शेतकऱ्यांच्या प्रश्नांसाठी तुम्ही कधीही बोलवा : हार्दिक पटेल

अकोला : सध्या शेतकरी, तरुण हे सर्वच त्रस्त अाहेत. तुम्ही मला शेतकऱ्यांच्या प्रश्नांसाठी कधीही बोलवा, मी या लढ्यात महाराष्ट्रातही काम करण्यास तयार अाहे. मला देशपातळीवरसुद्धा काही काम करायचे असेल तर सांगा, ती जबाबदारी स्वीकारू, असे अाश्वासन पाटीदार नेता हार्दिक पटेल यांनी स्वाभिमानी शेतकरी संघटनेचे रविकांत तुपकर यांच्याशी केलेल्या चर्चेदरम्यान दिले.   शुक्रवारी हार्दिक पटेल यांची अकोल्यात जाहीर सभा झाली. यावेळी स्वाभिमानीचे युवा नेते रविकांत तुपकर यांचीही उपस्थिती होती. कार्यक्रमापूर्वी या दोन तरुण नेत्यांमध्ये चर्चा झाली. यावेळी श्री. पटेल यांनी दूरध्वनीवरून खासदार राजू शेट्टींसोबत चर्चा केली.  तसेच शेतकऱ्यांच्या प्रश्नांवर लढाईसाठी जबाबदारी स्वीकारण्याची तयारी असल्याचे सांगितले.

विद्यमान सरकारने कुठलेही अाश्वासन पाळलेले नाही. यामुळे शेतकरी कमालीचा अडचणीत अाहे. महाराष्ट्रात शेतकऱ्यांच्या प्रश्नांवर स्वाभिमानी शेतकरी संघटना सत्तेतून दूर झाली याबाबत त्यांनी रविकांत तुपकर व स्वाभिमानी संघटनेचे खास कौतुक केले.

महाराष्ट्रातही गाजवणार सभा गुजरातमध्ये हजारोंच्या सभा गाजवून देशपातळीवर चर्चेत अालेल्या हार्दिक पटेलचे अागामी लक्ष महाराष्ट्रावर अाहे. हार्दिक यापुढील काळात शेतकऱ्यांच्या प्रश्नांवर राज्यात स्वाभिमानी शेतकरी संघटनेच्या व्यासपीठावरून मार्गदर्शन करणार अाहे. शुक्रवारी झालेल्या चर्चेत तुपकर यांनी हार्दिक यांना राज्यात सभा घेण्याचे अामंत्रण देताच तुम्ही जेव्हा जेव्हा बोलवाल त्यावेळी राज्यात येईल, असेही पटेल यांनी सांगितले.