agriculture news in Marathi, agrowon, Due to other districts tur Akola's godown full | Agrowon

इतर जिल्ह्यांतील धान्यामुळे अकोल्यात गोदामे तुडुंब
टीम अॅग्रोवन
मंगळवार, 15 मे 2018

अकोला  : एक दिवसाने तूर खरेदी बंद होत असतानाच जिल्ह्यात या मुद्द्यावरून राजकीय गरमागरमीला सुरवात झाली अाहे. जिल्ह्यातील गोदामे रिकामी नसल्याने शेतकऱ्यांकडील तूर, हरभरा हमीभावाने खरेदीला प्रचंड अडचणी तयार झाल्या असून, अकोला जिल्ह्यातील गोदामे शेजारील जिल्ह्यात खरेदी झालेल्या धान्याने भरली असल्याची माहिती उजेडात आली अाहे. यावरून जिल्ह्यातील खासदार आणि आमदारांनी जिल्हा विपणन अधिकारी व वखार महामंडळाच्या व्यवस्थापकांना सोमवारी (ता. १४) धारेवर धरले. 

अकोला  : एक दिवसाने तूर खरेदी बंद होत असतानाच जिल्ह्यात या मुद्द्यावरून राजकीय गरमागरमीला सुरवात झाली अाहे. जिल्ह्यातील गोदामे रिकामी नसल्याने शेतकऱ्यांकडील तूर, हरभरा हमीभावाने खरेदीला प्रचंड अडचणी तयार झाल्या असून, अकोला जिल्ह्यातील गोदामे शेजारील जिल्ह्यात खरेदी झालेल्या धान्याने भरली असल्याची माहिती उजेडात आली अाहे. यावरून जिल्ह्यातील खासदार आणि आमदारांनी जिल्हा विपणन अधिकारी व वखार महामंडळाच्या व्यवस्थापकांना सोमवारी (ता. १४) धारेवर धरले. 

अकोला जिल्ह्यात तूर अाणि हरभरा खरेदीचा मुद्दा सध्या तापला अाहे. ७० टक्के शेतकऱ्यांकडील सव्वादोन लाख क्विंटल तूर आणि ९० टक्के शेतकऱ्यांकडील पाच लाख क्विंटलपेक्षा अधिक हरभरा खरेदीअभावी पडून अाहे. याबाबत जिल्ह्यातील तेल्हारा आणि अकोट तालुक्यांसह इतर भागातील शेतकऱ्यांनी खासदार व आमदारांना जाब विचारला. त्यामुळे सोमवारी खासदार संजय धोत्रे यांनी जिल्हा विपणन अधिकारी राजेश तराळे आणि वखार मंडळाचे व्यवस्थापक ढवळे यांच्यासोबत शेतकऱ्यांच्या उपस्थितीत शासकीय विश्रामगृहात बैठक घेतली. या बैठकीला आमदार रणधीर सावरकर, प्रकाश भारसाकळे, हरीश पिंपळे, भाजपचे जिल्हाध्यक्ष तेजराव थोरात यांची उपस्थिती होती. 

या वेळीही अधिकाऱ्यांनी गोदामे रिकामी नसल्याने तूर, हरभरा खरेदी बंद असल्याची माहिती दिली. एकीकडे जिल्ह्यातील ७० टक्के शेतकऱ्यांची तूर व ९० टक्के शेतकऱ्यांकडील हरभरा खरेदीच झाला नाही, तरी गोदामे भरली कशी, असा प्रश्‍न आमदार सावरकरांनी उपस्थित केला. त्यावर अधिकाऱ्यांनी दिलेली माहिती धक्कादायक होती. जिल्ह्याच्या हातावर तुरी देऊन शेजारी जिल्ह्यातील धान्याने गोदामे भरली असल्याने आमदारांनी अधिकाऱ्यांना चांगलेच धारेवर धरले. 

अकोला जिल्ह्यातील वखार महामंडळाच्या गाेदामांमध्ये बुलडाणा जिल्ह्यातील चिखली, मेहकर, शेगाव, खामगाव या तालुक्यातून  एक लाख १५ हजार क्विंटल तूर साठवण्यात आली. वाशीम जिल्ह्यातील ७५ हजार क्विंटल तूर तर अमरावती जिल्ह्यातील १० हजार क्विंटल तूर अकोल्यातील गोदामांमध्ये ठेवण्यात आल्याने गोदामे भरली आल्याची माहिती अधिकाऱ्यांनी दिली. 

