agriculture news in marathi, Agrowon, Cold storage chain | Agrowon

'फार्म ते मार्केट' शीतगृहांची साखळी उभारण्याची मागणी
ज्ञानेश उगले
मंगळवार, 12 सप्टेंबर 2017

नाशिक : फलोत्पादनात महाराष्ट्र देशात अग्रेसर असताना फळबागांच्या विकासासाठी मात्र केंद्र व राज्य पातळीवर ठोस धोरण नाही. द्राक्ष, आंबा, सीताफळ, पेरू, काजू, स्ट्रॉबेरी, केळी यासह सर्व फळांच्या पीक नियोजनापासून ते ब्रॅण्डींगपर्यंत शासनाने साह्य करावे. विशेष म्हणजे ''फार्म ते मार्केट'' अशी शीतगृहांची साखळी उभारावी, काढणीनंतर होणाऱ्या ३५ टक्के नुकसानीसाठी उपाय योजना कराव्यात अशा विविध मागण्या राज्यातील फळांच्या संघटनांच्या प्रतिनिधींनी सोमवारी (ता.११) सह्याद्री फार्मस नाशिक येथे आयोजित केलेल्या बैठकीत केल्या.

नाशिक : फलोत्पादनात महाराष्ट्र देशात अग्रेसर असताना फळबागांच्या विकासासाठी मात्र केंद्र व राज्य पातळीवर ठोस धोरण नाही. द्राक्ष, आंबा, सीताफळ, पेरू, काजू, स्ट्रॉबेरी, केळी यासह सर्व फळांच्या पीक नियोजनापासून ते ब्रॅण्डींगपर्यंत शासनाने साह्य करावे. विशेष म्हणजे ''फार्म ते मार्केट'' अशी शीतगृहांची साखळी उभारावी, काढणीनंतर होणाऱ्या ३५ टक्के नुकसानीसाठी उपाय योजना कराव्यात अशा विविध मागण्या राज्यातील फळांच्या संघटनांच्या प्रतिनिधींनी सोमवारी (ता.११) सह्याद्री फार्मस नाशिक येथे आयोजित केलेल्या बैठकीत केल्या.

नाशवंत शेतमालाच्या संदर्भात करावयाच्या उपाय योजना सुचविण्यासाठी राज्य शासनाच्या सहकार व पणन खात्याने विशेष समिती गठीत केली आहे. या समितीने राज्यातील सर्व प्रमुख फळ संघांच्या प्रतिनिधींशी संवाद साधला. समितीने राज्यातील फळांच्या बाबतीतील समस्या ऐकून घेतल्या.

या वेळी राज्य कृषिमूल्य आयोगाचे तसेच समितीचे अध्यक्ष पाशा पटेल, पणन मंडळाचे कार्यकारी संचालक सुनील पवार, सह्याद्री फार्मर्स प्रोड्युसर कंपनीचे अध्यक्ष विलास शिंदे, अखिल भारतीय द्राक्ष बागाईतदार संघाचे अध्यक्ष सोपान कांचन, प्रभाकर चांदणे, नाशिक बाजार समितीचे सभापती शिवाजी चुंबळे उपस्थित होते.

बागायतदारांच्या मागण्या
- शेतमालाची ''फार्म ते मार्केट'' शीतगृहांची साखळी उभारा
- प्रक्रिया व शीतगृह योजनेला गती द्या
- सहज व सुलभ वीजपुरवठा व्हावा
- फळांच्या निर्जलीकरणावर भर द्या
- तालुकास्तरावर तसेच महामार्गावर विक्री केंद्र उभारावेत
- रोगप्रतिकारक व उत्पादनक्षम वाणांची आयात करावी
- जागतिक प्रदर्शनात फळांचे ब्रॅण्डींग व्हावे. रेल्वे व्यवस्था सुलभ व
   अनुकूल व्हावी.
- कोकाकोला सारख्या कार्बोनेट ड्रींक्‍सची निर्मिती करावी.
- ज्यूस, उपपदार्थ निर्मितीवर भर द्यावा.
- पीक नियोजनासाठी सरकारने पुढाकार घ्यावा. बिगबाजार सारख्या  कंपन्यांना शेतमालासाठी बंधन घालावे.
- केळीच्या बाजारातील फसवणुकीला आळा घालावा.
- अमूलच्या धर्तीवर राज्याचा फलोत्पादनाचा एकच ब्रॅण्ड तयार करावा.
- बाजार समित्यांतील शेतमालाच्या माहितीचे विश्‍लेषण करणारी यंत्रणा असावी.

