agriculture news in marathi, Agrowon, farmer have to Update bank loan information | Agrowon

शेतकऱ्यांनी बँकांच्या कर्जाची माहिती अपडेट करणे आवश्यक
माणिक रासवे
गुरुवार, 21 सप्टेंबर 2017

नांदेड : कर्जमाफीसाठी आॅनलाइन अर्ज भरलेल्या शेतकऱ्यांनी एकापेक्षा जास्त बॅंकांकडून घेतलेल्या कर्जाची माहिती आॅनलाइन अर्जामध्ये अपडेट करणे आवश्यक आहे. अन्यथा अपूर्ण माहिती देणाऱ्या शेतकऱ्यांचे अर्ज कर्जमाफी तसेच प्रोत्साहनपर अनुदानासाठी तात्पुरते अपात्र ठरविले जाणार आहेत.

नांदेड : कर्जमाफीसाठी आॅनलाइन अर्ज भरलेल्या शेतकऱ्यांनी एकापेक्षा जास्त बॅंकांकडून घेतलेल्या कर्जाची माहिती आॅनलाइन अर्जामध्ये अपडेट करणे आवश्यक आहे. अन्यथा अपूर्ण माहिती देणाऱ्या शेतकऱ्यांचे अर्ज कर्जमाफी तसेच प्रोत्साहनपर अनुदानासाठी तात्पुरते अपात्र ठरविले जाणार आहेत.

कर्जमाफी पात्र शेतकऱ्यांची पडताळणी करण्यासाठी अर्जदारांच्या पोर्टलवरील यादीच्या छापिल प्रती काढून गावागावातून चावडीवाचन केले जाणार आहे.दरम्यान, छत्रपती शिवाजी महाराज शेतकरी सन्मान योजनेअंतर्गत कर्जमाफीसाठी आॅनलाइन अर्ज भरण्यासाठी शुक्रवार (ता. २२)पर्यंतची अंतिम मुदत आहे. त्यामुळे येत्या दोन दिवसांत शेतकऱ्यांनी जनसुविधा केंद्रांवर जाऊन आॅनलाइन अर्जामध्ये दुरुस्ती करावी, असे आवाहन जिल्हाधिकारी अरुण डोंगरे यांनी केले आहे.

शेतीसाठी कर्ज घेत असताना काही शेतकऱ्यांनी राष्ट्रीयीकृत बॅंका किंवा ग्रामीण बँक, सेवा सहकारी संस्थेमार्फत जिल्हा मध्यवर्ती सहकारी बँकेकडून कर्ज घेतलेले आहे. परंतु ऑनलाइन अर्ज भरताना केवळ एकाच बँकेकडून घेतलेल्या कर्जाचा उल्लेख केला आहे. या शेतकऱ्यांनी दोन्ही बँकांकडून घेतलेल्या कर्जाचा उल्लेख त्यांच्या अर्जात करणे आवश्यक आहे.

शेतकऱ्यांनी सर्व बँकांकडून घेतलेल्या कर्जाच्या माहितीचे एकत्रीकरण वरिष्ठ पातळीवर संगणकाद्वारे होणार आहे. परंतु काही शेतकरी सभासदांनी अपूर्ण माहिती दिली असल्यामुळे त्यांचे कर्जमाफीचे किंवा प्रोत्साहनपर अनुदानाचे अर्ज तात्पुरते अपात्र ठरविले जाणार आहेत.

त्यामुळे एकापेक्षा जास्त बॅंकांकडून कर्ज घेणाऱ्या शेतकऱ्यांनी सर्व बँकांकडून घेतलेल्या कर्जाची माहिती ऑनलाइन अर्जात नमूद करावी. कर्जखाते आधार क्रमांकाशी संलग्न नसल्यास संबंधित बँक शाखेस तसेच गटसचिवाकडे आधार कार्डची प्रत द्यावी. यामुळे कर्जमाफी योजनेतील लाभापासून ते अपात्र ठरणार नाहीत.

तांत्रिक किंवा इतर कोणत्याही कारणामुळे एकही शेतकरी कर्जमाफी योजनेपासून वंचित राहणार नाही, याची काळजी घेतली जात आहे. त्या अनुषंगाने शेतकऱ्यांना मदत करण्यासाठी तहसीलदारांच्या अध्यक्षेतेखाली तालुका स्तरावर समन्वय समित्या स्थापन करण्यात आल्या आहेत. तालुकास्तरीय सर्व यंत्रणांनी या समितीला सहकार्य करणे आवश्यक आहे.

