agriculture news in Marathi, agrowon, District Banks The pressures on societies for recovering | Agrowon

जळगाव जिल्हा बॅंकेचा वसुलीसाठी सोसायट्यांवर दबाव
टीम अॅग्रोवन
गुरुवार, 29 मार्च 2018

जळगाव  ः पीककर्जाच्या वसुलीसाठी धुळे व जळगाव जिल्हा मध्यवर्ती सहकारी बॅंकांनी कर्ज वितरणातील मध्यस्थ असलेल्या विविध कार्यकारी सहकारी सोसायट्यांवर दबाव आणला आहे. तोंडी स्वरूपात बॅंक अधिकारी आपल्या अखत्यारीमधील सोसायट्यांच्या सचिव व पदाधिकाऱ्यांना वसुलीसाठी सूचना देत असल्याची माहिती मिळाली. 

जळगाव  ः पीककर्जाच्या वसुलीसाठी धुळे व जळगाव जिल्हा मध्यवर्ती सहकारी बॅंकांनी कर्ज वितरणातील मध्यस्थ असलेल्या विविध कार्यकारी सहकारी सोसायट्यांवर दबाव आणला आहे. तोंडी स्वरूपात बॅंक अधिकारी आपल्या अखत्यारीमधील सोसायट्यांच्या सचिव व पदाधिकाऱ्यांना वसुलीसाठी सूचना देत असल्याची माहिती मिळाली. 

तसेच कर्जमाफीच्या लाभाथींकडून कुठलेही व्याज आकारू नये, असा निर्णय राज्य शासनाने जारी केलेला असला, तरी विविध कार्यकारी सोसायट्या सहा महिन्यांच्या व्याजाची आकारणी शेतकऱ्यांकडून करीत आहेत. नियमित कर्ज भरण्याची मुदत ३१ मार्च असून, आता फक्त तीनच दिवस राहिल्याने सोसायट्याही वसुलीबाबत सक्रिय झाल्या आहेत. 

सचिव शेतकऱ्यांच्या दारापर्यंत वसुलीसाठी पोचू लागले आहेत. एका सचिवाकडे दोन ते तीन गावे असल्याने रात्री उशिरापर्यंत सचिव वसुली करीत आहेत. कुठेही सक्‍ती नाही; परंतु कर्मचारी शेतकऱ्यांच्या दारापर्यंत पोचू लागल्याने शेतकऱ्यांच्या अडचणी वाढल्या आहेत. जिल्ह्यातील १० तालुक्‍यांमध्ये दुष्काळी स्थिती होती. धुळ्यातही शिरपूर, धुळे, साक्री, शिंदखेडा भागात दुष्काळी स्थिती व कापसावरील गुलाबी बोंड अळीने शेतकरी अडचणीत आले. कापूस पीक परवडले नाही.

आर्थिक अडचणी वाढल्या व कर्जबाजारी व्हावे लागले आहे. खानदेशात कापूस उत्पादकच अधिक असून, त्यांच्याकडून वसुली करू नये, असे शेतकऱ्यांचे म्हणणे आहे. धुळे जिल्हा बॅंकेने सुमारे ४०० कोटी कर्ज वितरण केले होते. यातील निम्मेच वसूल झाले आहे; तर जळगाव जिल्हा बॅंकेने सुमारे १२०० कोटी रुपये पीककर्ज वितरित केले होते. यातील निम्मेच कर्ज वसूल झाल्याची माहिती जिल्हा उपनिबंधक कार्यालयाकडून मिळाली. 

दोन दरांमुळे कापूस उत्पादकांना फटका
पूर्वहंगामी कापूस उत्पादकांना गुलाबी बोंड अळीचा फटका बसला. आता कापूस विक्री करताना व्यापारी दोन दर सांगत आहेत. फरदडला ३५०० व पहिल्या वेचणीच्या कापसाला सुमारे पाच हजार रुपये प्रतिक्विंटलचा दर व्यापारी किंवा खेडा खरेदीदार देत असून, आर्थिक नुकसानामुळे शेतकरी आपला कापूस विक्री करीत नाहीत. त्यामुळे अनेक शेतकरी कर्ज भरू शकलेले नाहीत. यातच वसुलीची प्रक्रिया बॅंका राबवू लागल्याने शेतकरी आणखी अडचणीत आले आहेत. 

