agriculture news in marathi, AGROWON Editorial on new year | Agrowon

नव्या वर्षाचा सांगावा
रमेश जाधव
सोमवार, 1 जानेवारी 2018

संकटांनी खचून न जाता संघर्षाच्या वाटेवर चालण्याचं बळ सरत्या वर्षाने शेतकऱ्यांना दिलं. नवीन वर्ष बदल घडवण्याची ऊर्मी घेऊन आलं आहे.

संकटांनी खचून न जाता संघर्षाच्या वाटेवर चालण्याचं बळ सरत्या वर्षाने शेतकऱ्यांना दिलं. नवीन वर्ष बदल घडवण्याची ऊर्मी घेऊन आलं आहे.

नव्या वर्षाचा आज पहिला दिवस. नवीन वर्ष म्हणजे केवळ कॅलेंडरचं पान बदलत नाही तर अंधाराच्या कुशीतून एक नवी पहाट उमलत असते. शेतकऱ्यासाठी तर रोजचा दिवस नवाच असतो. कारण तो नवी आव्हानं आणि प्रश्न घेऊनच उगवलेला असतो. सरतं वर्ष तर खूपच धामधुमीचं गेलं. हे वर्ष अनेक अर्थांनी महत्त्वपूर्ण ठरलं. कारण या वर्षात अनेक ऐतिहासिक घडामोडी झाल्या. नवी वादळं जन्माला आली. नोटाबंदीचा निर्णय, जीएसटीची अंमलबजावणी, तुरीचे विक्रमी उत्पादन, मराठा क्रांती मोर्चे, शेतकरी संप, कर्जमाफी, देशात आणि राज्यात शेतकरी आंदोलनांचा उडालेला भडका यांसारख्या घटनांनी अवघा आसमंत घुसळून निघाला. अस्मानी संकटाने जेरीस आलेल्या शेतकऱ्यांना सरकारच्या अन्यायकारक धोरणांमुळे सुलतानी संकटांचाही सामना करावा लागला. सर्व प्रमुख शेतमालाच्या किमती कोसळल्या. एकूण ग्रामीण अर्थकारणाला फटका बसला. पण त्यामुळे खचून जाऊन शस्त्र टाकून देण्याऐवजी निखाऱ्यांनी भरलेल्या संघर्षाच्या वाटेवर चालण्याचं बळ सरत्या वर्षाने शेतकऱ्यांना दिलं. 

सरकार- मग कोणत्याही पक्षाचं असो- `शेतीच्या मूळ प्रश्नाला हात न घालता शेतकऱ्यांना नेहमी याचक किंवा भिकाऱ्याच्याच भूमिकेत ठेवायचं` आणि `शहरी ग्राहकांच्या दाढीला तूप लावण्यासाठी शेतकऱ्यांच्या ताटात माती कालवायची` या दोन चौकटीतच शेतकऱ्यांचे प्रश्न हाताळते. पण या चौकटीला हादरे देणारा संघर्षाचा पवित्रा शेतकऱ्यांनी घेतला. शेतकऱ्यांचा उद्रेक आणि असंतोष तीव्रतेने प्रकट झाला. अजिंक्य भासणाऱ्या भाजप, नरेंद्र मोदी आणि उजव्या हिंदुत्ववादी शक्तींचा घोडा अडवण्याचं काम शेतकरी आंदोलनाने केलं आणि त्यामुळे राजकीय अजेंड्यावर शेतीचे प्रश्न अग्रक्रमावर आले. गुजरातच्या निकालामुळे शेतकऱ्यांची नाराजी महागात पडू शकते, याची चुणूक मिळाली आहेच. काही राज्यांमध्ये होऊ घातलेल्या विधानसभा निवडणुका आणि त्यानंतर थोड्याच कालावधीत अपेक्षित असलेली लोकसभा निवडणूक लक्षात घेता आता शेतकरीविरोधी धोरणांत बदल करण्याची अपरिहार्यता सत्तापक्षाला लक्षात आली आहे. त्यामुळे नवीन वर्षात सकारात्मक बदल घडण्याची आशा आहे. 

