agriculture news in marathi, Agrowon, dr.Panjabrao Deshmukh agriculture university Vice Chancellor Final interview on 15th September | Agrowon

'पंदेकृवि' कुलगुरुपदासाठी १५ सप्टेंबरला अंतिम मुलाखत
गोपाल हागे
गुरुवार, 14 सप्टेंबर 2017

अकोला : येथील डॉ. पंजाबराव देशमुख कृषी विद्यापीठाच्या कुलगुरुपदाची निवड प्रक्रिया अंतिम टप्प्यात पोचली असून, शुक्रवारी (ता. १५) पाच उमेदवारांचे राज्यपालांकडे सादरीकरण होणार आहे. यानंतर कुलगुरुपदासाठी एका व्यक्तीचे नाव घोषित होण्याची शक्‍यता व्यक्त केली जात आहे.

अकोला : येथील डॉ. पंजाबराव देशमुख कृषी विद्यापीठाच्या कुलगुरुपदाची निवड प्रक्रिया अंतिम टप्प्यात पोचली असून, शुक्रवारी (ता. १५) पाच उमेदवारांचे राज्यपालांकडे सादरीकरण होणार आहे. यानंतर कुलगुरुपदासाठी एका व्यक्तीचे नाव घोषित होण्याची शक्‍यता व्यक्त केली जात आहे.

येथील विद्यापीठाच्या विद्यमान कुलगुरुपदाची १२ ऑगस्टला मुदत संपली असून, सध्या परभणी विद्यापीठाच्या कुलगुरूंकडे अतिरिक्त प्रभार देण्यात आलेला आहे. नवीन कुलगुरूसाठी राज्यपालांच्या निर्देशानुसार माजी न्यायमूर्तींच्या अध्यक्षतेखाली शोधसमिती काम करीत आहे. अर्ज मागविणे, पात्र उमेदवारांच्या मुलाखती अशी प्रक्रिया पार पडली असून, आता आलेल्या उमेदवारांमधून पाच नावे अंतिम करण्यात आली.

या उमेदवारांना शुक्रवारी राज्यपालांकडे सादरीकरण करावे लागणार आहे. अंतिम पाच व्यक्तींमध्ये अकोला येथील विद्यमान कृषी अधिष्ठाता डॉ. व्ही. एम. भाले, यांच्यासह आयसीएआरचे एस. के. चौधरी, डॉ. एम. के. सिंग, दापोलीचे डॉ. मोहाळकर, अमरावतीचे प्राचार्य डॉ. नंदकिशोर चिखले यांचा समावेश असल्याचे सूत्रांचे म्हणणे आहे. विद्यमान कुलगुरू डॉ. रविप्रकाश दाणी यांना विदेशी नागरिकत्वाच्या मुद्द्यावरून त्यांचा कार्यकाळ संपण्यापूर्वीच राज्यपालांनी बडतर्फ केले आहे.

या घटनेमुळे मराठी भाषिक व राज्यातील उमेदवाराला कुलगुरू म्हणून प्राधान्य देण्याची अनेकांनी मागणी केली आहे. काही जणांनी थेट राज्यपालांकडे मागण्यांचे निवेदन पाठविले आहे. त्यामुळे नवीन कुलगुरू निवडताना याचा विचार होतो किंवा नाही हे लवकरच स्पष्ट होणार आहे.

विदर्भातील ११ जिल्ह्यांचे या विद्यापीठाचे कार्यक्षेत्र आहे. नागपूर व अमरावती या दोन विभागांची पीकपद्धती वेगवेगळी असून, त्यादृष्टीने संशोधनाची दिशा देणे, शेतकऱ्यांना अपेक्षित तंत्रज्ञान पुरविण्याचे आव्हान नवीन कुलगुरूसमोर राहणार आहे. शिवाय विद्यापीठाच्या कार्यक्षेत्रातील कृषी शिक्षणाची झालेली परवड, घसरलेला दर्जा सुधारण्याचीही मोठी भूमिका कुलगुरू म्हणून नवीन व्यक्तीला पार पाडावी लागणार आहे.

त्यामुळेच आता शुक्रवारी होत असलेल्या राज्यपालांकडील मुलाखतीकडे विद्यापीठ व कृषी क्षेत्रातील जाणकारांच्या नजरा लागल्या आहेत.

इतर ताज्या घडामोडी
मत्स्यपालनामध्ये योग्य तांत्रिक बदलांची...सध्याच्या मत्स्यपालन पद्धतीमध्ये कोणतेही बदल न...
जळगाव बुरशीयुक्त शेवयांच्या प्रकरणात...जळगाव ः शालेय पोषण आहार वाटपानंतर अंगणवाडीमधील...
सातगाव पठार परिसरात बटाटा लागवडीस सुरवातसातगाव पठार, जि. पुणे : काही गावांमध्ये पावसाने...
सोलापूर जिल्ह्यात विजांच्या कडकडाटासह...सांगोला/करमाळा : जिल्ह्याच्या काही भागांत...
पुणे जिल्ह्यात पावसामुळे भात...पुणे : गेल्या काही दिवसांपासून पावसाने दडी...
मातीचा प्रत्येक कण सोन्यासारखा; तो वाया...नाशिक : शेतातील माती म्हणजे कोट्यवधी सूक्ष्म...
नांदेड जिल्ह्यात १ लाख ६५ हेक्टरवर पेरणीनांदेड ः नांदेड जिल्ह्यामध्ये यंदाच्या खरीप...
शेतकऱ्यांना पीककर्ज देणे टाळले तर ठेवी...नगर  ः शेतकऱ्यांना सध्या खरीप हंगामासाठी...
सातारा जिल्ह्यात पावसाचा जोर कायमसातारा  ः जिल्ह्यातील वाई, महाबळेश्वर, माण,...
नांदेड जिल्ह्यात फक्त ८.२९ टक्के...नांदेड ः नांदेड जिल्ह्यातील यंदा खरीप पीककर्ज...
तापीच्या पाण्यास गुजरातचा नकारमुंबई  ः पार-तापी नर्मदा नद्याजोड...
कापूस पीक नियोजनातून हमखास उत्पादन वाढसोनगीर, जि. धुळे ः कापूस उत्पादक शेतकऱ्यांनी...
औरंगाबाद जिल्ह्यात अखेर पाऊस बरसलाऔरंगाबाद  : पावसाच्या प्रतीक्षेत असलेल्या...
`दमणगंगा नदीजोड योजनेचे फेरसर्व्हेक्षण...नाशिक : दमणगंगा (एकदरे) नदीजोड योजनेचे...
मराठवाड्यात साडेतीन लाख हेक्‍टरवर पेरणीऔरंगाबाद : मराठवाड्यातील आठही जिल्ह्यांत ३ लाख ६७...
पीककर्जासाठी बँक अधिकाऱ्याने केली...दाताळा, जि. बुलडाणा : पीककर्ज मंजूर करून...
माॅन्सून सक्रिय, सर्वत्र चांगल्या...महाराष्ट्रावरील हवेचे दाब कमी झालेले असून १००४...
‘एसआरआय’पद्धतीने भात लागवडीचे तंत्रएसआरआय पद्धतीने भात लागवड केल्यामुळे रोपे, माती,...
भूमिगत निचरा प्रणालीद्वारे जमिनींची...पाणी व रासायनिक खते यांच्या अनियंत्रित वापरामुळे...
लागवड सावा पिकाची...जून महिन्यात सावा पिकाची पेरणी करावी. दोन ओळीतील...