agriculture news in Marathi, agrowon Diwali magazine publication, Pune | Agrowon

शेतकऱ्यांना प्रक्रिया उद्योग, निर्यातदारांशी जोडावे : विकास दांगट
रमेश जाधव
मंगळवार, 17 ऑक्टोबर 2017

आधुनिक तंत्रज्ञान वेगाने विकसित होत आहे. चक्क प्रयोगशाळेत मांस, अंडी, दूध निर्माण करण्यात यश मिळाले आहे. जगात काय घडतेय याची खिडकी शेतकऱ्यांना उघडून देण्याचा प्रयत्न ‘ॲग्रोवन’च्या दिवाळी अंकातून केला आहे.
- आदिनाथ चव्हाण, संपादक, अॅग्रोवन

पुणे ः ‘‘स्टार्चचे प्रमाण निम्म्यापेक्षा कमी असणारा तांदूळ, मधुमेही रुग्णांनाही चालू शकेल अशी साखर आणि ग्लुटेनचे प्रमाण ८ टक्क्यांनी कमी असणारा गहू विकसित करण्यात यश मिळाले आहे. आरोग्यदायी व सत्त्वयुक्त अन्न ही खूप मोठी बाजारपेठ आहे. त्यादृष्टीने छोट्या शेतकऱ्यांना प्रक्रिया उद्योग व निर्यातदारांशी थेट जोडण्याची गरज आहे, तरच शेती शाश्वत होईल,’’ असे मत एस. व्ही. ग्रुप ऑफ कंपनीजचे संचालक विकास दांगट यांनी व्यक्त केले. 

‘ॲग्रोवन’च्या दिवाळी अंकाचे प्रकाशन त्यांच्या हस्ते रविवारी (ता. १५) कंपनीच्या अन्नप्रक्रिया प्रकल्पस्थळी झाले, त्या वेळी ते बोलत होते. या वेळी ‘ॲग्रोवन’चे संपादक आदिनाथ चव्हाण, सरव्यवस्थापक प्रमोद राजेभोसले, वितरण व्यवस्थापक चंद्रशेखर जोशी, एस. व्ही. ग्रुपच्या संचालक वैशाली दांगट, इंग्लंडमधील उद्योजक मॉॅटी व्होरा आदी उपस्थित होते.   

‘‘देशाचा जीडीपी वाढवायचा असेल तर कृषी निर्यात वाढल्याशिवाय पर्याय नाही. स्वयंचलित वाहन उद्योग व इतर उद्योगांची पीछेहाट होत असून, भविष्यात शेती आधारित उद्योगच प्रमुख स्थानावर असतील,’’ असे दांगट म्हणाले. आधुनिक तंत्रज्ञान उपलब्ध झाल्यामुळे शेतीमालाची टिकवणक्षमता वाढली आहे, त्यामुळे शेतकऱ्यांना एकात्मिक साखळीच्या माध्यमातून प्रक्रिया उद्योग, निर्यादारांशी थेट जोडले पाहिजे, असे त्यांनी स्पष्ट केले. कीटकनाशकांच्या अतिरेकी वापरामुळे पर्यावरणाचे प्रश्न निर्माण झाले असून, शेतकरीही अडचणीत आले आहेत. त्यामुळे पीक संरक्षणासाठी जैविक उपाय योजनांवरच लक्ष केंद्रित केले पाहिजे, असेही ते म्हणाले. 

माध्यमांनी केवळ समकालीन विषयच हाताळून भागणार नाही, तर भविष्यात कोणत्या आव्हानांचा सामना करावा लागेल याचेही दिशादर्शन करण्याची गरज आहे, असे आदिनाथ चव्हाण यांनी सांगितले. ते म्हणाले, ‘‘भविष्यात नेमके काय येऊ घातलेय याचे भान सध्या शेतकरी समाजाला आणि धोरणकर्त्यांनाही नाही. आर्टिफिशिअल इंटेलिजन्ससारख्या तंत्रज्ञानामुळे शेतीचा सगळा पटच बदलून जाणार आहे. तसेच, रोजगारनिर्मितीच्या संदर्भात अनेक प्रश्नही निर्माण होणार आहेत. आधुनिक तंत्रज्ञान वेगाने विकसित होत आहे. चक्क प्रयोगशाळेत मांस, अंडी, दूध निर्माण करण्यात यश मिळाले आहे. जगात काय घडतेय याची खिडकी शेतकऱ्यांना उघडून देण्याचा प्रयत्न ‘ॲग्रोवन’च्या दिवाळी अंकातून केला आहे.’’

