agriculture news in marathi, agrowon celebrate 2018 as soil fertility year | Agrowon

'अॅग्रोवन'चे 'जमीन सुपिकता वर्ष २०१८'
टीम अॅग्रोवन
सोमवार, 1 जानेवारी 2018

पुणे : मातीचा घटलेला कस आणि मृतवत होत चालेल्या जमिनी, यामुळे शेती क्षेत्रापुढे एक मोठे आव्हान निर्माण झाले आहे. जमिनीचे ढासळते आरोग्य ही येत्या काळात एक प्रमुख समस्या असणार आहे. या समस्येची व्याप्ती व गांभीर्य लक्षात यावे आणि त्यावर मात करण्यासाठी नवी दिशा धुंडाळता यावी यासाठी ॲग्रोवन २०१८ हे वर्ष जमीन सुपिकता वर्ष म्हणून जाहीर करत आहे. ॲग्रोवनच्या या मोहिमेत राज्यभरातील शेतकऱ्यांनी सहभागी व्हावे, असे आवाहन करण्यात आले आहे.

पुणे : मातीचा घटलेला कस आणि मृतवत होत चालेल्या जमिनी, यामुळे शेती क्षेत्रापुढे एक मोठे आव्हान निर्माण झाले आहे. जमिनीचे ढासळते आरोग्य ही येत्या काळात एक प्रमुख समस्या असणार आहे. या समस्येची व्याप्ती व गांभीर्य लक्षात यावे आणि त्यावर मात करण्यासाठी नवी दिशा धुंडाळता यावी यासाठी ॲग्रोवन २०१८ हे वर्ष जमीन सुपिकता वर्ष म्हणून जाहीर करत आहे. ॲग्रोवनच्या या मोहिमेत राज्यभरातील शेतकऱ्यांनी सहभागी व्हावे, असे आवाहन करण्यात आले आहे.

जमिनीची सुपिकता या विषयाचे विविध पैलू या वर्षभरात उलगडून दाखवले जाणार आहेत. मृदाशास्त्र विषयातील तज्ज्ञ तांत्रिक मुद्यांविषयी मार्गदर्शन आणि प्रबोधन करणार आहेत. बातम्या, वृत्तमालिका आणि लेखांच्या माध्यमातून सरकारची धोरणं, निर्णय आणि योजनांची अंमलबजावणी यांची झाडाझडती घेतली जाणार आहे. तसेच प्रयोगशील शेतकऱ्यांच्या यशकथांमधून व्यावहारिक पातळीवर कृती करण्यासाठी प्रेरणा मिळणार आहे. खास इव्हेन्ट्स आणि तांत्रिक चर्चासत्रांची जोड त्याला असणार आहे. जमिनीचे आरोग्य सुधारण्यासाठी `ॲग्रोवन`ने हाती घेतलेल्या या मोहीमेत प्रत्यक्ष शेतकऱ्यांचा कृतिशील सहभाग महत्त्वाची भूमिका बजावणार आहे.

मातीच्या आरोग्यासाठी सर्वात महत्त्वाचा घटक म्हणजे मातीतील जिवाणूंचे प्रमाण. मातीतील सेंद्रिय कर्बाची उपलब्धता त्यासाठी निर्णायक ठरते. मातीमध्ये किमान पाच टक्क्यांपर्यंत सेंद्रिय कर्ब असणे आवश्यक असते, मात्र राज्यातील अनेक ठिकाणी सेंद्रिय कर्बाचे प्रमाण एक टक्क्यापेक्षाही कमी आहे. परिणामी रासायनिक खतांचा वापर करूनही पिकांची उत्पादकता घटत चालली आहे. जिवाणूंचा अभाव असेल तर मातीतील कोणतीही मूलद्रव्ये पिकांच्या मुळांपर्यंत पोचवण्याची क्रियाच होऊ शकत नाही.

