agriculture news in Marathi, agrowon, Drought relief for 2017 villages in Parbhani and Nanded districts | Agrowon

परभणी, नांदेड जिल्ह्यांतील २०१७ गावांना दुष्काळाच्या सवलती
टीम अॅग्रोवन
शुक्रवार, 23 मार्च 2018

परभणी : २०१७-१८ च्या खरीप हंगामातील पिकांची अंतिम पैसेवारी ५० पैशांपेक्षा कमी आलेल्या परभणी जिल्ह्यातील सर्व नऊ तालुक्यांतील ८४९ गावांना आणि नांदेड जिल्ह्यातील १० तालुक्यांतील १,१६८ गावांना अशा दोन जिल्ह्यांतील एकूण २०१७ गावांना दुष्काळी भागासाठी असलेल्या सहकारी कर्जाचे पुनर्गठन, शेतीशी निगडित कर्जवसुलीस स्थगिती, कृषी पंपाच्या वीजबिलात सूट आदी सवलती जाहीर करण्यात आल्या आहेत.

परभणी : २०१७-१८ च्या खरीप हंगामातील पिकांची अंतिम पैसेवारी ५० पैशांपेक्षा कमी आलेल्या परभणी जिल्ह्यातील सर्व नऊ तालुक्यांतील ८४९ गावांना आणि नांदेड जिल्ह्यातील १० तालुक्यांतील १,१६८ गावांना अशा दोन जिल्ह्यांतील एकूण २०१७ गावांना दुष्काळी भागासाठी असलेल्या सहकारी कर्जाचे पुनर्गठन, शेतीशी निगडित कर्जवसुलीस स्थगिती, कृषी पंपाच्या वीजबिलात सूट आदी सवलती जाहीर करण्यात आल्या आहेत.

परभणी जिल्ह्यामध्ये एकूण ८५३ गावांपैकी बलसा (ता. परभणी) या गावाचे कृषी क्षेत्र विद्यापीठासाठी तर करजखेडा (ता. सेलू), चौधरणी खुर्द, लिंबाळा (ता. जिंतूर) या गावांचे कृषी क्षेत्र धरणासाठी संपादित झाल्यामुळे एकूण ८४९ गावे पैसेवारीसाठी पात्र आहेत. परभणी जिल्ह्यातील एकूण लागवडीयोग्य क्षेत्र ५ लाख ८३ हजार ३७८ हेक्टरपैकी २०१७-१८ खरीप हंगामात ५ लाख ५१ हजार २४ हेक्टवर पेरणी झाली, तर ३२ हजार ४४३.९५ हेक्टर क्षेत्र नापेर (पडिक) राहिले होते. जिल्ह्यात सरासरी ५४६ मिलिमीटर म्हणजेच वार्षिक सरासरीच्या ७०.३ टक्के पाऊस झाला. त्यामुळे मूग, उडीद, सोयाबीन, ज्वारी, बाजरी पिकांच्या उत्पादनात मोठी  घट आल्याचे पीक कापणी प्रयोगावरून स्पष्ट झाले. 

गुलाबी बोंड अळीच्या प्रादुर्भावामुळे कपाशीच्या उत्पादनात मोठी घट आली. परिमाणी जिल्ह्याची अंतिम पैसेवारी सरासरी ४३.६७ पैसे आली. अंतिम पैसेवारी ५० पैशांपेक्षा कमी आलेल्या गावांमध्ये परभणी तालुक्यातील १३१, जिंतूर तालुक्यातील १६९, सेलू तालुक्यातील ९४, मानवत तालुक्यातील ५४, पाथरी तालुका ५८, सोनपेठ तालुक्यातील ६०, गंगाखेड तालुक्यातील १०६, पालम तालुक्यातील ८२, पूर्णा तालुक्यातील ९५ असे नऊ तालुक्यांतील ८४९ गावांचा समावेश आहे. जिल्हाधिकारी पी. शिवशंकर यांनी बुधवारी (ता. २१) या गावांमध्ये दुष्काळाच्या सवलतीसह विविध उपाययोजनांची अमंलबजावणी करण्याचे आदेश दिले.