महाराष्ट्रातील शेतकऱ्यांना नव्या जगाचे भान देण्यासाठी हा दिवाळी अंक उपयुक्त ठरेल, असा विश्वास त्यांनी व्यक्त केला. 
प्रमोद राजेभोसले यांनी प्रास्ताविक व स्वागत केले. 

भविष्यातील शेतीचा वेध
भविष्यातल्या शेतीचे नेमके स्वरूप आणि रूपडे कसे असेल ही यंदाच्या ‘ॲग्रोवन’च्या दिवाळी अंकाची थीम आहे. क्लायमेट चेंज आणि तंत्रज्ञानातील अचाट प्रगती यामुळे शेतीचा सगळा पटच बदलू पाहत आहे. त्यात शेतकऱ्याचे स्थान, नवी आव्हाने, देश-विदेशांतील घडामोडी, राजकीय- सामाजिक पातळीवर उमटणारे पडसाद, पर्यावरणाचे प्रश्न आणि या साऱ्यांना सामोरे जाण्यासाठी नेमकी भूमिका काय असावी, याचा वेध या अंकात घेतला आहे. दोन दिवसांत हा अंक राज्यात सर्वत्र उपलब्ध होईल.

इतर अॅग्रो विशेष
कोकण, दक्षिण- मध्य महाराष्ट्रात आज... पुणे : पश्‍चिम मध्य प्रदेश, मध्य महाराष्ट्र आणि...
जपानमधील शहरी शेतीजपान हे हजारो बेटांपासून तयार झालेले एक विकसित...
कुठे दिलासा, कुठे चिंताराज्यातील शेतकरी परतीच्या पावसाची वाट पाहून थकला...
नाशिक जिल्ह्यातील काही भागाला अवकाळी...नाशिक : नाशिक जिल्ह्यातील अनेक भागात सोमवारी...
सांगलीत वादळी पावसाने द्राक्षबागांचे...सांगली ः द्राक्षाला दर चांगले मिळतील म्हणून लवकर...
अॅग्रोवन सरपंच महापरिषद शनिवारपासून...पुणे  : कृषी, ग्रामविकास आणि जलसंधारण...
अवकाळी पावसाचा पुन्हा तडाखापुणे  ः दक्षिण महाराष्ट्र, मध्य महाराष्ट्र,...
दुष्काळग्रस्तांना मदत, आरक्षणावरून...मुंबई   ः मराठा, मुस्लिम आणि धनगर आरक्षण...
गोड धाटाच्या ज्वारीपासून इथेनॉल नव्हे,...सध्या पेट्रोलसाठी पर्याय म्हणून इथेनॉल...
पिकते तिथेच करा प्रक्रियाहरितक्रांतीच्या काळात देशात साधनसंपत्ती विपुल...
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
वादळी पावसाचा दणकापुणे : कोल्हापूर, सातारा, सांगली जिल्ह्यांत...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
आयटी क्षेत्रातील नोकरीपेक्षा हिरव्या...शेतीतील विविध संकटांमुळे युवक शेती सोडून नोकरी,...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
पर्यायी चाऱ्यासाठी काटे विरहित निवडूंगमुरमाड, कुरण जमिनी, वालुकामय जमिनी तसेच शेती बांध...
ऊसतोडणीचे काम थांबवले शेतीतून नवी उमेद...शिरूर कासार (जि. बीड) या दुष्काळी तालुक्‍यातील...