून नित्यनियमाने करीत आहे.

वैरण गाडीत भरली आणि त्याला निघण्याचा इशारा केला, की तो रस्त्याच्या एका बाजूने मार्गाक्रमण करण्यास सुरवात करतो. रहदारीचा रस्ता असला तरी इतर कोणत्याही वाहनाला अडचण न करता आपल्या ठरलेल्या मार्गाने हा बैल भरलेली वैरण धन्याच्या घरात सुखरूप पोच करतो. तेव्हा धन्याच्या चेहऱ्यावरही एक वेगळे समाधान पसरते. आजच्या युगात मनुष्यावरही विश्‍वास ठेवणे कठीण बनत असताना या बैलाची निरपेक्ष सेवा परिसरात चांगलीच चर्चेची ठरली आहे. येणाऱ्या जाणाऱ्यांना विश्‍वास बसणार नाही, अशा पद्धतीने बैलाचे चाललेले काम थक्क करून जाते. 

श्रीक्षेत्र नृसिंहवाडीपासून केवळ एक किलोमीटर अंतरावर असणारे औरवाड हे गाव. नृसिंहवाडी आणि औरवाडमध्ये फक्त नदीचेच अंतर आहे. या गावचे सरपंच अश्रफ पटेल यांची औरवाडमध्ये एकत्रित शेती आहे. यामुळे त्यांना दररोज जनावरांसाठी चारा आणावा लागतो. हे काम अनेक वर्षांपासून सुरू आहे. या अगोदरही त्यांची बैलजोडी होती. त्या बैलजोडीबरोबर हा बैलही जायचाच. कालांतराने ते बैल विकल्यानंतर याला जुंपण्यात आले. एक दोन वेळा गाडीच्या मागे चालत जाऊन बैल जातोय की नाही याचा प्रयोग करण्यात आला. तो यशस्वी झाल्यानंतर वैरण भरलेल्या गाडीबरोबर कुणीही जात नाही.

अनोखी पद्धत
पटेल कुटुंबीयांची शेती विविध ठिकाणी आहे. जर घरातून बैल जुंपून त्याला जाण्याचा इशारा केला, की मोकळी गाडी घेऊन बैल मळीच्या शेतात जातो आणि वैरण भरली की परत घरी येतो. इतर ठिकाणीही पटेल कुटुंबीयांची शेती आहे. मळी सोडून इतर ठिकाणची वैरण आणायची झाल्यास त्याच्या बरोबर एखादी व्यक्ती जाते. तिथे वैरण भररल्यांनतर मात्र पुन्हा हा बैल एकटा घराकडे येतो. कोणत्याही शेतातून हा बैल एकटा वैरण घेऊन येतो. 

आज प्रामाणिकपणा, निष्ठा याबाबी कमी होत आहेत. पण निष्ठेने कसे काम करायचे हे शिकायचे असेल तर आमचा ‘राज’ याचे मूर्तिमंत उदाहरण आहे. जनावरांकडूनही काही बाबी शिकण्यासारख्या असतात. हा बैल आमची प्रेरणा आहे. 
- अश्रफ पटेल, 
सरपंच, औरवाड, जि. कोल्हापूर

टॅग्स

इतर बातम्या
जिल्हा परिषदेतील कृषी अधिकारी यांना...मुंबई : जिल्हा परिषदेतील कृषी अधिकारी (गट-क...
सांगली जिल्ह्यात सेंद्रिय शेतमालाला हवी...सांगली जिल्ह्यामध्ये सेंद्रिय शेतीमाल विक्री...
नाशिक जिल्ह्यात सेंद्रिय शेतीची वाटचाल...नाशिक जिल्ह्यात सेंद्रिय शेतीचे तीन वर्षांपूर्वी...
मुंबईसह शेजारील शहरांत सेंद्रिय...मुंबईसह शेजारील शहरांमध्ये सेंद्रिय उत्पादनांना...
नाशिक, निफाड कारखाना भाड्याने देण्याचा...नाशिक : कर्जबाजारी व आर्थिक डबघाईमुळे गेल्या काही...
सातपुड्यातील लघू प्रकल्पांमध्ये अल्प...जळगाव : खानदेशात नंदुरबार, धुळे व जळगाव...
नाशिकला पहिल्यांदाच मशिनद्वारे...नाशिक : कांद्याची निर्यात करण्यासाठी कांदा...
तंत्रज्ञान शेतकरी स्नेही व्हायला हवे ः...औरंगाबाद : शेतीतील प्रश्न संपत नाहीत, कालपरत्वे...
प्रात्यक्षिकांनी सुधारित तंत्रज्ञानाचे...जालना : सुधारित तंत्रज्ञानाचा व नवीन वाणाच्या...
हिंगोली जिल्ह्यात एक लाख कुटुंबांना...हिंगोली ः केंद्र शासनाची महत्त्वाकांक्षी आयुष्मान...
परभणीत पीक कर्जवाटप प्रश्नी शेतकरी...परभणी ः जिल्ह्यातील शेतकऱ्यांच्या पीक कर्जवाटप...
म्हैसाळ योजना सुरू करण्यासाठी हालचाली...सांगली ः जिल्ह्यातील ताकारी आणि टेंभू उपसा सिंचन...
अकोला, बुलडाण्यात पीक कर्जवाटप ३०...अकोला  ः शेतकऱ्यांना खरीप हंगामासाठी पीक...
गोंदियातील कृषी सेवा केंद्रे लावणार...गोंदिया   ः जमिनीची गरज ओळखूनच खताची मात्रा...
साताऱ्यात पावसाअभावी पिके करपू लागलीसातारा  : जिल्ह्यात सुमारे एक महिन्यापासून...
नगर जिल्ह्यात पावसाअभावी कांदा लागवड...नगर  ः जिल्हाभरात पावसाअभावी कांदालागवड...
वाशीममध्ये रब्बीत हरभऱ्याचे क्षेत्र...वाशीम  ः या हंगामात जिल्ह्यात चांगला पाऊस...
खरेदी केंद्र सुरू करण्याच्या मागणीसाठी...सातारा  : शेतीमाल खरेदी केंद्रे त्वरित सुरू...
ऊसतोड मजूरांच्या मागण्यांबाबत लवादाची...मुंबई :  राज्यातील ऊसतोड मजूर व कामगारांच्या...
महसूल उत्पन्न सूत्राचे ऊसदरामध्ये...पुणे : महसुली उत्पन्न विभागणीनुसार राज्यातील...