नाशवंत शेतमालाच्या हाताळणीत ३५ टक्के नुकसान होते. या स्थितीत शासनाच्या सहकार व पणन विभागाने उपाय योजना सुचविण्यासंदर्भात समितीची स्थापना केली आहे. या समितीच्या दोन बैठका पुण्यात झाल्या असून तिसरी बैठक नाशिकला सह्याद्री फार्मवर शेतकऱ्यांच्या समवेत होत आहे. यानंतर विदर्भ, मराठवाडा, कोकण या विभागात बैठका होतील. यात थेट उत्पादकांशी संवाद होत असल्याने शेतकऱ्यांच्या नेमक्‍या समस्या समितीसमोर येत आहे.
- पाशा पटेल, अध्यक्ष - राज्य कृषिमूल्य आयोग

 

इतर अॅग्रो विशेष
मराठवाड्यातील ८६४ प्रकल्पांत ३३ टक्‍केच...औरंगाबाद : मराठवाड्यातील पाणीसाठ्यांमधील उपयुक्‍त...
ऊस ठिबक योजनेसाठी लेखापरीक्षकाची नेमणूक पुणे : राज्यात ऊस लागवडीसाठी ठिबक अनुदान...
इथेनॉलमधील फरक ओळखण्यासाठी यंत्रणानवी दिल्ली ः देशात तीन प्रकारच्या मोलॅसिसपासून...
‘ग्लायफोसेट’वर बंदी नाहीपुणे : मानवी आरोग्याला धोकादायक असल्याचा कोणताही...
विदर्भात पावसाची दमदार हजेरीपुणे : बंगालच्या उपसागरातील ‘दाये’ वादळाने बाष्प...
बचत गटांतून मिळाली विकासाला उभारीअस्तगाव (ता. राहाता, जि. नगर) हा तसा सधन परिसर....
कांदाचाळीसाठी सव्वाशे कोटींचा निधीनगर  ः एकात्मिक फलोत्पादन विकास...
शेती, आरोग्य अन्‌ शिक्षणाचा जागरगावाच्या शाश्वत विकासासाठी शेती, आरोग्य, शिक्षण...
महाराष्ट्राची सिंचनक्षमता आता 40 लाख...मुंबई - शेतीयोग्य जमिनीतील केवळ 18 टक्‍के...
देशात ऊस लागवड 51.9 लाख हेक्टरवरनवी दिल्ली ः मागील वर्षी अतिरिक्त साखर...
देशातील कृषी संशोधन व्यवस्था खिळखिळी...पुणे: केंद्र सरकारने देशातील १०३ पैकी ६१...
मराठवाड्यात ३५ टक्के खरिप पीककर्ज वाटपऔरंगाबाद : मराठवाड्यात खरीप पीककर्ज वाटप...
सुधारित तंत्राद्वारे केली केळी शेती...ब्राह्मणपुरी (ता. शहादा, जि. नंदुरबार) येथील...
पाणी अडवले, पाणी जिरवले पाण्याचे संकट...नांदेड जिल्ह्यातील तालुक्याचे ठिकाण असलेल्या...
राज्यात पाच कीटकनाशके विक्रीला दोन...अकोलाः राज्यात कीटकनाशक फवारणीद्वारे विषबाधा...
उत्तर महाराष्ट्र, उत्तर कोकणात...पुणे : बंगालच्या उपसागरातील ‘दाये’ चक्रीवादळाने...
अकोला कृषी विद्यापीठात ड्रोनद्वारे...नागपूर ः ड्रोनद्वारे फवारणीचा राज्यातील पहिला...
विदर्भात आज अतिवृष्टीचा इशारा पुणे ः बंगालच्या उपसागरात तयार झालेल्या कमी दाब...
राज्यातील १७ जिल्हे दुष्काळाच्या छायेतमुंबई ः राज्यात मॉन्सूनचे आगमन झाल्यानंतर अनेक...
प्रयत्नवादातून उभारलेला बेकर्स वेव्ह...वडगाव मावळ तालुक्यातील (जि. पुणे) दिवड येथील...