agriculture news in Marathi, agrowon, The extension of the loan waiver scheme up to April 14 | Agrowon

कर्जमाफी योजनेला १४ एप्रिलपर्यंत मुदतवाढ
टीम अॅग्रोवन
सोमवार, 2 एप्रिल 2018

कोल्हापूर  : राज्यात कर्जमाफी योजनेपासून वंचित राहिलेल्या शेतकऱ्यांना पुन्हा अर्ज करण्यासाठी शासनाने १४ एप्रिलपर्यंत मुदतवाढ दिली आहे. वन टाइम सेटलमेंटसाठीसुद्धा ३० जूनपर्यंत मुदतवाढ दिल्याचा आदेश शासनाने शनिवारी (ता. ३१) सायंकाळी काढला. हा आदेश काढल्यानंतर तातडीने याबाबतची माहिती राज्यातील जिल्हा बॅंकांना कळविण्यात आली आहे.

कोल्हापूर  : राज्यात कर्जमाफी योजनेपासून वंचित राहिलेल्या शेतकऱ्यांना पुन्हा अर्ज करण्यासाठी शासनाने १४ एप्रिलपर्यंत मुदतवाढ दिली आहे. वन टाइम सेटलमेंटसाठीसुद्धा ३० जूनपर्यंत मुदतवाढ दिल्याचा आदेश शासनाने शनिवारी (ता. ३१) सायंकाळी काढला. हा आदेश काढल्यानंतर तातडीने याबाबतची माहिती राज्यातील जिल्हा बॅंकांना कळविण्यात आली आहे.

सायंकाळी उशिरा आदेश निघाल्याने अद्याप सेवा सोसायट्यांपर्यंत हे आदेश आले नसले तरी सोमवारी (ता. १) त्यांना याबाबत अधिकृत माहिती कळविली जाईल, असे जिल्हा बॅंकांच्या सूत्रांनी सांगितले. २८ जूनला ही योजना जाहीर झाल्यानंतर टप्प्याने यासाठी मुदत वाढविली आहे.

या योजनेत ऑनलाइन पद्धतीने शेतकऱ्यांनी सहभागी होण्यासाठी ३१ मार्चपर्यंत मुदत वाढविलेली होती. एकवेळ समझोता योजना (वन टाईम सेटलमेंट) साठीही हाच कालावधी होता. परंतु सध्या खरिपाच्या तयारीत शेतकरी असल्याने शेतकऱ्यांची गैरसोय होऊ नये, यासाठी शासनाने दोन्ही योजनांच्या तारखा वाढविल्या. यापैकी वन टाईम सेटलमेंटसाठी तीन महिन्यांच्या कालावधीत वाढ करताना शासनाने ही मुदत ३० जून २०१८ पर्यंत वाढविली आहे.

काही कारणाने अद्यापही या योजनेत सहभागी नसलेले शेतकरीही यात सहभागी व्हावेत हा या मागचा उद्देश असल्याचे सूत्रांनी स्पष्ट केले. मार्च एडिंगच्या गडबडीत असलेल्या जिल्हा बॅंकांना सायंकाळी उशिरा याबाबतचा आदेश प्राप्त झाला. याची अंमलबजावणी आता सोमवारपासून सुरू होण्याची शक्‍यता असल्याचे बॅंकेच्या पदाधिकाऱ्यांनी सांगितले.

कर्जमाफीच्या योजनेत वंचित राहिलेल्या शेतकऱ्यांसाठी मुदत वाढविल्याचा शासन आदेश शनिवारी (ता. ३१) सायंकाळी प्राप्त झाला आहे. यानुसार आता पुढील कार्यवाही होईल.
- सुधीर काटे, सहायक व्यस्थापक, सांगली जिल्हा मध्यवर्ती बॅंक
 

इतर ताज्या घडामोडी
खोटी आकडेवारी दाखवून गाळप परवाने घेतले...पुणे   : शेतकऱ्यांना `एफआरपी` दिल्याचे...
वाशीम जिल्ह्यात रब्बीची २४ टक्के पेरणीवाशीम   ः जिल्हा प्रशासनाला रब्बी हंगामातील...
नगरमध्ये गहू, हरभरा पिकांचे १५ हजार...नगर   ः जिल्ह्यात कृषी विभागाच्या विविध...
पुणे जिल्ह्यात पंधरा दिवसांत पाणीसाठा...पुणे : दुष्काळाच्या झळा वाढत असतानाच पुणे...
केळीच्या खेडा खरेदीबाबत भरारी पथकांची...जळगाव  ः खानदेशात केळीच्या खेडा खरेदीसंबंधी...
बोंड अळीच्या नुकसानीचे अनुदान...अकोला : अाधीच अनेक दिवसांपासून रखडलेले बोंड अळी...
नगर जिल्ह्यातील दहा लाख जनावरे...नगर  ः दुष्काळाच्या पाश्वर्भूमीवर लोकांना...
जत तालुक्यातील दुष्काळग्रस्तांना...सांगली  : जत तालुक्यातील शेतकरी दुष्काळाच्या...
आंब्यावरील मिजमाशी, शेंडा पोखरणाऱ्या...मिजमाशी प्रादुर्भाव कोवळ्या पालवीवर,...
फळपिके सल्लाकोणत्याही वनस्पतींच्या वाढीवर हवामानाचा कमी जास्त...
योग्य वेळी करा लसीकरणजनावरांना रोगाचा प्रादुर्भाव होण्याची वाट न बघता...
धनगर समाजाचा उद्या औरंगाबादमध्ये धडक...औरंगाबाद : धनगर समाजाला एस.टी.(अनुसूचित जमाती)...
जेष्ठ स्वातंत्र्य सेनानी माधवराव...मनमाड, जि. नाशिक : जेष्ठ स्वातंत्र्य सैनिक,...
केंद्रीय स्ंसदीय कामकाज मंत्री अनंत...बंगळूर : केंद्रीय स्ंसदीय कामकाज मंत्री व दक्षिण...
ऊस दरप्रश्नी सोलापुरात ‘स्वाभिमानी’...सोलापूर  ः गेल्या गळीत हंगामातील उसाची...
दिवाळी संपूनही शासकीय कापूस खरेदीला...अकोला : या हंगामात लागवड केलेल्या बागायती तसेच...
ऊस दरासाठी सातारा जिल्ह्यात रास्ता रोकोसातारा  ः जिल्ह्यातील एकाही साखर कारखान्याने...
थकीत एफआरपीच्या मागणीसाठी शिरोळ येथे...कोल्हापूर  : साखर कारखान्यांनी गेल्या...
ऊस दरप्रश्नी ‘स्वाभिमानी’चे त्रिधारा...परभणी : मराठवाड्यातील साखर कारखान्यांनी यंदाचे ऊस...
सांगलीत एकरकमी ‘एफआरपी’कडेगाव, जि सांगली  ः कोल्हापूर जिल्ह्याने...