कर्जमाफीच्या लाभार्थ्यांकडून व्याज आकारू नये, असे आदेश शासनाने दिले आहेत; परंतु जिल्हा बॅंक हे आदेश जुमानत नाही. मनमानी पद्धतीने सोसायट्या वसुली करीत आहेत. जे कर्ज भरायला तयार झाले, त्यांची कोंडी करण्याची, अडचणी वाढविण्याची पद्धत जिल्हा बॅंकेने सुरू केली आहे. 
- एस. बी. पाटील, 
शेतकरी कृती समिती, चोपडा, जि. जळगाव

माझा कापूस व्यापारी दोन दरांत मागत असून, सध्या खरेदीही फारशी नाही. त्यामुळे जिल्हा बॅंकेचे कर्ज भरू शकत नाही. एप्रिल किंवा मे महिन्यात कर्ज भरीन; परंतु एप्रिलमध्ये कर्ज भरताना दंड, अधिक व्याज आकारू नये. कर्ज भरण्यास मुदतवाढ दिली जावी. जे शेतकरी मे व जूनमध्ये कर्ज भरतील, त्यांनाही नियमित कर्जदारांमध्ये समाविष्ट केले जावे. 
- उत्तम पाटील, 
शेतकरी, रेल, ता. धरणगाव (जि. जळगाव)

इतर ताज्या घडामोडी
कृषी सल्ला : ऊस, कापूस, उन्हाळी भुईमूग...हवामान अंदाज - शुक्रवार - शनिवारी (ता. २६ - २७)...
द्राक्ष बागेचे वाढत्या तापमानातील...नव्या आणि जुन्या द्राक्ष बागांचा विचार केला असता...
ऑस्ट्रेलियातील सुपरमार्केटची दुष्काळाशी...ऑस्ट्रेलियातील एका सुपर मार्केटने दुष्काळाशी...
गोदावरीत प्रदूषण केल्यास होणार कारवाईनाशिक : नाशिक शहरातून वाहणाऱ्या गोदावरी...
सोलापुरात टंचाई निवारणाचा भार...सोलापूर : सोलापूर जिल्ह्याचा ग्रामीण भाग...
खानदेशात पपईला उन्हासह पाणीटंचाईचा फटकानंदुरबार : खानदेशात या हंगामात पपई लागवड कमी...
जळगावात पांढऱ्या कांद्याच्या आवकेत घटजळगाव  : कृषी उत्पन्न बाजार समितीमध्ये...
सांगली बाजारसमितीत हळद, गुळाची उलाढाल ...सांगली ः व्यापाऱ्यांना सेवाकराच्या नोटिसा...
नगर जिल्ह्यात छावण्यांवर दर दिवसाला...नगर  : नगर जिल्ह्यामध्ये दुष्काळात पशुधन...
सातारा जिल्ह्यात पाणीटंचाई होतेय तीव्रसातारा ः जिल्ह्यात दिवसेंदिवस पाणीटंचाई तीव्र होत...
पुणे जिल्ह्यासाठी २६ हजार ५७३ क्विंटल...पुणे  ः खरीप हंगाम सुरू होण्यास एक ते दीड...
तंटामुक्‍त गाव अभियानाला चंद्रपुरात...चंद्रपूर : शांततेतून समृद्धीकडे जाण्याचा...
अमरावतीत तुर चुकाऱ्यासाठी हवे ८७ कोटी;... अमरावती : चुकाऱ्यांसाठी यंदा शेतकऱ्यांना...
शेतीच्या दृष्टीने सरकारचा कारभार...नाशिक : अगोदरचा कालखंड व ही पाच वर्षे यात...
अमरावतीतून ९१ विहिरी अधिग्रहणाचे...अमरावती  ः सरासरीपेक्षा कमी पाऊस झाल्यामुळे...
शिल्लक एफआरपी मिळत नसल्याने साताऱ्यातील...सातारा  : अजिंक्यतारा कारखान्याचा अपवाद...
कांदा दर वाढले, तेव्हा भाजपने विरोध...नाशिक   ः कृषिमंत्री असताना मी...
'मतदान झालेल्या दुष्काळी भागात ...मुंबई  ः लोकसभेच्या मतदानाच्या तीन...
उच्चांकी मतदानामुळे कोल्हापूर मतदारसंघ...कोल्हापूर  : राज्याच्या तुलनेत कोल्हापूर...
अकोल्यात तूर प्रतिक्विंटल ४२०० ते ५४००...अकोला ः स्थानिक कृषी उत्पन्न बाजार समितीत...