संकटं आणि प्रतिकूल परिस्थितीला तोंड देत जिद्द, प्रयोग आणि सर्जनशीलतेच्या बळावर अनेक बहाद्दर शेतकऱ्यांनी आपल्या कर्तृत्वाची मोहोर सरत्या वर्षावर उमटवली. `ॲग्रोवन`ने अशा काही शेतकऱ्यांचा गौरव नुकताच केला. भविष्याची आव्हाने लक्षात घेऊन ‘ॲग्रोवन’ने जमिनीची सुपिकता हा विषयही ऐरणीवर आणला आहे. २०१८ हे वर्ष जमीन सुपिकता वर्ष म्हणून साजरे केले जाणार आहे. मातीशी इमान राखणारे शेतकरी म्हणजे कृषी संस्कृतीचे खंदे शिलेदार आहेत. शेतकऱ्यांमधली ही ऊर्जा जोवर कायम आहे, तोपर्यंत निराशेने हतबल होण्याचे काही कारण नाही. शेती हा दहा तोंडांचा रावण आहे. प्रश्नांची गुंतागुंत आणि व्याप्ती प्रचंड आहे. ही लढाई ही दीर्घ पल्ल्याची आणि दमछाक करणारी आहे. पण एका दाण्याचे हजार दाणे करण्याची क्षमता बाळगणारा शेतकरी आता संघर्षाची वज्रमूठ करून पाय रोवून उभा राहत अाहे. छोटे-मोठे पराभव पचवत चिवट झुंज द्यायला तो सज्ज आहे. 
‘दाटला काळोख होता चहु दिशांना, नीरवाचा शाप होता वेदनांना त्याच काळोखांतूनी पण सूर आले, विंधलेल्या काळजाचे गीत झाले’ हीच भावना नवे संदर्भ घेऊन मुखर होत आहे. नव्या वर्षाचा हाच सांगावा आहे.

इतर संपादकीय
कशी टिकेल पांढऱ्या सोन्याची झळाळी?राज्यात कापूस वेचणीला सुरवात होऊन दसऱ्याच्या...
शेतकऱ्यांना कमी खर्चाचे तंत्रज्ञान...शेतकऱ्यांसाठी चालविलेले शेतकऱ्यांचे एक स्वंयपूर्ण...
वाढते नैसर्गिक आणि सामाजिक प्रदूषणकाळानुसार निसर्गामध्ये खूप बदल होत आहे. सर्व ऋतूत...
लढा स्वतंत्र अस्तित्वाचा अस्सल हापूस कोणाचा हा गुंता मागील अनेक...
तुझे आहे तुजपाशी जगाच्या सरासरीच्या दीडपट पाऊस भारतात पडतो तरी...
सूक्ष्म सिंचनात अडचणी मोठ्या राज्यात पाण्याचे दुर्भिक्ष...
अधिवास वाचवा; निसर्ग वाचेलदुर्मीळ होत चाललेल्या पक्ष्यांच्या बाबतीत बोलायचे...
लोकसेवांची पराभवी अंमलबजावणीलोकसेवा हक्क कायद्याची अंमलबजावणी तीन...
असंवेदनशीलतेचा कळसकोणतेही आंदोलन असो ते दडपून वेळ मारून न्यायची,...
सूर्य डाल्याखाली झाकता येणार नाहीआपल्याकडे असलेल्या बळाचा वापर करून आज जरी सरकारने...
दुष्काळाची चाहूल; जपून उचला पाऊलनैर्ऋत्य मोसमी वाऱ्यांनी राजस्थानमधील मुक्काम...
गांधीजींची लोकशाहीवादी निर्णय प्रक्रियामाझ्या वडलांचे मित्र आणि हिंदुस्थानचे संपादक...
इंधनासाठी गोड ज्वारी सर्वोत्तमगोड ज्वारीच्या पिकापासून ज्वारी हे धान्य आणि...
लष्करी अळीचा हल्ला थांबवा हवामान बदलाचा हा काळ आहे. या काळात पिकांवर रोग-...
लष्करी अळीचा हल्ला थांबवाहवामान बदलाचा हा काळ आहे. या काळात पिकांवर रोग-...
आज मराठवाडा मुक्तीदिन ! संग्रामाला झाली...15 ऑगस्ट 1947 रोजी आपला भारत देश स्वातंत्र्य झाला...
‘आयपीएम’चा विसर नकोआयपीएम अर्थात एकात्मिक कीड नियंत्रण तंत्राचा वापर...
खाडी से नही, अब तेल आयेगा बाडी सेभारतीय जनता पार्टीचे छत्तीसगड राज्याचे ...
पीककर्ज द्याऽऽऽ पीककर्जखरे तर हंगामाच्या सुरवातीस पेरणीकरिता शेतकऱ्यांना...
शास्त्राशी सुसंगत असावीत शेतीची कामेआपल्या देशातील शेतीचा तीन हजार वर्षांचा ज्ञात...