agriculture news in marathi, agrowon, educon2017 | Agrowon

उच्चशिक्षण क्षेत्रासमोरच्या आव्हानांवर चिंतन
सकाळ वृत्तसेवा
शुक्रवार, 8 सप्टेंबर 2017

भारतातील विद्यापीठे बदलांच्या आव्हानाला सामोरे जात असताना सिंगापूरमध्ये होणारे हे विचारमंथन उपयोगी ठरेल असा मला विश्‍वास वाटतो.
- प्रतापराव पवार, "अध्यक्ष', सकाळ

पुणे ः भारतातील उच्चशिक्षण क्षेत्रासमोरच्या आव्हानांबरोबरच उच्चशिक्षण क्षेत्रात आवश्‍यक असणाऱ्या बदलांवर चर्चा घडवून आणणाऱ्या "एज्युकॉन 2017' परिषदेला शुक्रवारपासून (ता. 8) सिंगापूर येथे सुरवात होत आहे.

उच्चशिक्षण क्षेत्रातील तज्ज्ञांना एकत्र आणून उच्चशिक्षण क्षेत्राशी संबंधित असणाऱ्या विविध मुद्द्यांवर चर्चा घडवून नव्या दिशा शोधण्याचा प्रयत्न करणारी ही परिषद "सकाळ माध्यम समूह' गेल्या बारा वर्षांपासून आयोजित करीत आहे.

"उच्चशिक्षण क्षेत्रासमोरील बदलांचे आव्हान' ही यंदाच्या "एज्युकॉन'ची संकल्पना आहे. "सकाळ'चे अध्यक्ष प्रतापराव पवार यांच्या उपस्थितीत आज (शुक्रवारी) सकाळी ऑल इंडिया कौन्सिल फॉर टेक्‍निकल एज्युकेशनचे अध्यक्ष प्रा. अनिल सहस्रबुद्धे यांच्या हस्ते परिषदेचे उद्‌घाटन होणार आहे.

परिषदेतील चर्चासत्रांनंतर सर्व प्रतिनिधी सिंगापूर येथील नानयांग टेक्‍नॉलॉजिकल युनिव्हर्सिटीलाही भेट देणार आहेत. गेल्या वर्षी इस्राईलमधील तेल अविव येथे "एज्युकॉन' परिषद घेण्यात आली होती. "इनोव्हेशन ऍण्ड आंत्रप्रेन्युअरशिप' अशी या परिषदेची संकल्पना होती.

या आधी कार्लस्‌ऱ्हू (जर्मनी), पॅरिस (फ्रान्स), इस्तंबूल (तुर्कस्तान), शांघाय (चीन), कोलंबो (श्रीलंका), दुबई आदी परिषदांमध्ये देशातील शिक्षणतज्ज्ञांनी उच्चशिक्षणाशी संबंधित विविध विषयांवर चर्चा करण्याबरोबरच त्या त्या देशांमधील नामवंत विद्यापीठांना, तसेच उद्योगांशी संबंधित संस्थांना भेटी दिल्या होत्या.

एज्युकॉनची तपपूर्ती
शिक्षण, तंत्रज्ञान आणि उद्योग क्षेत्रांमधल्या तज्ज्ञांना एकत्र आणून त्यांच्यात संवाद घडवण्यासाठी "सकाळ माध्यम समूहा'ने बारा वर्षांपूर्वी "एज्युकॉन' ही राष्ट्रीय कुलगुरू परिषद भरविण्यास सुरवात केली.

यंदा "एज्युकॉन'ची तपपूर्ती होत असताना या परिषदांनी देशातल्या उच्चशिक्षण क्षेत्रात स्वतःचे एक महत्त्वपूर्ण स्थान निर्माण केले आहे. आतापर्यंत झालेल्या परिषदांमधून उच्चशिक्षण आणि उद्योग यांच्यातील परस्पर सहकार्याचे एक वर्तुळ पूर्ण झाले आहे.

आज परदेशी विद्यापीठांबरोबर खासगी विद्यापीठेही स्पर्धेत उतरली आहेत. या पार्श्‍वभूमीवर दर्जेदार, कालसुसंगत आणि उत्पादक शिक्षणासाठी पारंपरिक विद्यापीठांनी बदलणे गरजेचे आहे. "एज्युकॉन'च्या आयोजनामागे ही भूमिका आहे.

"बदलांचे आव्हान' ही यंदाच्या वर्षी सिंगापूरमध्ये होणाऱ्या "एज्युकॉन'ची मध्यवर्ती कल्पना आहे. सिंगापूरमधील उच्चशिक्षण क्षेत्राने गेल्या दोन दशकांमध्ये यशस्वीपणे या बदलांचा मागोवा घेतला आहे, असे प्रतापराव पवार (‘अध्यक्ष', सकाळ) यांनी सांगितले.