कर्जमाफी योजनेतील अर्जदारांची पोर्टलवरील यादी प्रिंट काढल्यानंतर तिचे गावपातळीवर चावडी वाचन करून पात्र लाभार्थींची शहानिशा करण्यासाठी प्राथमिक पडताळणी केली जाणार आहे.  तसेच कर्जमाफीस पात्र होण्यासाठी आधार कार्ड आणि केवायसी कागदपत्रे बॅंकेकडे देणे आवश्यक आहे.

जिल्हा बँकेशिवाय इतर बँकांकडून कर्ज घेतले असले, तरी एकूण १ लाख ५०  हजार रुपये मर्यादेपर्यंत कर्जमाफीचा लाभ मिळणार आहे, असे जिल्हाधिकारी श्री. डोंगरे यांनी सांगितले.

इतर ताज्या घडामोडी
सायगावच्या सरपंचांचा प्लॅस्टिकमुक्तीचा...सायगाव : ग्रामपंचायतीचे सरपंच अजित आपटे यांनी...
ऑनलाइन वीजबिल भरणा कोणत्याही शुल्काविनासोलापूर  : ग्राहकांना ऑनलाइनद्वारे आपल्या...
स्थानिक पालेभाज्यांचा आहारात वापर...आफ्रिकेमध्ये पोषकतेसह दुष्काळ सहनशीलतेसारखे अनेक...
सोलापुरात पीककर्ज वाटप अवघ्या १४ टक्‍क्...सोलापूर : सोलापूर जिल्ह्यात खरीप हंगामासाठी...
सांगोल्यात खरीप वाया जाण्याची भीतीसांगोला : तालुक्‍यात पावसाने दांडी मारल्याने खरीप...
नगरमध्ये ‘जलयुक्त’ची साडेपाच हजारांवर...नगर   ः जलयुक्त शिवार अभियानातून गेल्यावर्षी...
सहा महिन्यांनंतर नीरा नदीत पाणीवालचंदनगर, जि. पुणे : नीरा नदीवरील भोरकरवाडी (ता...
नाशिक विभागात खरिपासाठी ६२ हजार क्विंटल...नाशिक : नाशिक विभागात पाऊस लांबल्याने चिंता वाढली...
पावसाने दडी मारल्यामुळे तीन जिल्ह्यांत...नांदेड : नांदेड, परभणी, हिंगोली जिल्ह्यांत मृग...
बीडमध्ये दुबार पीककर्ज, संपूर्ण...बीड  : जिल्ह्यात गेल्या वर्षीपेक्षा यंदा...
‘सेल्फी वुईथ फार्मर’साठी यवतमाळ कृषी...यवतमाळ  : सध्या पेरणी हंगाम सुरू झाला आहे....
परभणी जिल्ह्यात टॅंकरची संख्या घटलीपरभणी : गेल्या पंधरवड्यात झालेल्या जोरदार...
हमीभावाने विकलेल्या हरभऱ्याचे ३५ कोटी...सोलापूर  : राज्य शासनाने सुरू केलेल्या...
नगर जिल्ह्यात मनरेगाच्या कामांवर ८६४४...नगर : जिल्ह्यात महात्मा गांधी राष्ट्रीय ग्रामीण...
केंद्र सरकारने जाहीर केलेले साखर पॅकेज...पुणे : केंद्र सरकारने जाहीर केलेले साखरेचे...
‘जयभवानी’ने तयार केला स्वत:चा जलमार्गबीड : कुठलाही कारखाना चालविण्यासाठी कच्च्या...
तूर, हरभऱ्याचे साडेअकराशे कोटी मिळेनातसोलापूर : नैसर्गिक आपत्ती, गडगडणारे बाजारभाव,...
राज्य बॅंकेकडून साखर तारण कर्जाचा दुरावाकोल्हापूर : राज्य बँकेने मालतरण कर्जासाठी आवश्‍यक...
केळी उत्पादकांना मिळणार भरपाई :...मुंबई : गेल्या आठवड्यात जळगावमध्ये वादळी...
कोकणात पावसाच्या सरीपुणे : कोकण किनारपट्टीवर पावसाच्या सरी बरसण्यास...