देश अन्नधान्य उत्पादनात स्वयंपूर्ण झाला असून आता अन्नसुरक्षा नव्हे तर पोषणसुरक्षा हा मुद्दा केंद्रस्थानी ठेवून देशाच्या कृषी धोरणाची आखणी होत आहे. त्या दृष्टीने जमिनीची सुपिकता हा विषय ऐरणीवर आला आहे. कारण पिकांना जमिनीतून अपेक्षित प्रमाणात पोषणद्रव्यच मिळत नसल्यामुळे अन्‍नधान्य आणि फळ-भाज्यांमधील पोषणमूल्य रोडावले आहेत. म्हणूनच जमिनीच्या आरोग्याचा प्रश्न हा थेट मानवी आरोग्यावर मोठा आणि दीर्घकालीन परिणाम करणारा मुद्दा म्हणून पुढे आला आहे. त्यामुळे केवळ शेतकरीच नव्हे तर समाजाच्या सर्वच घटकांमध्ये या विषयाबद्दल जाणीवजागरण करणे आवश्यक आहे. त्या दृष्टीने टाकलेले पहिले पाऊल म्हणजे ॲग्रोवन जमीन सुपिकता वर्ष-२०१८.

वर्षभर जमिनीचे आरोग्य या विषयावर `ॲग्रोवन`च्या व्यासपीठावर जे मंथन होणार आहे, त्यातून ही समस्या सोडविण्यासाठी नवा कृतिकार्यक्रम आकाराला येणार आहे. सरकारच्या प्रयत्नांनाही त्यातून एक ठोस दिशा मिळेल. सामूहिक विचारशक्ती आणि लोकांच्या सहभागाचं बळ यांच्या जोरावर हा कृतिकार्यक्रम प्रत्यक्षात उतरावा, यासाठी ॲग्रोवन सर्वशक्तिनिशी प्रयत्न करेल, याची ही ग्वाही ठरावी.

इतर अॅग्रो विशेष
दक्षिण अशियात मॉन्सूनचा पाऊस सरासरी...पुणे : भारतासह दक्षिण आशियातील देशांच्या बहुतांशी...
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...
उन्हाचा चटका पुन्हा वाढण्याची शक्यतापुणे : मागील आठवड्यात झालेला पूर्वमोसमी वादळी...
सूर्य तळपताना छत करा दुरुस्तआठवड्यापूर्वी आलेल्या चांगल्या पावसाच्या अंदाजाने...
आयोगाचा कारभार प्रश्‍नचिन्हांकितप्रत्येक निवडणुकीची रीत न्यारी असते,...
पाणी व्यवस्थापनातून वाढविली कापसाची...आत्महत्याग्रस्त यवतमाळ जिल्ह्यातील अंबोडा (ता....
पाणी व्यवस्थापनातून नळावणे गावाची...अनेक वर्षांच्या पाणीटंचाईतून मुक्त होण्यासाठी...
डेरे यांनी उभारली अत्याधुनिक सिंचन...सातारा जिल्ह्यातील कवठे येथील अतुल डेरे यांनी...
‘आर्टिफिशियल इंटिलिजन्स’कडे आयटी...‘आर्टिफिशियल इंटिलिजन्स’ हेच येत्या काळातील...
पाणी व्यवस्थापनातून ग्रामविकासपाण्यासाठी कायम संघर्ष करीत असलेल्या कान्होळ (जि...
अवघी कारभारवाडी झाली ठिबकमयकोल्हापूर जिल्ह्यातील कारभारवाडी (ता. करवीर) येथे...
सर्वाधिक ६५० शेततळ्यांचं अजनाळेसोलापूर जिल्ह्यातील सांगोला तालुका दरवर्षीच...
अल्पभूधारकांच्या आयुष्यात जलश्रीमंती बुलडाणा जिल्ह्यात जानेफळ परिसरात शासनाच्या...
सत्तावीस गटांच्या बळातून घडली किमयासंगमनेर (जि. नगर) तालुक्यातील सावरगाव तळ...