उच्चशिक्षणाच्या गुणवत्तेविषयी वेगळा दृष्टिकोन देणाऱ्या "सकाळ एज्युकॉन'ने शिक्षण क्षेत्रात आपले स्वतःचे स्थान निर्माण केले आहे. सिंगापूरने गेल्या दोन दशकांच्या कालावधीत उच्चशिक्षण क्षेत्रात मोठे बदल घडवून आणले आहेत.

शिक्षण संस्थांची स्वायत्तता, मूल्यांकन, प्राध्यापकांची गुणवत्तावाढ, अत्याधुनिक पायाभूत सुविधा आणि आंतरराष्ट्रीय संस्थांच्या सहकार्यातून सिंगापूरने हा बदल घडवून आणला आहे. यातील काही बदलांबाबतही या परिषदेत चर्चा होणार आहे, असे डॉ. संजय धांडे (अध्यक्ष, नियामक मंडळ, नॅशनल इन्स्टिट्यूट ऑफ इंडस्ट्रिअल इंजिनिअरिंग, माजी संचालक, आयआयटी, कानपूर) यांनी स्पष्ट केले.

या विषयांवर होणार चर्चा

  • भारतातील शिक्षणपद्धतीतील परिवर्तन
  • शिक्षण संस्थांची स्वायत्तता आणि मूल्यांकन,
  • पायाभूत आणि डिजिटल सुविधा
  • कौशल्यविकास आणि शिक्षण
  • अध्यापक आणि विकास
  • सिंगापूर प्रयोग
  • आंतरराष्ट्रीय सहकार्य
  • अध्ययन आणि अध्यापनाचे मूल्यमापन
     

इतर ताज्या घडामोडी
नांदेड, परभणी, हिंगोलीत लांबणीवर पडलेली...नांदेड ः नांदेड, परभणी, हिंगोली जिल्ह्यांमध्ये...
हिंगोली जिल्ह्यात ९४ हजार हेक्टरवर पेरणीहिंगोलीः जिल्ह्यात बुधवार (ता. २०) पर्यंत ९४ हजार...
नगर जिल्ह्यात चांगल्या पावसाची ४२...नगर ः नगर जिल्ह्यामधील बहुतांश भागात शनिवारी (ता...
खत व्यवस्थापनासाठी शासनाच्या विविध योजनापीक उत्पादनवाढीसाठी जमिनीची सुपीकता महत्त्वाची...
धुळे जिल्ह्यात डाळिंब पिकासाठी विमा...देऊर, जि. धुळे : हवामानवर आधारित फळपीक योजना २०१७...
राष्ट्रीयीकृत बॅंकांच्या पीककर्जाबाबत...कोल्हापूर : संपन्न असणाऱ्या कोल्हापूर जिल्ह्यातही...
गूळ उद्योजकांना एकत्र करण्यासाठी शाहू...कोल्हापूर : राज्यातील गूळ उद्योजकांना एकत्र करून...
पीककर्ज : महसूल संघटनेचा ‘एसबीआय’ला...यवतमाळ : स्टेट बॅंक आँफ इंडियामधून महसूल कर्मचारी...
सर्वच शेतमाल नियंत्रणमुक्त करण्याची गरज...पुणे ः फळे भाजीपाला नियमनमुक्त केल्यामुळे शेतमाल...
स्वयंचलित हवामान केंद्राचे बोरी बुद्रुक...आळेफाटा, जि. पुणे : अॅग्रोवन स्मार्ट प्रकल्पात...
फडणवीस सरकार करणार ५० सामाजिक सेवा करारमुंबई : निवडणुकांना काही महिन्यांचा अवधी उरला...
शिक्षक, पदवीधरसाठी आज मतदानमुंबई : सत्ताधारी भाजप आणि शिवसेनेची प्रतिष्ठा...
...तर विद्यार्थ्यांना निम्मे शुल्क...मुंबई : कृषीसह वैद्यकीय व इतर व्यावसायिक...
एकात्मिक खत व्यवस्थापनावर भरशेतकरी ः योगेश रामदास घुले गाव ः गिरणारे (ता. जि...
व्यंग्यचित्रकार लहू काळे यांची ‘इंडिया...पुणे : शेतकऱ्यांच्या जीवनावर सर्वाधिक...
युरोपीय महासंघाने तयार केला...युरोपीय महासंघाच्या संयुक्त संशोधन केंद्राच्या...
उस्मानाबाद, नांदेड, लातूर, हिंगोली...औरंगाबाद : मराठवाड्यातील बहुतांश भागात शनिवारी (...
शाश्वत विकासासाठी ग्राम सामाजिक...औरंगाबाद ः ग्रामीण भागात मूलभूत सोयी सुविधांच्या...
पीककर्जासाठी टाळाटाळ केल्यास कारवाई :...कोल्हापूर : यंदाच्या खरीप हंगामात पीककर्ज वाटपात...
`विश्वास`चे सात लाख टनांपेक्षा जास्त...शिराळा, जि. सांगली : विश्वास साखर कारखाना २०१८-...