सहकारमंत्र्यांना तोडगा काढण्याची विनंती
खासदार आणि आमदारांसोबत अधिकाऱ्यांची बैठक सुरू असताना सहकारमंत्री सुभाष देशमुख यांनी फोन करून जिल्ह्यातील तूर व हरभरा खरेदीबाबत माहिती घेतली. त्यांना आमदार सावरकर आणि भारसकाळे यांनी जिल्ह्यातील परिस्थितीबाबत अवगत करून या पेचात मार्ग काढण्याची विनंती केली आहे. जिल्ह्यातील तूर व हरभरा साठवण्यासाठी खासदार संजय धोत्रे यांनी महाबीजची दोन गोदामे उपलब्ध करून दिली. अकोट आणि दर्यापूर येथील गोदामांमध्ये २० हजार क्विंटल धान्य साठविता येणार आहे. हे गोदाम वापरूनही तूर, हरभरा साठवणुकीचा प्रश्‍न कायम राहणार आहे. 

लोकप्रतिनिधींचे पोलिस अधीक्षकांना निवेदन
अकोला जिल्ह्यातील शेतकऱ्यांचे शासनामार्फत होणारी तूर व हरभरा खरेदी करताना झालेली अार्थिक छळवणूक व पिळवणूक याबाबत संबंधितांविरुद्ध गुन्हा नोंदवून तत्काळ कायदेशीर कारवाई करावी, अशी मागणी खासदार संजय धोत्रे, अामदार प्रकाश भारसाकळे, हरिश पिंपळे, रणधीर सावरकर, भाजप जिल्हाध्यक्ष तेजराव थोरात यांनी केली अाहे. वखार महामंडळाचे अधिकारी व बाहेरील खरेदी केलेली तूर वाहतूकदार यांच्यात अार्थिक साटेलोटे असण्याची शक्यता अाहे. या रॅकेटमुळे जिल्ह्यातील शेतकऱ्यांचा अार्थिक व मानसिक छळ झाल्याने या प्रकरणाचा छडा लावणे गरजेचे झाले अाहे. या प्रकरणाची अार्थिक गुन्हे शाखेकडून सखोल चौकशी केली जावी, अशी मागणी या लोकप्रतिनिधींनी निवेदनातून केली अाहे. 

इतर ताज्या घडामोडी
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...
गोंदिया जिल्ह्यात गणेशोत्सवाद्वारे शेती...गोंदिया :गणेशोत्सवाच्या माध्यमातून कृषी...
सातारा जिल्ह्यात स्ट्रॉबेरी लागवडीस...सातारा   ः राज्यभरात गोडव्यासाठी प्रसिद्ध...
सोलापूर जिल्ह्यावर दुष्काळ अन हुमणीचे...सोलापूर   ः जिल्ह्यात यंदाच्या हंगामात...
पीकविमा योजनेतून कंपन्यांचे भले ः विखे...पुणे   ः शेतकऱ्यांच्या पिकांना संरक्षण...
कृषी सल्ला : ऊस, कापूस, सोयाबीन, मका,...ऊस हुमणी किडीच्या नियंत्रणासाठी, फिप्रोनील (०.३...
अार्थिक व्यवस्थापनात राज्य सरकार अपयशी...मुंबई  : काँग्रेसच्या कार्यकाळात राज्याची...
कृषी सल्ला : भात, नागली, आंबा, नारळ,...भात  अवस्था ः पोटरी ते लोंबी बाहेर...
अकोल्यात मूग प्रतिक्विंटल ३८०० ते ५३००...अकोला ः या हंगामात लागवड झालेल्या मुगाची काढणी...
सोयाबीन, मूग, उडदासाठी १९ खरेदी केंद्रे...नगर ः शेतकऱ्यांचा शेतमाल हमीदराने खरेदी करता यावा...
शेतीमाल तारण योजनेत शेतकरी उत्पादक...कोल्हापूर : राज्यात शेतीमाल तारण योजना बाजार...
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...
जळगाव जिल्हा परिषदेत विरोधक शांत;...जळगाव : पोषण आहार, शिक्षक बदल्या यावरून जिल्हा...
नगर जिल्ह्याच्या काही भागांत पावसाचे...नगर ः गेल्या अनेक दिवसांपासून गायब झालेला आणि...
भंडारा जिल्ह्यातील धान उत्पादनात घटीची...भंडारा : गेल्या वीस दिवसांपासून धानपट्ट्यात...