कमी पावसामुळे खरीप पिकांच्या उत्पादनात घट झाल्यामुळे नांदेड जिल्ह्यातील १६ पैकी १० तालुक्यातील १,१६८ गावांची खरिपाची अंतिम पैसेवारी ५० पैशांपेक्षा कमी आली. या गावांमध्ये जिल्हाधिकारी अरुण डोंगरे यांनी विविध सवलती लागू करण्याचे आदेश दिले आहेत. यामध्ये माहूर तालुक्यातील ९२, किनवट तालुक्यातील १९१ हदगाव तालुका १४५, हिमायतनगर तालुक्यातील ६४, देगलूर तालुक्यातील १०८, नायगाव ८९, बिलोली तालुक्यातील ९१, मुखेड तालुक्यातील १३५,कंधार तालुक्यातील १२६, लोहा तालुक्यातील १२७ गावांचा समावेश आहे. 

परभणी जिल्ह्यातील ८४९ आणि नांदेड जिल्ह्यातील १,१६८ अशा दोन जिल्ह्यांतील एकूण २,०१७ गावांमध्ये दुष्काळग्रस्त असलेल्या सवलती लागू करण्याचे आदेश जिल्हा प्रशासनातर्फे विविध विभागांना देण्यात आले आहेत.

५० पैशांपेक्षा कमी पैसवारी आलेल्या
गावांना देण्यात येणाऱ्या सवलती

 जमीन महसुलात सूट  सहकारी कर्जाचे पुनर्गठन  शेतीशी निगडित कर्जाची वसुली  कृषिपंपाच्या वीज देयकात ३३.५ टक्के सूट  शालेय, महाविद्यालयीन विद्यार्थ्यांना परीक्षा शुल्क माफी  रोजगार हमी योजनेअंतर्गत कामांच्या निकषात काही प्रमाणात शिथिलता  आवश्यक तेथे पिण्याच्या पाणीपुरवठ्यासाठी टॅंकर  टंचाई जाहीर केलेल्या गावांत शेतकऱ्यांच्या शेतीपंपांची वीज जोडणी खंडित न करणे

इतर ताज्या घडामोडी
औरंगाबादेत हिरवी मिरची ४००० ते ४५००...औरंगाबाद : येथील कृषी उत्पन्न बाजार समितीमध्ये...
पाणीटंचाईमुळे पुणे जिल्ह्यातील ३६...पुणे   : उन्हाच्या झळा वाढत असल्याने...
जनावरांच्या छावणीत बांधली गेली ‘...नगर : दुष्काळ पाचवीलाच पूजलेला, पिण्याचे पाणी...
शिरुर तालुक्यात रानडुकरांकडून उभ्या...रांजणगाव सांडस, जि. पुणे : शिरूर तालुक्‍...
पाथर्डी, पारनेरमध्ये सर्वाधिक टॅंकरने...नगर : जिल्ह्यात पाणीटंचाईचे गंभीर परिणाम...
राजकारणातील प्रस्थापितांची घराणेशाही...नगर  : मुस्लिम समाजाला भीती दाखविण्यासाठी...
सातारा जिल्ह्यात ३३६५ हेक्टरवर उन्हाळी...सातारा  ः जिल्ह्यातील पूर्व भागात तीव्र...
पाणीपुरवठ्यासाठी खानदेशात ५०७ विहिरी...जळगाव : पाणीटंचाई दूर करण्यासाठी खानदेशात सुमारे...
स्ट्रॉबेरी उत्पादनवाढीवर शेतकऱ्यांनी भर...भिलार, जि. सातारा  : स्ट्रॉबेरी महोत्सव हा...
लोकसभा निवडणुकीच्या दुसऱ्या टप्प्यात...मुंबई   ः राज्यात लोकसभा निवडणुकीच्या...
अब्दुल सत्तार यांची हकालपट्टी; तर...जालना ः  पक्षाविरोधात काम केल्यामुळे अब्दुल...
मराठवाड्याचा पाणी प्रश्‍न सोडविणार :...पैठण, जि. औरंगाबाद   : पश्चिम घाटातून...
मोदीजी, महाराष्ट्र तुम्हाला धडा...मुंबई : आमच्या महाराष्ट्राच्या मातीतील...
दुष्काळाच्या हद्दपारीसाठी परदेशातूनही...गोंदवले, जि. सातारा : दुष्काळ हद्दपार करण्यासाठी...
अकोला, वाशीम जिल्ह्यांत तूर, हरभरा...अकोला  : जिल्हा मार्केटिंग फेडरेशनच्या वतीने...
बांबू पिकाला आहे व्यावसायिक मूल्य...बांबू हा पर्यावरणरक्षक आहे. याचबरोबरीने बांबू...
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...