agriculture news in Marathi, agrowon, farmer rush at Rahuri Agricultural University campus for Kharif onion seed | Agrowon

राहुरी कृषी विद्यापीठात खरीप कांदा बियाण्यांसाठी झुंबड
टीम अॅग्रोवन
मंगळवार, 29 मे 2018

राहुरी विद्यापीठ, जि. नगर  : महात्मा फुले कृषी विद्यापीठाचे कांदा पिकाचे पावसाळी खरीप वाण बसवंत-७८० व फुले समर्थ हे बियाणे शेतकऱ्यांसाठी विक्रीसाठी उपलब्ध करून देण्यात आले आहे. या बियाण्यांसाठी नाशिक, धुळे, पुणे, जळगाव, अहमदनगर जिल्ह्यातील शेतकऱ्यांनी मोठ्या प्रमाणावर गर्दी केली असून, काही शेतकरी आदल्या दिवशीपासूनच मुक्कामी आहेत.  

राहुरी विद्यापीठ, जि. नगर  : महात्मा फुले कृषी विद्यापीठाचे कांदा पिकाचे पावसाळी खरीप वाण बसवंत-७८० व फुले समर्थ हे बियाणे शेतकऱ्यांसाठी विक्रीसाठी उपलब्ध करून देण्यात आले आहे. या बियाण्यांसाठी नाशिक, धुळे, पुणे, जळगाव, अहमदनगर जिल्ह्यातील शेतकऱ्यांनी मोठ्या प्रमाणावर गर्दी केली असून, काही शेतकरी आदल्या दिवशीपासूनच मुक्कामी आहेत.  

प्रत्येक शेतकऱ्यास ५ किलो बियाणे देण्यात येत असून, ९०० रुपये प्रतिकिलो बियाणे हा विद्यापीठाचा दर आहे. गेल्या वर्षी शेतकऱ्यांनी या बियाण्यांकडे पाठ फिरविली होती. मात्र या वर्षी शेतकऱ्यांची गर्दी विद्यापीठास दिलासा देणारी आहे. महात्मा फुले कृषी विद्यापीठातील बियाणे विक्री केंद्राबरोबरच पुणे-नगर रस्त्यावरील चास येथील संशोधन केंद्र, कृषी विज्ञान केंद्र, उद्यान विद्या महाविद्यालय, धुळे, पिंपळगाव बसवंत येथील कांदा संशोधन केंद्र; तसेच जळगाव येथील संशोधन केंद्रांवरही कांद्याच्या या बियाण्यांच्या विक्रीची व्यवस्था करण्यात आल्याची माहिती बियाणे विभागाचे प्रमुख शास्त्रज्ञ डॉ. मधुकर धोंडे यांनी दिली. 

एकूण १२ टन कांदा बियाण्यांची विक्री पहिल्या टप्प्यात सुरू केली असून, राहुरी येथे ४८४३ किलो फुले समर्थचे सत्यप्रत बियाणे व २०३९ किलो फुले बसवंत ७८०च्या बियाण्यांची पहिल्या टप्प्यातील विक्री आजपासून सुरू करण्यात आली. विद्यापीठाचे सुरक्षा अधिकारी गोरक्षनाथ शेटे यांनी गर्दीचे चोख नियोजन केले होते. मात्र पोलिस संरक्षण वेळेत न मिळाल्याने विद्यापीठाचे नियोजन कोलमडले. शेतकऱ्यांनी विक्री केंद्राचे गेट तोडून विक्री केंद्रांच्या रांगांवर धाव घेतली. यादरम्यान सुरक्षारक्षक दत्तू जाधव जखमी झाले. 

बियाणे भरपूर प्रमाणात उपलब्ध असल्याचे विद्यापीठाचे अधिकारी वारंवार शेतकऱ्यांना सांगत असतानादेखील शेतकरी ऐकण्याच्या मनस्थितीत नाही. विक्रीदरम्यान विद्यापीठाचे संशोधन संचालक डॉ. शरद गडाख, विस्तार शिक्षण संचालक डॉ. किरण कोकाटे यांनी पाहणी केली. बियाणे विभागाचे डॉ. शरद गडाख, डॉ. चंद्रकांत साळुंके, डॉ. केशव कदम, डॉ. मधुकर भालेकर, सुरक्षा अधिकारी गोरक्षनाथ शेटे यांनी विक्रीचे नियोजन केले. 

विद्यापीठाने शेतकऱ्यांसाठी काहीही सुविधा केल्या नाहीत, आम्ही रात्रीपासून येथेच थांबून होतो, सकाळी ९ वाजता अधिकाऱ्यांच्या हस्ते पूजा झाल्यानंतर उन्हामध्ये कांदा बियाण्यांची विक्री सुरू करण्यात आली. सकाळी आलेल्या शेतकऱ्यांनी सर्व गोंधळ करून व पोलिसांनी आम्हास पुन्हा रांगेत येण्यासाठी बजावले, विद्यापीठाने टोकण व्यवस्था केली असती, तर इतक्‍या मोठ्या प्रमाणावर गोंधळ उडालाच नसता, अशी संतप्त प्रतिक्रिया शेतकरी देत आहेत. 
 

इतर ताज्या घडामोडी
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...
कोल्हापुरात ऊसतोडणीसाठी यंदा पुरेसे मजूरकोल्हापूर  : गेल्या हंगामाच्या तुलनेत...
यवतमाळ जिल्हा दुष्काळग्रस्त जाहीर करा ः...वणी, जि. यवतमाळ   ः केंद्र व राज्यातील सरकार...
ग्रामपंचायत कर्मचाऱ्यांच्या वेतनासाठी...नाशिक (प्रतिनिधी) : कुटुंबाच्या आर्थिक अडचणीच्या...
पीकनिहाय सिंचनाचे काटेकोर नियोजनपिकांच्या अधिक उत्पादकतेसाठी जमिनीची निवड, मुबलक...
नारळासाठी खत, पाणी व्यवस्थापननारळ हे बागायती पीक असल्यामुळे पुरेसे पाणी...
खानदेशात केळीच्या दरात सुधारणाजळगाव : केळीची आवक सध्या कमी असून, थंडी वधारताच...
नाशिक जिल्ह्यातील दुष्काळी तालुक्यात...नाशिक : नाशिक जिल्ह्यातील पंधरापैकी आठ तालुके...
‘निम्न दुधना’तून पाणी देण्याचे...परभणी : निम्म दुधना प्रकल्पातून पिण्यासाठी पाणी...
सर्वसाधारण सभेचा सत्ताधाऱ्यांना धसकाजळगाव : जिल्हा परिषदेची सर्वसाधारण सभा येत्या २८...
शेतकऱ्यांनी चारा पिकांवर भर द्यावा ः...पुणे  : नव्या वर्षाच्या सुरवातीलाच कृषी...
‘वनामकृवि’ तयार करणार दुष्काळी...परभणी  ः मराठवाड्यात उद्भलेल्या दुष्काळी...
कापूस लागवड न करणाऱ्यांना मिळाली मदत;...जळगाव  ः जिल्ह्यात मागील हंगामात बोंड...
पुणे विभागात रब्बीची १८ टक्क्यांवर पेरणीपुणे  ः परतीचा पाऊस न झाल्याने जमिनीत पुरेशी...